كاتم ضمير

الحلقة ٢٩

#كاتم_ضمير

((( بقلم زينب ماجد )))

الحلقة_٢٩

وارد زعلان منك ماعرف ليش!
واتركك من اروح تدور اسباب
(ايهاب المالكي)

اتسمعت عليه ..
يكول : اني حاليا مو بالبيت ارجع و نحجي

فتت، حجه : اي اي ديلا ، مع السلامة ، ان شاءالله

- منو حبيبي ؟

- هيج شغل

- ها

حطيت الصينية بالكاع وانتجينا ع القنفة وكعدنا نباوع التلفزيون .. مفتهمت شي من الفلم على كد ما بالي انشغل بالرقم اللي اتصل بيه ..

كاعدة بحضنه وهو مندمج يباوع بالفلم
باس عظمة جتفي بوسة خفيفة ومد ايده للحب حتى ياخذ ، فزيت من حضنه فجأة وانداريت : مو اللي اتصلت بيها

بقى لازم الحب وصافن بوجهي مصدوم من الفزة : شبيج

- اللي اتصلت بيها منو عابد
ولتكول شغل وصاحبي وهالكلاوات ..
لإن اني شفت الرقم مكتوب عليه (س) لو ما فاتورة قديمة ما تحط حرف .

ضحك : وانت ضامتها بكلبج كل هالوكت ومتحجين ؟
البنية جانت عندي بيها علاقة قديمة

- سارة

- شخبصتيني بسارة يولي ، حتى ما جان عندي وياها علاقة ليلية كضيتها وياها وخلصت فضت .

- ها يعني اكو بقية والخير هواي

-اليوم نشرت صوري مال الخطبة ع الانستكرام وكتبت (يا ولد جني تورطت ) وحطيت حلقة يم الكلام .. عاد الولد جماعتي استلموني تصنيف ويحطولي اية ( وما ظلمناهم ولكن كانوا انفسهم يظلمون)

من ضمنهم على كولتج الفاتورة القديمة راسلتني وكتبت (ها واخيرا جرك ابوك من اذانك وخلاك تاخذ بنت عمك)  كتبتلها (الخذيتها على حب مو اني الأنجر)

خابرت اكثر من مرة حتى تعرف التفاصيل
بس اني هنا عدكم اجيت ..
وخالاتج جانوا كاعدين
والتهيت وياج ما حجيت وياها بعد

- سودة عليه وناوي من ترجع تخلص سالفتك وتحجي

- شنو يولي حبل انت تلتفين على ركبتي ، واذا حجيت يعني ما بيني وبينها شي البنية راحت لحال سبيلها

- واذا راحت شعندك تراسلك و تخابرك حتى تعرف شكو

- لإن جانت تحبني بس خوفا من ابوي عافتني جزعها لحد ما طفرت

- شرايك تبجيلك شوية عابد وضعها يكسر الخاطر مسكييينة

- ماله داعي هالحجي ، لو عندي شي وياها لو ذرة مشاعر باقيتلي الها ما احجيلج واكعد انكر واطلعلج الف حجة، بس سالتيني وجاوبت

-هل ولإن جاوبت لازم اعوفك عادي .

- حبي اني بعد لازم اروح اتأخرت حيل ، محتاجة شي