#كاتم_ضمير
((( بقلم زينب ماجد )))
الحلقة_ ٣
الناس اختلفت و ظهرك اتچّي وين
اذا ما تلگه حايط تگعد بفيه
(ايهاب المالكي)وكفت بزوية شفت بنية محجبة تأشر روح بدون صوت تخاف لا يسمعوها بس هو ما يباوعلها ، شافتني باوعتلها ، اشرتلي عليه حتى انبه .
انداريت لرابي لكيته صعد على حايطهم .. صحت : رااااابي ، انزل ، راااابي
اندارلي ويا ما اندارلي ، طلعوله ٣ اخوة من اخوتها وركضوا ، بسرعة طفر من الحايط وركض سريع وهو يصيح : لا تلحكيني ارجعي امشيييي
وكض بكل حيلههم فتحو الباب وركضوا وراه .. طلع اله واحد من الباب الثاني مال بيتهم وتلكاه صار بيناتهم ، طلعن نسوانهم بالباب يباوعن ، واني بين ارجع وبين افزعله ..
احتاريت بكاعيما اكدر اعوفه بس بنفس الوكت هم ٤ زلم بس كل واحد بيهم اني بكد جف ايده ، بس ما كدرت اذا ما اتعارك وياه ما ارتاح ، باوعت للكاع بحركة ادورلي على شي اهد بيه
لكيت كسرية طابوكة جريتها بحركة ايدي من الكاع وركضت وراهم ، لزموه وتناوشوه بوكسيات وسجين بيد واحد منهم هو التها لازم بيد اللي لازم سجين لوى ايده .. وذولاك دفرات على ظهره وكعوه ...
تناوش الثاني السجينة وشخطه ، هد عليهم رابي
واني انهديت بيهم من ورا طك بالطابوكة ما ضربتهم بيها ، خليتها بيدي وصكع على روسهم كمت اضرب واصرخ ...وهم شككوا بالسجين وهو يضرب بيهم نسوانهم كامن يتصارخن وامهم طلعت تصيح : راح نشتهر ونتخى ولكم هدوووه .
واني ادافر واصم ايدي واطك بطابوكة .. ويا ما صرخت امي واحد شخط ايدي بسجينة ، احس حرارة صارت بيدي الدنيا ثلج وايدي لشتعلت نار ، جرتهم امهم ورابي وجه وجسمه مشخط ويلهث من التعب ، ظلوا يتعاركون ويا امهم ويجرون بيها ، وواحد منهم جر السجينة ويصيح : اذبحة اليوم هناااا
ويا ما حجاها نهد عليه رابي سحب السجينة واني جبت الطابوكة بنص وجهة ، صاح : اشررررردي
ركضت بسرعة وهو وكف يدجج بالهوى ويصرخ : ابن امه اليدنه ....
يريد يوصللهم اختبصوا هم وامهم ذبت روحها عليهم ، وتجر بيهم هي والنسوان ، رابي استغل الموقف وشرد بسرعة وراي ، ركض وراه واحد من اخوتها ، وامه ركضت وراه ، بس رابي من حلاة روحه جان اسرع وطلع من الفرع كله .
كمت اصيح عليه : غبي حيووووان انت تعرف كل الزين الجلبة بايعتك ، انت الذبيتنا بهاي العركة .
- اكلي خ**** وولي عوفيني ، انت اللحكتيني امشييي
- اكبر جبان شفته بحيااااتي ، جبااان
- اركض واغلط عليه وهو عافني وراه وركض ... ردت اطب الفرع ، هو تعداه ، وكفت الهث من التعب واباوع وراه كله دم ومجرح وركض وحده ..
YOU ARE READING
كاتم ضمير
神秘 / 驚悚تدور احداث الرواية حول ممرضة تتعرض للأبتزاز لقتل مريض قائمة على علاجه ، فتلقى الضغط من اهل المريض .. لتقع وسط حيرة الضمير وانقاذ المصير . كاتم ضمير