كاتم ضمير

الحلقة ٤

كاتم ضمير

((( بقلم زينب ماجد)))

الحلقة_٤

يكلبي
رف لكن على اليستاهّلونك كون
على المن تشب نارك حرگ بي تشتم
على المن مايشوفك بالحلم يومين
الف حسبه اعله باله من القلق تلتم
عليّمدحك وكت ماتختلف وياه
گدام اليريدك بالذكر تنذم

يگلبي وموهبك ومسامحك عالراح
بس احسب إحسابك باليجي امذمم
(أيهاب المالكي ) 

مشى ليث ويا الدكتور ، ومينا وكفت :  خاف على سالفة المخدرات

- اششششش انت على كد ما ترددين مخدرات مخدرات حنروح كلنا بيها الصمي حلكج وبس وتعاي وياية

خذيتها للطواري ضمدوا ايدها ولفوها وانطوها لستة علاج ، طلعنا من الطواري ... خابر ليث ، رديت : الو ها ليث

- - هلا ايناس ، اكلج

- كول

- هذا الدكتور جاي يكول خسران دم هواي ويحتاجله دم و دمه O سالب

- ديلا فوك الضيم

- هسه شنسوي ماتعرفين احد دمه او سالب بالمستشفى ، شي

- لحظة خل اخابر الوياي واكللهم

سديته من عنده ، حجت مينا : شبيه ؟ ليش خابرج ليث ، عرفوا شي

اني كامشة التليفون ادور على رقم اليشتغل بالدم بالمستشفى ، حجيت : ما عرفوا بس كرميني بسكوتج ..
دكيت ، رن رن .. رد : الو

- الو منو

- اني ايناس اللي بالعناية .. ابن عمتي بالمستشفى ومحتاج دم O سالب تعرف احد عنده هيج زمرة .

- حاليا ما جوا ايدي خل اشوفلج .

رجعت خابرت على سارة كالت : خل انشرلج بوست واخلي رقمج

- لا حطي رقم ابن عمتي مو اني

دزيتلها رقم ليث ع الوتساب ، ونشرت على صفحتها ..
خذت مينا ورجعت يم ليث ورابي كلش خلصان ووجها اصفر فد مرة .

كعدنا ننتظر احد يتصل او فد متبرع
اجا الدكتور حجه : الولد ياخذ شي

ليث : والله دكتور ما اجذب عليك، سابقا جان ياخذ بس بس تاب وعافها

- تاب شنو التحاليل كدامي تبين هو يتعاطى ،وهالشي مو بيدي لازم ارفع موضوعه .

عفت ليث يتلاغى وياه ورجعت خابرت سارة حجيتلها ، وكتلها : تعرفين احد هنا يخلصها النا ونطلع

- لحظة اشوفلج علاء قيادة اعتقد عنده عرف بهاي المستشفى

- منو علاء قيادة

- الضابط الذيج المرة طلعت وياه سولفتلج عليه شنو نسيتيه

- والله ما تتذكره ، هسه ديلا علواه اي شي المهم نخلص من هالسالفة، لا نروح نتورط كلنا بيها.