#كاتم_ضمير
((( بقلم زينب ماجد )))
الحلقة_٦
من شفت الحلم ينوخذ مو ع اللون
بعد بطلت أضم احلام وردية
( أيهاب المالكي )غير موجة كلامه وغير ملامحة وكال عوفي الحجي هسه : رايد اطلب منج طلب تنفذينه ؟
- شنوه ؟
- عندي فد مقترح اذا سويتي ، انت تستفادين واحنا نستفاد ، وتخلصين من كل الهسه بيه انت .
اخذت كوب الجاي شربت وباوعتله : اللي هو ؟
-تتصلين بالدكتور انيس ، وتكليله دكتور اني اريد احجي وياك على انفراد
- اي
- يعني حاولي تتكربين منه وتحسسينه بمجال شوية ، ووثقي كلشي يحجي ويسوي وويا منو يتعامل وشورا هالقصة
- ايييي
كعدت رجل على رجل وحطيت ايدي على خدي- هالحل افضل حل حتى تخلصين نفسج منه ، وهم توثقين اقواله ودنائته ، اسمعي لو لزمتي عليه مستمسك واحد بأن هو يحاول يجرجرج او يستغلج ، ينفصل نهائي من الشغل وما تنفتحله بعد اي عيادة ولا يكدر يمارس مهنة الطبابة مرة ثانية ، صيري قوية وسويها .
- انت قصدك مو اصير قوية ، انما اصير .... استغفر الله منك يلساني مشكلتي ما افشر ولا تعلمت احجي الكلمات المو حلوة ، بس اللي عرفته انت فعلا انسان وقح واسمحلي اكولك تافه هماتين .
كمت من مكاني وهو على نفس كعدته عينه بكوب الجلين كامشه ويباوع عليه ، ضفت بالحجي : واسمع اخاف طلعت ويا سارة مرة ومدري اشفت منها وعبالك كلنا نفس السستم ، اذا مفكر بيه هيح تفكير فأنت غلطان .
ظل على نفس وضعه ما رد
عفته ومشيت ، اتذكرت تليفوني ع الطاولة ظل ، رجعت بسرعة ، باوع ، حجيت : انجومك اللابسهن ذبهن وخلي المراجل لهلها- ليحد هسه ما رديت عليج فلا تتجاوزين
- هاااه لا ما اجاوز، بالله كولي لو اللي كلته ، ينكال لأختك ترضى تماشي رجال وتنطي مجال حتى تثبت برائتها ، انت مقتنع باللي دا تكوله ؟
- ما توقعت ردج هيج، بس اذا ضايكج الموضوع انسي، مالها داعي كل هالعصبية
فتحت الجنطة مالتي وطلعت منها ألف ديار وضربته ع الطاولة : فلوس الجاي ، اودعناااك
عفته ومشيت طلعت من الكافتريا
واني طالعة ، سارة صارت بوجهي : وينج واني ادور عليج- ماكو بس شربت جاي راسي كام يوجعني
- وشلون صرتي ؟
- احسن
- اجيب نسكافيه واجيج ، تريدين ؟
عفتها ومشيت بحركة على كد ما مضايقة من كلامع ، ما ادري اشلون شايفني حتى يطلب مني هيج طلب سخيف، وصلت الباب وانداريت وراي باوعت للكافتيريا ، سارة كعدت بمكاني وهو كبالها بقت تسولف وياه، نفس الطبقة اصلا
مالي خص بيهم .. دخلت وعفتهم وراي
YOU ARE READING
كاتم ضمير
Mystery / Thrillerتدور احداث الرواية حول ممرضة تتعرض للأبتزاز لقتل مريض قائمة على علاجه ، فتلقى الضغط من اهل المريض .. لتقع وسط حيرة الضمير وانقاذ المصير . كاتم ضمير