كاتم ضمير

الحلقة ٣٤

#كاتم_ضمير

(((بقلم زينب ماجد )))

الحلقة_٣٤

والزم جفني اخاف من أرمش يزعلون
واتناسى الحجاية البذني محجية
ومن الكالي حك عد محب ما اداعي
اكو حك برجعته يعيب راعيه
( للشاعر أيهاب المالكي )

أيناس : اباوع ممصدكة اللي كدامي وهو يحجي ..
ميس كامت تصرخ وتحضني
وامي تصفك بفرحة وتدعيلنا ..
واني اريد اصدك ان هذا الصالون كله الي ملكي ..

الفرحة تجمعت على شكل دموع فرح بعيوني
كمزت لحضنته حيل وكمت ابجي بقوة
وهو يضحك من كل كلبه : يولي اكلج اضحكي وانت تبجين .. شو عيونج اويلي الله يولي شكد احبهن ....

- ليش مكتلي ؟

- عجل لو كتلج شظل بالمفاجئة يولي ؟

حجت امه : شو حتى احنا ما ندري ، غير تكللنا تنطينا خبر ؟

عابد : ابوي يدري بلغته

- واني يا غافل الك الله ؟

- يوووم ؟

طب ابوه : ها ع الخير فتحتوا الصالون .

امه : يا خير على زود سمعتها لو على زود حلاها شو سمرة زركة وابوها كال ما كال عليها بدال ما تكعد ابنك وتعقله يرد عن هالزواج تأيده .. شصايرلك ؟

محمد ابو عابد : المال مالو والحلال حلالو ، والحرمه مرتو ، يولي ما زدت عليج من خيري ، نكصت عليج بشي

- تقارني بأيناس ؟

عابد : يمه جايين نفرح لا تخربينها ، لو ما جانت عندج حجاية حلوة تسمعينا الي بهاليوم فلا تحجين

- تسكتني لخاطرها عابد

محمد : هديل اخذي امج وانزلوا للسيارة بنتي ، الظاهر اعصابها تعبانة

- لا مو تعبانة ولا شي وما اروح ولا اتحرك منا الخير خير ابني واني الي حق عليك وعليه ، ما اعوفه لغيره

عابد : يمه صوتج رحمة لكبر احمد صوتج .. ما يحتاج كل هالهوسة

- اني اللي اريد اعرفو ابوك شلون قابلك .. شغيرا

محمد ندس ابنه وكاله : اسكت عنها .

ايناس : هم يحجون واني ملتهية اتفقد الصالون .. الكراسي المرايات الفاترينات السبالت كلشي جاهز بيه .. وفرحتي باينه واني اسولف ويا ميس واكلها : محسب احساب لكلشي .. حتى مقصات وسشوار

دا اكمل حجي امي ندستني : لا تبينين فرحتج كتميها

- ليش ، شكو

- اطابخوا بيناتهم دشوفي

- ليش ؟

- امه كلبت 

وكفت حتى اركز على كلامهم عابد بسرعة عافهم واجاني ؛ ها شلونه

- امك شبيها ، حسيت اكو شي