သူကကျနော့်ရဲ့ဇနီး( သူကကျနော့် ရဲ့ ရှီဖူအာ )
" အားယွီ..ကိုယ်ပြန်လာပြီ "
ဖူ့ရှီဝိန်ကသူ့ကုတ်အင်္ကျီအားချွတ်လိုက်ပြီး cloakroom ထဲထည့်ကာချိတ်ထားလိုက်ပြီး ဆိုဖာနားသို့ဖြည်းညင်းစွာလျှောက်သွားလိုက်သည်။သူက ဆိုဖာပေါ်တွင်အိပ်မောကျနေသောကောင်ကလေးကိုနူးနူးညံ့ညံ့လေးစိုက်ကြည့်လိုက်၏။
သူခေါင်းကိုငုံ့လိုက်ပြီး ထိုကောင်လေးကိုနမ်းလိုက်ကာ ညင်သာစွာပွေ့ချီလိုက်ရင်း ကုတင်ပေါ်သို့တင်ပေးလိုက်သည်။
ယုန်ငယ်လေးက သူ့ဘေးနားသို့ရောက်လာကာထိုင်ရင်းနှင့်ပင် ဖူ့ရှီဝိန်အားကြည့်ပြီးအသံပြုလိုက်၏။
ဖူ့ရှီဝိန်က သူ့နှုတ်ခမ်းပါးလေးအပေါ်လက်ညိုးတစ်ချောင်းတင်လိုက်ပြီး
" ရှူး...အဲ့လိုမလုပ်နဲ့..အားယွီအိပ်ပျော်နေပြီ "
သူတိုးတိုးလေးပြောလိုက်သည်။
ယုန်ကလေးကသူ့ကိုစိုက်ကြည့်ပြီးခုန်ထွက်သွားလေ၏။
သူ အိပ်ခန်းတံခါးအားဖြည်းညင်းစွာပိတ်လိုက်ပြီးယုန်ငယ်လေးနောက်သို့လိုက်လာလိုက်သည်။
" ဒီနေ့ဘာစားချင်လဲ..မြက်ခြောက် ဒါမှမဟုတ် အသီးတစ်ခုခုလား..မဟုတ်ရင်လဲ...တစ်ခြားတစ်ခုခုစားချင်သေးလား "
ယုန်ငယ်လေးကနှစ်ကြိမ်မြောက်အသံပြုလိုက်၏။
ဖူ့ရှီဝိန်က ယုန်လှောင်အိမ်အနားသို့လျှောက်သွားလိုက်ပြီး ယုန်ငယ်လေးစားပြီးသမျှစားကြွင်းစားကျန်များကို မြက်ခြောက်များ ရေအသစ်များနှင့်အစားထိုးကာလဲလှယ်ပေးလိုက်သည်။
ယုန်ငယ်လေးကမြက်ခြောက်ကိုစားပြီး ကျေနပ်ဟန်ဖြင့်သူ့နားရွက်ကိုလှုပ်လို့နေသည်။
ထိုအချိန် တစ်စုံတစ်ယောက်ကသူ့အိမ်တံခါးကိုခေါက်လာသည်။
" ရှီဝိန်..မင်းအိမ်မှာရှိလား "
မစ္စလန်၏အသံက အိမ်အပြင်ဘက်မှပေါ်ထွက်လာခဲ့၏။
သူ တံခါးကိုဖွင့်ပေးလိုက်သည်။
" မား ဘာလို့ဒီလောက်နောက်ကျနေတဲ့အချိန်မှရောက်လာရတာလဲ..အားယွီကအိပ်ပျော်နေပြီ..တစ်ခုခုပြောစရာရှိရင်လည်းအပြင်ထွက်ပြီးမှပြောရအောင်.သူ့ကိုမနှိုးမိစေနဲ့ "
YOU ARE READING
အချစ်ဉီးပြန်လာပြီးနောက်အစားထိုးခံကထွက်သွားတယ် ( ဘာသာပြန် )
Non-FictionOriginal author~薛火火 Sauce _ 白月光回来后替身离开了 I own nothing of this novel #Full credit to original author Mm trans by jjkalix
