Chapter 37. စိတ်မဆိုးပါဘူး
အဝတ်လျှော်စက်ထဲမှအဝတ်များအားလုံးလျှော်ပြီးသွားသည့်အခါတွင်၎င်းထံမှ " တီတီ " ဟူသောအသံတစ်ချက်ထွက်လာ၏
လင်းယွီကအဝတ်အစားများကိုကျွမ်းကျင်သူပီပီ
အလျင်အမြန်သိမ်းဆည်းလိုက်သည်
ဖူ့ရှီဝိန်သည်အနောက်မှလိုက်လာကာ လသာဆောင်၌ရပ်ပြီးစီးကရက်စ်မီးကို
ညှိလိုက်၏
ပြတင်းပေါက်အပြင်ဘက်ရှိညအချိန်အခါလေးကအလွန်တရာကိုမှအေးချမ်းနေသယောင်...
ကောင်းကင်ပေါ်ရှိလကြီးသည် ၁၅ ရက်နေ့ဖြစ်
နေတာကြောင့်လားတော့မသိ...ကြည့်ရသည်မှာ
အလွန်ပင်ဝဖြိုးနေကဲ့သို့ဖြစ်နေ၏
ဖူ့ရှီဝိန်က စီးကရက်စ်တစ်လိပ်ကိုရှူရှိုက်ရင်း
လင်းယွီအားကြည့်ကာ
" အန်းချိန်ကခြေထောက်ကဒဏ်ရာဖြစ်နေလို့
ကိုယ်သူ့ကိုအိမ်မှာနေခွင့်ပေးလိုက်တာပါ..မင်းစိတ်မဆိုးဘူးမလား "
သူမေးလိုက်သည်
လင်းယွီကအပြုံးတုတစ်ခုရအောင်ဖျစ်ညှစ်လိုက်ပြီး " ကျနော်စိတ်မဆိုးပါဘူး...အန်းချိန်က
ရှန်းရှိန်းရဲ့သူငယ်ချင်းဆိုတော့လည်းကျနော့်သူငယ်ချင်းဘဲပေါ့ "
ဖူ့ရှီဝိန်သည် လင်းယွီ၏မျက်နှာပေါ်ရှိထိုအပြုံးတုကိုစိုက်ကြည့်ကာအစစ်အမှန်အပြုံးနှင့်ဟန်ဆောင်အပြုံးနှစ်ခုကြားရှိခြားနားချက်ကို
တွေ့သွား၏
" ကောင်းပြီလေ..ဒါဆိုလည်း ညဘက်သူနေဖို့အခန်းတစ်ခန်းကိုသန့်ရှင်းရေးသွားလုပ်ထားပေးလိုက် "
" ကောင်းပါပြီ " လင်းယွီ နာနာခံခံနှင့်ခေါင်းညိတ်ပြလိုက်သည်
ဖူ့ရှီဝိန်က " အားယွီ..ဒီရက်ပိုင်းသူ့ကိုသေချာဂရုစိုက်ပေးနော်..သူ့ခြေထောက်တွေကအဆင်မပြေဘူး "
" အင်း "
ဖူ့ရှီဝိန်ဘာဘဲပြောပြောလင်းယွီက " အင်း "
" ကောင်းပြီ " ထိုနှစ်ခွန်းကိုသာပြော၏
သူကငြီးငွေ့လာသကဲ့သို့ပျင်းရိရိခံစားချက်ကြီးဖြစ်လာကာသူ့လက်ထဲရှိစီးကရက်စ်အငွေ့များအပြင်ဘက်သို့လွင့်သွားစေရန်ပြတင်းပေါက်ကိုခပ်ကျယ်ကျယ်ဖွင့်လိုက်သည်
YOU ARE READING
အချစ်ဉီးပြန်လာပြီးနောက်အစားထိုးခံကထွက်သွားတယ် ( ဘာသာပြန် )
Non-FictionOriginal author~薛火火 Sauce _ 白月光回来后替身离开了 I own nothing of this novel #Full credit to original author Mm trans by jjkalix
