The Green Eye Devil

Chapter 116

CHAPTER ONE HUNDRED AND SIXTEEN

AFTER ten minutes ay nakarating na kami sa resort ni Hunter, it has a name "Paradise of Fantasy."

"Yeah."

"Why did you name your resort like that?"

Naglakad kami papunta sa may isang mansion. Inilibot ko ang tingin ko sa paligid. May Hotel sa kanang bahagi. Nagtatakang tumingin ako kay Hunter.

"Bakit dito tayo?" naguguluhan kong tanong habang panay ang tingin sa may hotel.

Nilingon niya ako.

"Andito 'yung pinaka-office namin. May kukunin lang tayo sandali pagkatapos ay pupunta tayo sa hotel," anito.

Hindi na ako kumibo.

Pinagsawa ko ng tingin ang sarili ko. May mga cottages sa may bandang beach. Ano kaya 'yon? Room din?

Madaming puno ng niyog sa paligid na may mga duyan sa pagitan ng dalawang puno. May mga tao pa ring nasa beach kahit gabi na. 'Yung iba ay nagpa-party at 'yung iba ay kalmado lang sila do'n.

Pumasok kami sa Mansion. Wala ng tao pero bukas ang mga ilaw. Inilibot ko ang paningin ko sa paligid. May pa-spanish style ang bahay. Mukhang gano'n na 'to kaluma pero matatag pa rin. Huminto kami sa gitna ng salas, tapos ay tinuro ni Hunter ang couch.

"You can sit there while waiting. I will be quick," anito.

Tumango ako saka lumakad palapit sa couch. Umupo ako. Mula sa gilid ng mata ko ay nakita ko ang pag-alis nito para pumanik sa second floor ng mansion. Sumandal ako at nag-relax.

At kagaya nga ng sinabi ni Hunter ay mabilis lang ito. May dala nang maliit na paper bag ang binata pagbaba niya. Sunod naming pinuntahan ay ang mismong hotel nila. And I can say na super sulit ng ibabayad ng tourist dahil sa ganda nito.

May malaking chandelier sa may gitna ng mismong lobby na may yellowish na ilaw sa itaas.

"Sir Hunter!!"

Sabay kaming napalingon ni Hunter sa sumigaw. Nang galing 'yon sa may elevator. Nakatayo ang isang maliit na lalaki, may hawak na isang folder. Patakbo itong nagpunta sa'min.

"Bakit, Bobby?" rinig kong tanong ni Hunter.

Nakita ko ang pag-abot ni Hunter sa hawak na folder ng lalaki. Binuklat 'yon ni Hunter.

"Okay na po 'yung lunch niyo. Nasa may rooftop na," ani nung lalaking may pangalang Bobby.

Tumango si Hunter dito.

"Okay." Ibinalik nito ang folder sa lalaki bago tumingin sa'kin. "Tara?"

Nauna na akong maglakad sa kanya. Sumakay kami ng elevator. Si Hunter ang pumindot ng last floor sa itaas, tumapat siya sa'kin. Nakatingin ako sa harapan, samantalang si Hunter ay nasa may floor numbers sa itaas.

Pagkatapos ng ilang minuto ay bumukas na ang elevator at lumabas kami ni Hunter. Hinawakan ako ng lalaki sa braso. May hagdan pa kaming aakyatan kaya naman naka-alalay sa'kin ang lalaki.

Tinulak ko pabukas ang pinto.

Bumungad sa'kin ang isang cute na table, may kandila sa ibabaw ng table, may mga pa flowers din.

Tumaas ang kilay ko.

"Anong meron?" naglibot ako ng tingin sa paligid.

Kitang-kita ang malawak na dagat sa pwesto ko. Naglakad ako sa may gilid at saka tumingin sa ibaba.