The Green Eye Devil

Chapter 57

CHAPTER FIFTY-SEVEN

PAGKADATING ko sa tapat ng condo ni Hunter ay walang kibo akong pumasok sa loob ng building. Dahil kilala na naman ako ng Guard ay nginitian niya lang ako pagkatapos pinapasok na. Naglakad ako papunta sa may elevator. Hinintay kong bumukas 'yon, pumasok ako sa loob at pinindot ang floor ng unit ni Hunter.

Nang bumukas ang pinto ng elevator ay lumabas na ako at naglakad papunta sa may pinto ni Hunter. Napatigil ako sa akmang pagbukas ng pinto. Napahawak ako sa buhok ko. Kinagat ko ang lower lip ko. What if hindi magustuhan ni Hunter?

Kinuha ko ang phone ko ng mag-ring 'yon. Sinagot ko ang tawag.

"Why are you not coming in? Is there something wrong?" marahang tanong ni Hunter sa kabilang linya.

Nagtataka akong tumingin sa may cellphone para masiguradong ang binata nga ang kausap ko. Ibinalik ko sa tenga ko ang phone habang inililibot ang tingin ko.

"Paano mo nalaman? Where are you?" sunod-sunod kong tanong sa kanya.

"Inside," tipid nitong sagot. Ibinaba ko ang tawag bago binuksan ang pintuan at pumasok sa loob. Nakapatay ang ilaw sa sala kaya binuksan ko 'to. Nagdikit ang mga kilay ko ng mapansing parang wala pang tao. Sinarado ko ang pinto gamit ang paa ko.

"Hunter?" tawag ko pero walang sumasagot.

Naglakad ako papunta kusina upang tinginan kung nando'n siya pero walang tao. Lumapit ako sa may kalan. Bukas kasi ang isang stove at may pinapakuluang ulam. Inalis ko ang takip ng kaldero at tiningnan 'yon. It's kare-kare.

"Where is he?" mahinang tanong ko sa sarili. Ibanalik ko ang takip pagkatapos ay naglakad na palabas ng kusina. Nagtuloy ako sa may hagdan upang umakyat sa second floor. Nagtuloy ako sa kwarto ni Hunter. Kumatok ako ng tatlong beses, nang walang sumagot ay binuksan ko ng bahagya ang pinto at sumilip sa loob.

Tiningnan ko kung nando'n si Hunter pero mukhang wala namang tao. Binuksan ko ang pinto at pumasok ako sa loob. Inilibot ko ang tingin ko sa loob ng silid. May dalawang pinto sa loob. Sa tingin ko ay banyo ang isa at 'yung isa naman ay papunta sa walk in closet.

Kulay gray and black ang silid. Maamoy ang pabangong panlalaki ni Hunter. May isang king size bed sa gitna ng kama, may dalawang side table na nasa magkabilang gilid. May isang flat screen TV na pinapagitnaan ng dalawang pintong nasabi ko.

May isang table sa kabilang gilid ng kwarto, may computer do'n, sa gilid ay may maliit na bookshelf na may mga libro at kung ano ano pa. Lumapit ako sa may kama. Bumaba ang tingin ko sa may picture frame sa gilid nito.

Inabot ko 'yon at tiningnan. Nakita ko sa larawan ang isang magandang babae. Nakakulay puti siyang damit habang nakatawa, nasa likod nito si Hunter ay nakayakap sa bewang nito habang nakangiting nakatingin sa babae.

This must be Divine.

"Your hair looks good on you," ani ng tinig mula sa likod ko.

Napalingon ako, nakita ko si Hunter na nakasandal sa may pinto habang nakatingin sa'kin. Ngumiti ako sa kanya.

"Thank you," ani ko. Tinaas ko ang hawak kong larawan.

"That's her," pangunguna niya sa'kin. Pumasok ito sa loob. Nilapitan niya ako. Inabot ko sa kanya ang picture ng magtapat ang katawan naming dalawa.

"She's pretty," puri ko dito.

"She is." Nakatitig lang si Hunter sa picture ni Divine na may halong pagmamahal at pangungulila. Sobrang sakit siguro para sa binata ang mawala agad sa kanya ang dalaga.