Hold On,You're Something Else [Myanmar Translation]

Chapter 17

Unicode

Ch-17 သူဘာလို့ဒီလောက်ရှက်နေရတာလဲ?

ရုံကျင်းရဲ့အေးစက်နေတဲ့မျက်နှာထားလဲ အနည်းငယ်အက်ကွဲလာတယ်။

ဒါကလုံးဝကိုမထင်မှတ်ထားတဲ့ဟာပဲ။

'' အဲ့မျက်နှာထားကဘာလဲ? ငါ့နာမည်က ဘာဖြစ်နေလို့လဲ? '' ဝူဖူယွီက သူ့နာမည်နဲ့ပတ်သက်ပြီး တအားကို အထိမခံတတ်ဘူး။

'' လူတွေကကိုယ့်မှာမရှိတဲ့ဟာဆိုရင် ပိုပြီးတော့ပြသချင်ကြတယ်ဆိုတဲ့ ဆိုရိုးစကားကိုကြားဖူးလား? '' ရုံကျင်းရဲ့ စကားတွေက အနာတည့်တည့်ပေါ်ကို တုတ်ပြုတ်ကျသွားသလိုပါပဲ။

ဝူဖူယွီ ရူးတော့မလိုဖြစ်သွားတယ်။ ရုံကျင်းပြောချင်တာက သူတို့မိသားစုက စာမတတ်ပေမတတ်တွေလို့ သွယ်ဝိုက်ပြီးပြောနေတာကို သူမသိဘူးများထင်နေလား!

'' မင်းက အကိုရှဲရဲ့ညီဖြစ်တာနဲ့ပဲ ငါမင်းကိုထိလို့မရဘူးလို့ ထင်မနေနဲ့! '' အာားးး တကယ့်ကို စိတ်တိုဖို့ကောင်းလိုက်တာ!

ရုံကျင်းက ပုံမှန်ဆိုဒီလောက် စိတ်မဆိုးတတ်ဘူး။ သေတော့မလိုဖြစ်နေတဲ့ ကောင်လေးကို ဒီတိုင်းကြည့်မနေနိုင်ဘူး။

သူတို့ အဲ့ကောင်လေးခန္ဓာကိုယ်ကို လိုချင်တာနဲ့ပဲ အဲ့လိုလုပ်တာ မဟုတ်သေးဘူးလေ။

သူ့မှာအခုထိ လူလူချင်းစာနာစိတ်တွေ ရှိနေဆဲဖြစ်ပြီး အဲ့ကိစ္စကို ဒီတိုင်းလွှတ်မထားနိုင်ဘူး။ ဒုတိယအချက်က သူသိုင်းပညာသင်ထားတာက သူ့ကိုယ်သူ ကာကွယ်ဖို့နဲ့ကာကွယ်ဖို့လိုအပ်နေတဲ့ သူတွေအတွက်ပဲ။ သူအမြဲတမ်း လေ့ကျင့်နေတာတော့မဟုတ်ပေမဲ့ မသုံးဘူးဆိုတဲ့အဓိပ္ပါယ်လဲမဟုတ်ဘူးလေ။

ရှဲလင်း ဒီမှာရှိရှိ မရှိရှိ သူ့လုပ်ရပ်တွေက ပြောင်းလဲသွားမှာမဟုတ်ဘူး။

'ဝူဖူယွီ'ဆိုတဲ့နာမည်နဲ့ ရုံကျင်း ရင်းနှီးနေရတဲ့ အကြောင်းက ဝတ္ထုရဲ့စာဖတ်ပရိသတ်တွေက သူ့ကိုကောင်းခြင်းငါးဖြာထဲကငါးဆိုပြီး အသံကွဲခေါ်လေ့ရှိကြတယ်။ (five blessings-Wufu fish-yu)

စာရေးဆရာပြောပုံအရတော့ အဲ့နာမည်က တကယ်ကောင်းမွန်ပြီးတော့ စာလုံးတလုံးစီမှာလဲ အဓိပ္ပာယ်ကောင်းတွေ ရှိတယ်။ အက္ခရာတွေအားလုံးကို ပေါင်းလိုက်တဲ့အခါမှာ ဝူမိသားစုရဲ့ ကောင်းမြတ်ခြင်းတွေ သူတို့ဆက်ခံသူထံရောက်ပါစေလို့ အဓိပ္ပါယ်ရတယ်။ ဝူဖူယွီရဲ့ နောက်ထပ်အဓိပ္ပါယ်ကတော့ တနှစ်ပြီးတနှစ် ကောင်းခြင်းငါးဖြာရရှိပါစေတဲ့။