I Wish It Was Me (Book 1)

Chapter 27

"Hindi tayo aalis hangga't hindi mo sinasabi," napanguso ako at umiling pa rin.

Natawa siya at ginulo ang buhok ko.

"Mateo!" at tinanggal ang kamay niya.

"Okay baby."

Agad akong tumalikod dahil ramdam kung pulang pula na ang pisngi ko ngayon, kailan ba ang araw na hindi niya ako aasarin. Mahina kung tinapik tapik ang aking pisngi at baka mahalata pa nila Klea at Angel ito. Sabi ko kasi na may kukunin lang ako sa library na 'yun talaga ang totoo pero nagulat ako ng bigla akong ginuyod ni Mateo papuntang rooftop.

Tumakbo siya papalapit sa akin at pinagsaklop ang kamay naming dalawa, pinabayaan ko lamang siya total ay wala naman tao.

"Bilisan niyo naman pagod na ako!"

Nanlaki ang mata ko ng may tao palang papaakyat kaya agad kung tinanggal ang kamay ni Mateo at walang anumang naunang bumaba.

Napaiwas ako ng tingin ng makitang tatlo silang papaakyat.

"Si Mateo ba 'yun?" ani ng kasama nilang babae.

"Saan?" tanong naman ng isa.

"Oo nga si Mateo bilis! Anong ginagawa niya dito sa rooftop?" bigla nalang silang nagsitakbuhan.

Napatigil ako at napahawak sa railings.

Kita ko sa gulat sa mga mata ni Mateo ang ginawa ko na halos itulak siya para matagal lang kamay naming magkasaklop.

"Let's go," halos mapatalon ako sa gulat ng makita si Mateo na nasa tabi ko na pala.

Saglit niya akong tinitigan at agad nag iwas ng tingin. Ramdam kung galit siya sa ginawa ko.

Nauna akong naglakad pababa samantalang siya ay nasa likudan ko at malayo ang distansya sa akin, minsan ay nililingon ko siya para makita kung ayos lang ba siya.

Sumenyas ako kay Mateo na dito na ako sa library para kunin ang libro na dapat kanina ko pa kinuha, tumango siya at dumiretso na sa aming klassroom.

Halos wala akong gana na kunin ang libro na kakailanganin ko at ang pinapakuha ni Angel, nang mapatingin ako sa kabilang shelves ay nanlaki ang mata ko ng makita si Jacob na diretso ang tingin sa akin.

"Aray!" sabi ko ng mahulog ang libro sa ulunan ko.

Hinimas ko ang aking ulo habang pinipulot ang librong nahulog.

Kanina pa ba siya andyan?

"Nakita mo lang ako nafall ka na," muli akong napatingin sa kan'ya.

Wow!

"Ang lakas mo naman! Hindi ba 'yung libro 'yung nafall?" sabi ko habang papunta na sa librarian.

Binalik niya ang binabasa niyang libro at sinundan ako.

"I can see that you are happy while you are with him."

Napatigil ako at napakunot noo. Umiwas siya ng tingin at walang sabing iniwan ako.

Umirap nalang ako at dumiretso na sa librarian para iwan ang id ko dahil sa kinuha kung libro at dumiretso na rin sa klassroom.

Pagkarating ko doon ay inabot ko ang isang libro na pinakuha sa akin ni Angel.

"Thanks! Bakit natagalan ka ata? Mahirap bang nahapon itong libro ko?" tanong niya.

"Marami kasing tao sa library kaya natagalan ako."

Tumango siya at tumingin na sa harapan. Umupo na rin ako at saglit sinulyapan si Mateo na tamad na nakaupo sa kan'yang upuan habang pinaglalaruan ang kan'yang ballpen at saktong pumasok narin si Sir Fred.