(Unicode Version)⚠️⚠️⚠️
သိင်္ဂါရက လင်္ကာမျိုးရဲ့စွပ်စွဲချက်ကို ခေါင်းထဲကနေ ထုတ်မရဘဲ ရှိခဲ့လေသည်။ Theoက ဒီလိုကိစ္စမျိုးကို မလုပ်တတ်မှန်း သူ ယုံကြည်ပေမယ့် မေမေ့ကိစ္စကို သိရှိနေခြင်းကတော့ ထူးဆန်းတာ အမှန်ပင်။ အမျိုးမျိုးအဖုံဖုံ စဉ်းစားပြီး နောက်ဆုံးမှာ ထိုအကြောင်းပြချက်ကို သိရဖို့အတွက် သူ့နည်းသူ့ဟန်နဲ့ ရှာဖွေကြည့်ဖို့ ဆုံးဖြတ်လိုက်တော့သည်။"သိင်္ဂါရ..."
ခေါ်သံကြောင့် ဆေးခန်းထဲမှာ ထိုင်ပြီး စဉ်းစားနေတဲ့ သိင်္ဂါရလည်း အသိပြန်ဝင်လာခဲ့သည်။
"ဪ...မင်းခန့်...ရောက်လာပြီလား!?"
မင်းခန့်က သူ့ရှေ့တည့်တည့်က ခုံမှာ ဝင်ထိုင်ပြီး ပြုံးလိုက်သည်။
"ငါ ဝင်လာတာတောင် မတွေ့ရအောင် ဘာတွေကို ဒီလောက်ထိ တွေးနေရတာလဲ!?"
"ဟိုလိုဒီလိုပါပဲကွာ။ ဒါနဲ့ မေမေ့ကိစ္စကို စုံစမ်းရတာက အဆင်ပြေရဲ့လား!?"
"အနီးပတ်ဝန်းကျင်က လူတွေကို လိုက်စုံစမ်းကြည့်ခဲ့ပေမယ့် တစ်ယောက်မှ သတိမထားမိကြဘူးတဲ့။ ဒါပေမဲ့ ငါ ရအောင် ရှာပေးမှာပါ။ စိတ်မပူပါနဲ့။ ဒီရက်ပိုင်းမှာ ငါတို့စခန်းကို အရေးကြီးတဲ့ အမှုတစ်ခုရောက်နေတော့ အထက်လူကြီးတွေက အဲဒီဘက်ကိုပဲ အဓိကထားခိုင်းနေတာ။"
"ဘာအမှုမို့လို့လဲ!?"
"ဘိန်းမှောင်ခိုမှုနဲ့ သံသယရှိတဲ့သူက ပျောက်နေတာ တစ်လလောက်ရှိပြီ။ ဒါပေမဲ့ ပြီးခဲ့တဲ့အပတ်က Facebookပေါ်မှာ သူနဲ့ ပတ်သက်တဲ့ ဗီဒီယိုတစ်ခု တက်လာတယ်။"
"ဘာဗီဒီယိုလဲ!?"
သိင်္ဂါရရဲ့မေးခွန်းကြောင့် မင်းခန့် အံ့အားသင့်သွားရသည်။
"Facebookပေါ်မှာ ဒီလောက်ပျံ့သွားတာကို မင်း မကြည့်ရသေးဘူးလား!?"
"မေမေ့ကိစ္စပြီးကတည်းက ငါလည်း လိုင်းပေါ်ကို မတက်ဖြစ်တော့တာ။ အဲဒါကြောင့် ဘာသတင်းမှ မသိရဘူးလေ။"
"တင်တဲ့သူက ခဏပဲ တင်ပြီး ပို့စ်ကို ပြန်ဖျက်သွားတယ်။ အဲဒါကို ကူးထားတဲ့သူတွေက ထပ်ဖြန့်နေကြတာ။ ငါလည်း အမှုစုံစမ်းဖို့အတွက် အဲဒီဗီဒီယိုကို သိမ်းထားလိုက်ရတယ်။ ဒီမှာလေ..."
YOU ARE READING
နှလုံးသွေးဖြင့် ရေးထိုးအပ်သော (Written In the Heart's Blood)
Mystery / Thriller𝐁𝐋 (𝐂𝐨𝐦𝐩𝐥𝐞𝐭𝐞𝐝) 🔞🔞🔞 ရန်ငြိုးနဲ့လက်စားချေမှုကြားကနေ အချစ်စစ်တစ်ခု ပေါက်ဖွားလာသောအခါ... ရန္ၿငိဳးနဲ႔လက္စားေခ်မႈၾကားကေန အခ်စ္စစ္တစ္ခု ေပါက္ဖြားလာေသာအခါ... 𝑾𝒉𝒆𝒏 𝒕𝒓𝒖𝒆 𝒍𝒐𝒗𝒆 𝒊𝒔 𝒃𝒐𝒓𝒏 𝒊𝒏 𝒕𝒉𝒆 𝒎𝒊𝒅𝒔𝒕 𝒐𝒇 𝒉𝒂𝒕𝒓𝒆𝒅 𝒂�...