The Wicked Liar 2: The Lying Game [PUBLISHED BY POP FICTION]

Chapter 3: Together

Kung si Hazel and Gus may "Okay? Okay" well, may ganyan din kami ng babe ko. "Together? Together" naman ang samin.

Secret code namin yan. I mean, everytime na may gagawin kaming isang bagay, everytime we're together at kung kailan lang namin magustuhan, sasabihin namin yan sa isa't isa. It also just stands that we're "together" always in everything.

At first it looks like just a caprice sa relasyon namin but then sa tuwing naririnig ko sa kanya yan, sobrang saya ng feeling. Yung tipong kahit pagod na pagod ako mawawala yun. Tsaka sa tuwing sinasabi niya yan feeling ko mas lalong tumitibay ang relasyon namin.

"Here comes your boyfriend" sabi nung classmate kong si Alice sabay siko pa sa tagiliran ko. Napaangat tuloy ako ng tingin.

Nakita kong pumasok sa front door si Derick na may dalang bouquet ng flowers at papunta sa pwesto ko.

"Hi, Derick!" bati pa sa kanya nung classmate kong si Cielo na nginitian niya lang at tinanguan. Kilala din ng mga kaklase ko si Derick dahil classmate namin siya sa mga minor subjects maliban sa biology dahil hindi niya pwede i cross enrol

Impit naman na nagtilian ang mga kaklase ko. Since education department ito, karamihan ng mga estudyante babae. At karamihan sa mga babae are sucker of romance. Jeez, ano ba tong ginagawa niya?! Kailangan ba every other day dinadalhan niya ako ng bulaklak?

"Babe" lumuhod pa siya sa harapan ko at inangat yung bulaklak kaya mas lalong lumakas ang sigawan. Nawala na tuloy yung concentration ko sa ginagawa kong reflection na mamaya pa naman ang pasahan. Actually assignment to eh. Nagawa ko naman na kaso bwisit nawala!

"Babe naman may ginagawa ako. Di ba may klase ka?" tanong ko sabay buklat nung binder ko kung nasaan nakatago yung copy ko ng schedule niya. At base sa nakikita ko, oo may subject siya sa mga oras na to.

Pinalobo niya yung pisngi niya at nag puppy eyes. Yung mga kaklase ko naman kaliwa't kanan ang pang aasar. Mabuti na lang at wala pa si Ma'am Veluz. Isa sa pinaka masungit na professor dito sa buong university. Sa katunayan takot sa kanya maging ang mga taga ibang department dahil sobrang strikta. At kung maabutan niya si Derick sa ganitong ayos, well hindi ko na gustong isipin ang pwedeng mangyari.

"I cut classes to buy this at ibigay sayo. Ayaw mo ba?" malungkot na tanong niya na as if namang makukumbinsi ako ng tono niyang yan.

"Hindi naman sa ganun" kinuha ko na yung bouquet sa kanya at tumingin muna sa paligid. Kahit may ilan pa din na naka tingin, I gave him a quick kiss. Pagtapos nun umalis na siya sa pagkakaluhod niya at umupo na sa tabi ko.

"Ayieee" magkakasabay na tili na naman ng mga kaklase ko. Sa totoo lang magaganda din naman sila. Lalo na si Cielo at Alice. Malalaki pa di hamak ang dibdib kaysa sakin at mas may hubog ang katawan but then, hindi man lang sila napansin ni Derick. O kahit sino pa sa mga classmates ko na magaganda din.

Kaya ano bang maipipintas ko sa kanya? He's so perfect. Si Derick yung klase ng boyfriend na hindi ka hahayaan na ma insecure sa ibang babae dahil ipaparamdam niya sa'yo na ikaw ang pinakamaganda.

"Hindi ba pwedeng mag cutting ka na lang, baby? Hindi pa ako naglu lunch eh. Let's dine out? Tsaka darating pala yung friend namin ni Nico from States. I want you to meet her" he pouted his lips sabay akbay sakin

Tumaas ang kilay ko sa pagtataka. Hindi naman niya naikwento sakin na may kaibigan pala silang babae ni Nico

"Oh come on, babe. Are you jealous? Friend ko lang yun" sabi niya na hindi naman totoo. Bakit naman ako magseselos eh kaibigan naman nila yun ni Nico? Magseselos siguro ako kung past love niya yun.