My Knight in Shining Fangs [Fangs Series # 1]

Chapter Thirty-Eight

Chapter 38

“Anak, naisip ko lang. Gusto mo bang magtrabaho sa companya namin ni Shaila? Hindi kita pinipilit, ‘yung gusto mo pa rin ang masusunod.” Tanong sa akin ni tatay habang kumakain kami ng hapunan. Dito na kami nag agahan, tanghalian at ngayon namin hapunan.

“That’s a good idea, Theodoro. May isang business kasi kami hija na hindi namin nabibigyan pansin dahil sa resort. Malaking kumpanya gawaan ng sikat na appliances. May 45 percent share kami roon.” Sabi ni Shaila.

“W-wala po akong alam sa ganyan.” Sabi ko na lang.

“Tuturuan ka namin, hija. Saan ka pala nagtatrabaho?” Shaila asked me.

“Sa Park Company po. I’m the secretary of the CEO.” And also the girlfriend—I think. Gusto ko sanang idagdag pero ayaw ko naman maging bitter sa harap nila.

“Really? Mr. Manjon, right?” hindi na ako nagtaka kung kilala niya si Kent. Isa siya sa mga popular business tycoon in the country.

“Boyfriend po siya ni ate, tita.” Walang kagatol-gatol na sabi ni Mica.

“Talaga?” gulat na sabi ni Shaila.

“Siya ba ‘yon anak ‘yung kasama mo no’ng… no’ng nagalit ka sa akin?”

“O-opo,” nahihiya kong sambit.

“Theodoro, huwag mo ng pilitin si Theyn. I think masaya siya sa work niya.” Hinawakan niya ang kamay ni tatay. They are sweet in a simple gesture.

Nanuod kami ng movie sa Audio Visual room nila or mini cinema. Alas nuwebe na nga ata kami nakauwi sa bahay, eh. Ibinigay sa akin ni tatay ang mga damit na sinasabi kanina ni Mica.

“Ate, ang bait ni tita Shaila, ‘no?” sabi sa akin ni Mica habang inaayos ko ang higaan nila.

“Higa na. Naunahan ka pa ni Haril matulog,” natatawa kong sabi.

“Ayaw mo bang tumira sa mansion, ate?” tanong ni Mica. Kanina, tinanong ako ni tatay kung gusto ko raw lumipat sa mansion kasi babalik na silang Palawan.

“Masyadong malaki ang mansion para sa ating tatlo, Mica.” Sabi ko na lang.

“Sabagay. At malayo sa pinagtatrabauhan mo at sa school namin ni kuya.” I tucked her in in her comforter.

Pumunta na na ako sa kuwarto ko dahil antok na rin naman ako. Hihiga na sana ako nang makita kong paulit-ulit na umiilaw ang cellphone. Nang tingnan ko ‘to, nakita kong may anim na text message at apat na missed calls.

3 missed calls from Kent and 1 missed call from Migo.

From: Kent

        |Mag-usap naman tayo.|

        |Hindi ko kayang pilitin ang sarili ko na gustuhin si Cassey.|

        |Masama ang loob ko sa’yo. Mahal na mahal kita pero nagtatampo ako sa’yo. Para mo na rin akong pinagkanulo.|

 

From: Migo

        |Theyn, ano’ng ginawa mo kay Kent?|

        |Pinapunta niya akong bahay niya para panoorin kung paano siya mag-wala. -__- |

        |Pumunta ka dito, Theyn. Naglalasing siya pero hindi ko naman alam kung ano ang iniinom niya.|