My Knight in Shining Fangs [Fangs Series # 1]

Chapter Five

Chapter 5

“Wala ka na bang ibang medyo tama ang tabas ng tela?” pagrereklamo ko kay Cindy.

“Theyn, magpaparty tayo. Hindi magsisimba. Pero ikaw, kung gusto mo ‘yang floor length kong damit, suotin mo.” Tinignan ko naman ang hawak kong damit. Ang OA naman. Hindi naman siya floor length eh. lagpas tuhod lang.

“Baka may iba pa.” sabi ko saka tumingin ulit sa mga naka-hanger niyang damit. Wala talaga akong mapili.

“May isa pa akong damit. Pero nire-reserve ko ‘yon sa future date ko. Pero dahil ‘yang hitsura mo ay parang iiyak na sa mga damit ko, ipapahiram ko siya sayo.” She said. Tumungo siya papunta sa isang drawer at kinuha ang damit na sinasabi niya.

Nakalagay pa siya sa paperbag at may pricetag pa. Titignan ko sana ang presyo pero kinuha niya agad.

“Opps! Bawal tignan!” nakangisi niyang sabi. Napairap naaman ako. Makikita ko naman siya eh.

Nilabas ko ang damit sa plastic. Matagal na ba ‘tong nabili ni Cindy? Para kasing kabibili lang eh. halata sa amoy.

“Nasuot mo na ba ‘to?”

“Duh?! May pricetag pa nga diba?” irap niya. Tsk. Sabi ko nga hindi pa.

“Isuot mo na nang malagyan na kita ng make up.” Sabi niya.

“Eh, talikod ka na.” nahihiya kong sabi. Tinaasan naman niya ako ng kilay.

“Hello?! Girl mero’n din naman ako n’yan ‘no!”

“K-kahit na!”

“Aish!” tumalikod naman siya.

Hinubad ko naman damit ko saka sinuot ang dress na pinahiram sa akin ni Cindy. At infairness, para siyang sinukat sa akin. Hindi kasi kami magkakatawan ni Cindy eh. Mas malaki ang balakang niya at mas makurba ang katawan, plus the big booby. Samantalang ako, tinipid lang. katamtaman na laki ng hinaharap at pati ng likod.

“Kasya ba ‘to sayo, Cindy? Kasi tama lang sa akin eh.” sabi ko hanggang masara ko ang zipper.

“H-ha? No’ng binili ko kasi ‘yan medyo slim pa ako.” Nag-iba siya ng tingin saka sinuri ult ang mukha sa salamin.

Simple at hindi siya mukhang pang date. Parang casual na pang party sa bar. Hindi na ako nagtanong kay Cindy kasi baka mabara nanaman niya ako.

Pinaupo niya ako sa harap ng tukador saka ako inayusan. Itinali niya buhok ko saka nag-iwan ng konting bangs sa harap. Sinabihan ko din siya na konting make up lang kasi hindi ako sanay na naglalagay ng gano’n.

“Pahiramin kita ng back pumps ko taz clutch bag para may mapaglagyan ka ng pera at cellphone.” She said. Tumayo naman ako saka ko tinignan ang sarili sa Vanity mirror. (see her outfit at the right side)

Wow! Ang ganda ko. Syempre sino pa ang magcocompliment sa sarili ko kundi ako lang naman. Kaya mabuti nang lubos lubosin. Hehehe

“Ready?” Cindy asked. Huminga muna ako ng malalim bago tumango.

“Ready.”

Ibang party ang naiimagine ko sa nakikita ko ngayon. Para siyang casual cocktail party. Tama lang pala ‘tong pinasuot sa akin ni Cindy. Hindi lang kasi mga emplayado ang mga nandito kundi pati ang mga C-Suit, and ofcourse, mga business tycoons is invited.

Iginala ko ang tingin ko at nagulat ako nang makita si Cindy sa gitna ng dance floor nakikipagsayawan na sa mga kasamahan namin.

Natatawang napailing na lang ako. Kasama ko lang siya tapos ngayon dyan na siya. Napaka-happy-go-lucky, palibhasa walang pamilyang binubuhay. Hindi gaya ko na hindi magkaugaga sa trabaho para buhayin ang mga kapatid.