My Boss is a Freak (Published under Pop Fiction)

49: Mira

"Nine o'clock, AD, straight to Ayala Hall. No detours!" Bahagya kong nilakasan ang boses ko para marinig ako ng mga taga-Accounting Department. There was an excited buzz in the air as the minutes ticked by. Ilang sandali na lang, magsisimula na ang celebratory program para sa pagbubukas ng Medialink Canada annex. A large number of people was anticipating the event — mediamen, dignitaries, and the company's biggest partners. Word was, we'd all get a live feed of the so-called "unveiling of Medialink's first international auxiliary."

Which meant we might get a glimpse of our boss for the first time after a year.

I re-entered my office to get some of my stuff, bago ako tuluyang pumunta sa Ayala Hall kasabay ng mga kasamahan ko rito sa AD. Dahil mga sampung minuto pa naman bago magsimula ang program, umupo muna ako at namalayan ko na lang na binubuksan ko ang topmost drawer ng office desk ko.

In it was a picture of me smiling my best smile while Sir Vren planted a kiss on my cheek.

"Tulala na naman si Ms. Custodio."

Agad kong itinagong muli ang picture nang marinig ko ang boses ni Alexia, na noon pala'y nakadungaw mula sa pinto ng aking opisina.

"Baka gusto mong lumabas na diyan, Ms. AD Head? The celebratory program is about to start. Mahaba-habang rampa pa 'to papuntang Ayala Hall, so anong ganap at sitting pretty ka pa rin diyan?"

"Ito na nga, tatayo na." Inismiran ko si Baklita, at siyang dungaw naman ni Mavi na noon ay nasa tabi rin pala ng aming best friend. "Hindi mo naman kailangang manggulat, e. Mavz, pakibatukan nga 'yan para sa akin."

Sinunod naman ako ni Mavi nang walang pag-aalinlangan. Isang pagkalakas-lakas na batok ang iginawad niya kay Alexia.

Mangiyak-ngiyak namang dinuro ni Baklita si Mavi. "Namumuro ka na sa akin, Nerd! Baka gusto mong hindi ka na abutan ng kinabukasan? I'm gonna make you palapa to the bulldogs ng kapitbahay namin!"

"Ay wow, natakot naman ako, Alessandro," mapang-asar na sagot ni Mavi. "Baka ikaw ang ipalapa ko diyan sa mga aso! Tutal, mukha ka namang buto-buto."

Tumawa naman ako. Nakakaaliw talagang panoorin ang pagbabangayan ng dalawang 'to.

Alexia was about to retort pero agad ko na silang nilapitan sabay sabi ng, "Tara na, girls. Baka ma-late na tayo sa program. Ayokong mag-grand entrance."

Pinagitnaan ko sila at inakbayan, partly to prevent them from hitting one another, at sabay-sabay kaming lumabas ng Accounting Department papunta kay Hannah na paniguradong naiirita na kahihintay sa aming tatlo.

****

"Sana, nagpa-press con na lang tayo. That would have probably saved us time and energy," komento ni Hannah nang tuluyan na kaming makapasok sa Ayala Hall. "Puro naman mga reporters ang nandito, e."

"Press con? What fun would that be?" sagot naman sa kanya ni Alexia. "Tsaka hello, bulag ka ba? Ayan o, ang daming non-media people who came here to party."

"May sinasabi ka, Alessandro Pinpin?" nakapamewang na linya muli ni Hannah.

"Sshh, 'wag nga kayong magbangayan dito. Nakakahiya, ang daming tao," saway sa kanila ni Mavi. "Tara nang maupo bago tayo maubusan ng pwesto."

We took our seats just in time for the emcee to announce the start of the program.

"Welcome to Medialink's celebratory program for the opening of our company's first overseas expansion. To formally begin today's occasion, may I call on Mr. Leimar Alonzo, Medialink Philippines' Officer-in-Charge, to give us his warm welcome."