Гурав дахь удаа: 4. Хөх
• • •
Ороогүй удсан болохоор тэр үү хурц гэрэл нүд өвтгөж, явах хөгжим чихэнд чийртэй сонсогдоно. Санахыг огт хүсээгүй хуучны таагүй дурсамжууд эргэн сөхөгдөхөд толгой ч өвдөнө.
- Би явах хэрэгтэй болчихлоо. Ээж дуудаад байна гэсээр ирээд удаагүй боловч гарах шалтаг хайж олоод хэлэхэд тэд дурамжхан намайг үдэж өглөө. Миёон эгч намайг клубийн үүд хүртэл гаргаж өгөөд:
- Болгоомжтой яваарай, Үги. Гэртээ очоод залгаарай хэмээн хэлээд клуб руу буцаж оров. Харин би уртаар санаа алдаад яаж харихаа бодон автобусны буудал руу алхлаа. Гэтэл урдаас Юүкэй утсаар ярин алхаж байх агаад их л ганган хувцаслачихсан харагдав.
- Сүүжин эгч яг наана чинь байгаа нь баттай биз? хэмээн танил нэр хэлэхэд би хөмсгөө өргөв. Тэр утсаа таслаад над руу харахдаа нүдээрээ дээрээс минь доош гүйлгэнэ.
- Бас л нэг хүүхнийг буудал дагуулж орохоор явна уу? гэж асуухад минь тэр нүдээ эргэлдүүлэн хэрэлдэх гэж бэлтгэж байгаа аятай гараа ташаандаа аваад:
- Өөрийнхөө өмссөн хувцсыг хар даа. Буудал руу чихдүүлж орохоор хувцас өмсчхөөд олон долоон юм ярьж л бай гэв. Би түүний мөр лүү гараараа хүчтэйхэн түлхээд:
- Миний юу өмсөх чамд ямар хамаатай юм? хэмээн уурсан асуухад Юүкэй зөрүүлэн миний мөрийг түлхээд:
- Миний хэнийг буудал дагуулж орох чамд ямар хамаатай юм? гэж асуугаад жуумалзан:
- Яасан надтай унтмаар байна уу? Гэхдээ би чам шиг жижигхэн хөхтэй охинтой унтдаггүй л дээ. Хөх чинь 13 настайгаас чинь хойш ургасан юм уу? гээд нааш өнгийхөд нь түүнийг алгадаж орхив.
- Наад цээжин дотор чинь зүрх гэж юм байдаггүй юм уу? Хэлсэн үг бүрээрээ бусдыг шархлуулж байгаагаа чи анзаардаггүй юм уу? гэж гомдол тээн асуухад тэр чимээгүй алгадуулсан хацраа даран доош харан зогсох аж. Би үсээ гараараа хойш самнаад:
- Чам шиг хөхөөр нь ялгаж охидтой харьцдаг хүнд угаасаа зүрх сэтгэл гэж юм заяагаагүй байх хэмээгээд түүнийг орхин явлаа.
Хөх. Түүнээс болоод энэ үгийг үзэн ядаж эхэлж байна.