Akira's POV.
"What?!" sigaw ni Cloud ng sabihin ko sa kanya ang hindi natuloy na pag annul ng kasal namin ni Thunder.
"Ssshhhh. Wag kang maingay baka magising si Celestine!" sabi ko.
Nakita kong huminga sya ng malalim para makontrol ang sarili.
"Ano ba talagang gusto ng gag*ng yan? Pagkatapos ka nyang saktan, ano to? Gusto nya atang magka ayos kayo"
"Hindi, wala naman syang sinabing ganun. Can you calm down!" sabi ko. Mali ata na sinabi ko pa sa kanya ang kalokohang ginawa ng kulog na yun.
"Wala nga syang sinabi pero mukhang yun ang pinamumukha nya. Pinapamukha nya sakin, na kayang kaya nya kayong kuhanin sakin ni Celestine dahil sya pa rin ang legal mong asawa" hinawakan nya ang noo nya.
"That won't happen. Alam mo naman how traumatized I am dahil sa ginawa nya" sabi ko.
"How can I be sure na hindi mo na sya babalikan or hindi mo na sya mamahalin kung minahal mo na sya noon at hindi imposibleng mahalin mo na naman sya"
Nawalan ako ng sasabihin. Imposible. Hindi ko na mamahalin ang isang tulad nya na puro pasakit lang ang binigay sakin.
"No. Mahal na kita" I said.
"But you used to love him more, right?" tiningnan ako sa mata ni Cloud kaya mabilis akong nag iwas ng tingin. Para kasi itong nangko corner.
"O-of course not!" I defensively answered. "Wag na nga natin syang pag usapan"
"I need to go" sabi ni Cloud.
"San ka naman pupunta?" tanong ko.
"I'm gonna deal with that as*hole" sabi nya na nagmamadaling lumabas. Tinatawag ko pa sya pero hindi sya huminto. Damn it!
Mabilis kong kinatok ang pintuan ni Wendy, ang baby sitter ni Celestine. Halos same age ko lang sya.
"Ate, bakit?" tanong nya sakin.
"Ikaw muna ang bahala kay Celestine ha? Lalabas lang ako, susundan ko ang kuya Cloud mo" sabi ko.
"Sige ate." sabi nya at lumabas na sa silid nya at nag diretso sa kwarto ng anak ko.
Mabilis naman akong pumasok sa silid ko at hinanap ang bag at susi ng kotse ko. Nang makita ko ito ay dali dali na kong lumabas.
Nagda drive ako habang paulit ulit na tinatawagan si Cloud pero hindi nya ko sinasagot. Dapat talaga hindi ko na sinabi sa kanya.
Hindi ko alam kung saan ko sya hahanapin. Seryoso ba syang susugurin nya si Thunder?
Halos isang oras din akong nag drive bago ako makarating dito.
Nakatayo ako sa harapan nito, hindi ko alam kung ilang minuto na ko sa ganoong posisyon. Para kasing nanghihina ang mga tuhod ko habang nakatingin ako dito.
Ang bahay namin ni Thunder.
Wala pa rin itong pinagbago, ganoon pa din ang itsura at kulay. Bagong pintura lamang ang lahat.
Pakiramdam ko ay may bumara sa lalamunan ko. Unti-unti kasing bumabalik sa ala-ala ko ang mga malulungkot na nangyari sakin dito, pero mas ikinababahala ko ang pagbabalik sakin ng masasayang memories dahil nakakaramdam pa din ako ng tuwa. At yun ang kinakatakot ko. 5 taon ang binuno ko para maka move on. Wag naman sanang mapunta lang yun sa wala. I can't let that happen.
Nagdadalawang isip akong pumasok kaso nakarinig ako ng nabasag mula sa loob at sigawan. Boses ni Cloud yun. Dali-dali akong pumasok.
Nakita kong may mga bodyguards dito sa loob ng bahay. Pero pinapanood lang nila habang sinasapak ni Cloud si Thunder.
"Cloud! Stop it!" sigaw ko. Nagtinginan silang dalawa sakin.
Lalapit na sana ako ng makita kong sumenyas si Thunder.
Nagulat ako ng bigla akong hawakan ng dalawa nyang bodyguard.
"Fvck. Let me go!" sigaw ko.
Nakita kong ngumisi si Thunder kay Cloud.
"Tapos ka ba na Hermosa?" mayabang nyang tanong dito.
"Hindi! Hinding-hindi ako matatapos hanggat hindi ka pa namamatay" galit na galit na sabi ni Cloud bago nya pinagsasapak si Thunder.
Pinipilit kong kumawala sa may hawak sakin pero mas malakas sila sakin.
Pinagtataka ko kung bakit hindi lumalaban si Thunder at hinahayaan nya lang si Cloud na bugbugin sya.
Hindi sya mahina or hindi marunong makipaglaban. I know Thunder. He's good at fighting dahil napatunayan nya na sakin yun nung bugbugin nya nung highschool ako ang mga bumabastos sakin. Kaya I don't understand why he is letting Cloud beat him up.
"Ano ha? Ano? Sumagot ka! Bakit ka pa bumalik? Bakit hindi mo pa din pinapa annul ang kasal nyo ni Akira?!" galit na galit na tanong ni Cloud.
"Ano ba! Bitawan nyo nga ako! Gusto nyo bang mabugbog ng tuluyan yang amo nyo?!" sigaw ko sa mga walang silbing bodyguards ni Thunder.
"Pasensya na pero utos ni boss to, wag daw namin silang pakielaman" sagot nung isa.
"Ano napipi ka na ba?!" nakita kong sinapak ulit ni Cloud si Thunder kaya dumugo na ang labi nito.
And I don't know but it pained me to see him hurt. Ano to? Pakiramdam ko maluluha na ko.
Hinawakan ni Cloud si Thunder sa kwelyo.
"Sagot!" sigaw ulit ni Cloud.
Inalis ni Thunder ang pagkakahawak sa kanya ni Cloud.
"Bakit? Bakit di ko pa rin pinapa annul ang kasal namin?" sagot ni Thunder at tumingin sya sakin ng diretso. "Cause I want her back, dahil mahal na mahal ko sya"
Tuluyan ng nagbagsakan ang mga luha ko. Ano bang mga pinagsasabi nya?
My heart pounded by what he just said. Don't tell me, naniniwala na ako agad sa simpleng salita nya na yun.
Nakita kong mas nagalit si Cloud.
"Siraulo ka pala e! Papatayin muna kita bago mo makuha si Akira sakin! Don't you get it? Kami na! Girlfriend ko na sya!"
Nakita kong nagulat si Thunder. He looked at me as if confirming it.
"Tama na! Tumigil na kayong dalawa pwede ba!" sigaw ko. Binitawan lang ni Cloud si Thunder nung makita nyang umiiyak na ko.
"Totoo ba?" Thunder asked me.
"Tama na Thunder. Totoo yung sinabi nya" sabi ko.
Pinunasan ni Thunder ang dugo nya sa labi at naupo sa couch. Humawak sya sa ulo nya at yumuko lang.
"Go" cold nyang sabi.
Magsasalita pa sana ako kaso
"Go! Leave me alone, all of you!" sigaw ni Thunder.
Hinawakan na kami nung mga guards nya. I looked at him once more before I went out.
Hindi ko alam. Iba ang iniisip ng utak ko sa gustong gawin ng katawan ko.
Sinasabi ng utak ko na tama lang na nangyari to para maipamukha kay Thunder na tapos na kami.
Pero hindi iyon ang gusto ng katawan at ng puso ko.
It clearly wants to stay and to check if Thunder's okay. Parang may part pa sa puso ko na gustong mag explain pero hindi ito dapat. Mali to. Maling mali.
Sumakay na ko sa kotse ko, at ganun din si Cloud. Si Cloud na ang nagmaneho.
Habang bumibiyahe kami ay iniisip ko pa din ang mokong na yun. Sana gamutin nya ang sarili nya or magpagamot sya kay yaya minda.
"You're quiet" pagbasag ni Cloud sa katahimikan namin.
"Bakit pa kasi kailangang sugurin mo sya sa bahay?" I said.
"Kasi mali ang ginawa nya"
"Kahit na ba, kailangan bang dumating sa punto na to?"
"Are you mad?" tanong nya.
Hindi ako sumagot sa halip at tumingin na lang ako sa labas.
"Don't tell me napaniwala ka na nya agad sa sinabi nya Aki?"
Hindi agad ako sumagot.
Ayaw kong maniwala. Ayoko. Dahil baka masaktan na naman ako. Pero hindi ko itatanggi na may kakaiba na naman akong nararamdaman.
Sa tatlong taon naming mag asawa noon. Halos araw araw kong hiniling na marinig sa kanya yun. Kaya hindi ko alam ang magiging reaksyon ko ng marinig ko ito ngayon.
"Let's not talk about it. Pagod ako" I said.
Narinig kong nag sigh sya pero hindi na muli pang nagsalita.
I must stop myself.
Don't let yourself be fooled again Akira! Masasaktan mo si Cloud at baka masaktan ka na naman at baka madamay pa pati ang anak ko.
Tama na.
Once is enough.
Siguro naman hihinto na si Thunder ngayong alam nyang may relasyon na kami ni Cloud.
Dapat lang.
---------
TBC
Mag a update me ulit later so walang magagalit.
Comment and vote :)
- Kaye