Arc(9) မိစ္ဆာနတ်ဘုရား၏ရည်းစားဟောင်း(၁)။
[ ဒါကတော့ထူးခြားဆန်းကြယ်တဲ့ကျွန်းပေါ်မှာတည်ရှိတဲ့ရဲတိုက်တစ်ခုဖြစ်တယ်။ ရဲတိုက်ပိုင်ရှင်ဟာနတ်သမီးပုံပြင်ထဲကမင်းသားလိုမျိုးနူးညံ့ချောမောတဲ့လူငယ်လေးတစ်ယောက်ဖြစ်တယ်။ သူကသူရဲ့ခန္ဓာကိုယ်နာမကျန်းဖြစ်မှုကြောင့်ဒီမှာယာယီအနားယူနေပါတယ်။
တစ်နေ့ကျတော့ ခရီးသွားအများအပြားကကျွန်းပေါ်ကိုလှေနဲ့ခြေချလာပါတော့တယ်.... ]
လင်ခုံးလုကရဲတိုက်၏ခုံးနေသောပြတင်းပေါက်ဘေးမှာထိုင်ကာ လက်ရေးနှင့်ရေးထားသည့်ခပ်ပါးပါးစာအုပ်တစ်အုပ်ကိုငုံ့ကြည့်လို့နေသည်။ အမှန်တော့သူဟာစနစ်သူ့အတွက်ဖွင့်ပေးထားသည့်ကိုယ်ပိုင်ချန်နယ်ကိုသုံးကာ လင်ဇိုင်းဇိုင်းနှင့်စကားပြောနေခြင်းပင်။
စက်တင်ဘာလလယ်တွင် ကျွန်းပေါ်ကခြစ်ခြစ်တောက်သောအပူမှာမပျောက်ကွယ်သွားဘဲ နေလုံးမှာခြစ်ခြစ်တောက်ပူပြင်းနေတုန်းပင်။ သို့သော်ကျွန်းအလယ်ဗဟိုရှိရဲတိုက်မှာတော့အစိမ်းရောင်အရိပ်နှင့်နွယ်ပင်များကြားထဲမှာနစ်မြုပ်နေသဖြင့် ရှားရှားပါးပါးအနည်းငယ်အေးမြလို့နေသည်။
ထို့အပြင်ဒါဟာအလယ်ပိုင်းခေတ်မဟုတ်ဘဲ လျှပ်စစ်ပစ္စည်း၊ အင်တာနက်နှင့်လေအေးပေးစက်တို့မရှိမဖြစ်၊ စိတ်ကူးယဥ်အကြိုအနာဂတ်ကမ္ဘာဖြစ်သည်။ ဒါပေါ့၊ ဒီ"အကြိုအနာဂတ်"မှာယခင်ကမ္ဘာနှင့်ဆက်စပ်နေခြင်းဖြစ်ပြီး လင်ခုံးလုနေခဲ့သည့်ကြယ်စုကမ္ဘာမျိုးမဟုတ်ပေ။
ဒီကမ္ဘာတွင်လင်ခုံးလု၏ဇာတ်ကောင်မှာ....အဆုံးမဲ့ထောင်(dungeon)ထဲကအမြှောက်စာဇာတ်ကောင်NPCဖြစ်ပြီး မိစ္ဆာဘbossကြီး၏ရည်းစားဟောင်းဖြစ်ပေသည်။
အမှန်ပင်၊ ဒီတစ်ခေါက်သူကူးပြောင်းလာခဲ့သည့်ကမ္ဘာငယ်လေးမှာအဆုံးမဲ့စီးဆင်းမှုကမ္ဘာဖြစ်သည်။ ကံကောင်းချင်တော့သူကထောင်ကမ္ဘာများထဲကတစ်ခုထဲရှိအမြှောက်စာဇာတ်ကောင်NPCသက်သက်မျှသာဖြစ်သည်။ သူသာကစားသမားတစ်ယောက်ဆို ဒီအဆုံးမဲ့စီးဆင်းမှုကမ္ဘာထဲမှာထောင်တစ်ခုပြီးတစ်ခုဖြတ်ကျော်နေရမှာမဟုတ်ဘူးလား။
အဆုံးမဲ့ထပ်တလဲလဲကူးပြောင်းနေရမှာက....ဗူဒူးအရုပ်လိုပဲ။
ခြုံပြောရရင်ဒီထောင်ကို"သေခြင်းတရားကျွန်း"ဟုခေါ်ဆိုပြီး ကမ္ဘာကိုတိုက်ကြီးသုံးခုခွဲထားသည်။ လင်ခုံးလုကခန်းလန်တိုက်ကြီးမှာအချမ်းသာဆုံးလူ၏အငယ်ဆုံးသားဖြစ်ပြီး သူ၏မိစ္ဆာရည်းစားဟောင်းလေးကတော့ခန်းလန်တိုက်ကြီးမှာနေထိုင်သည့်ဆင်းရဲသားလေးတစ်ယောက်သာဖြစ်သည်။
ဆင်းရဲသောကျောင်းသားလေးမှာထူးချွန်သောအဆင့်၊ ချောမောသောရုပ်ရည်နှင့်မောက်မာသောပင်ကိုယ်စရိုက်ရှိပြီး သူဟာကျောင်းတွင်းနတ်ဘုရားတစ်ပါးဖြစ်ပေမဲ့ ဆင်းရဲသည့်အချက်ကိုတော့ပြောင်းမရပေ။ သူကချမ်းသာသောသခင်လေး၏ရည်းစားဟောင်းဖြစ်လာပြီး နောက်ပိုင်းမှာမိစ္ဆာနတ်ဘုရားဖြစ်လာသည့်အကြောင်းရင်းကတော့ ဇာတ်လမ်းရှည်ကြီးပင်။
ရိုးရိုးရှင်းရှင်းပြောရရင် ဒါကလယ်သမားနှင့်မြွေပုံပြင်ပင်။ ရွှီယန့်ကမြွေကိုကယ်ခဲ့သည့်လယ်သမားဖြစ်ပြီး လင်ခုံးလုကတော့အကယ်ခံလိုက်ရသည့်မျက်ဖြူမြွေဖြစ်သည်။
လင်မိသားစု၏လူအိုကြီးမထင်မှတ်ဘဲဆုံးပါးသွားချိန်မှာ သားအများအပြားကမိသားစုအမွေအတွက်ပြင်းထန်စွာတိုက်ခိုက်ခဲ့ကြသည်။ လင်ခုံးလု၏ဖခင်ကကံဆိုးသွားပြီး တိဗက်မှာသွားပုန်းရန်တွန်းအားပေးခံခဲ့သဖြင့် သူ့ဇနီးနှင့်ကလေးကိုပင်မဆက်သွယ်နိုင်ရှာ။
လင်ခုံးလုကတော့အပြစ်မရှိဘဲဆွဲသွင်းခံလိုက်ရသည့်အငယ်ဆုံးသားလေးပင်။ သူဟာမတော်တဆဒဏ်ရာရသွားပြီး မှတ်ဉာဏ်ပျောက်သွားခဲ့သည်။ သူကဆင်ခြေဖုံးရပ်ကွက်မှာနေနေခဲ့ပြီး ရွှီယန့်ကသူ့ကိုခေါ်သွားခဲ့သည်။ ရွှီယန့်မှာအစကတော့ရဲခေါ်ပြီး သူ့ကိုပြန်ပို့ပေးချင်ပေမဲ့ လင်ခုံးလု၏ဘော်ဒီဂတ်ကဆင်းရဲသားရပ်ကွက်ကိုမြန်မြန်ရှာတွေ့သွားကာ ရဲကိုမခေါ်လို့မရကြောင်း၊ သခင်လေးကိုဖွက်ထားရမည်ဖြစ်ကြောင်း၊ မဟုတ်ရင်လင်မိသားစု၏ဦးလေး၂ကသူ့ကိုဖမ်းမိသွားရင် သခင်လေးသေချာပေါက်နှိပ်စက်ခံရကာ လင်ပါးပါးကိုခြိမ်းခြောက်ရန်အသုံးချခံရလိမ့်မည်ဖြစ်ကြောင်းဆိုလာခဲ့သည်။
ဘော်ဒီဂတ်ကလင်မာမားကိုသွားကယ်ရမှာမို့ အားနည်းသောသခင်လေးကိုသူနှင့်အတူခေါ်သွားလို့မရပေ။ ထို့အပြင်ရွှီယန့်နှင့်သခင်လေးကအတန်းဖော်မှန်းသူသိသဖြင့် ရိုးရှင်းစွာပင်အံကြိတ်ကာဖြင့် တစ်ဖက်လူကိုသခင်လေးကိုခဏလောက်ဂရုစိုက်ပေးရန်အကူအညီတောင်းခဲ့လေသည်။
ရွှီယန့်ကအတန်းဖော်ဆက်ဆံရေးကြောင့်လား၊ ဒါမှမဟုတ်....ဘော်ဒီဂတ်ဆီကဆုလာဘ်ကများလွန်းသောကြောင့်လားမသိ မငြင်းဆန်လာခဲ့ပေ။
ရွှီယန့်ဒီသခင်လေးကိုကျောင်းမှာမြင်ဖူးသည်။ သူကဆူးနှင်းဆီငယ်လေးပမာ နူးညံ့ကာချောမောပြီးမောက်မာလှသည်။ နှင်းဆီပန်းကိုထိန်းသိမ်းထားရတာကပြဿနာများလိမ့်မည်ဟုသူထင်ထားခဲ့ပေမဲ့ သူမထင်ထားမိတာက အတိတ်မေ့သွားသည့်သခင်လေးဟာရိုးရှင်းကာလိမ်မာပြီးတွယ်ကပ်တတ်ကာသူ့ကိုကြက်ပေါက်လေးပမာမှီခိုအားကိုးလေသည်။
မှတ်ဉာဏ်ပျောက်သွားသည့်မျိုးရိုးမြင့်လူတစ်ယောက်၏ဇာတ်လမ်းများစွာကဲ့သို့ပင်၊ သူတို့ကသူတို့၏ဆင်းရဲသောဘဝမှာတစ်ယောက်ကိုတစ်ယောက်ကိုကူညီဖေးမရင်း တဖြည်းဖြည်းချင်းချစ်ကျွမ်းဝင်သွားကြသည်။
နောက်တော့သခင်လေး၏ဖခင်ကချမ်းသာသောမိသားစုများကြားမှာဒီတိုက်ပွဲ၏အနိုင်ရသူဖြစ်လာပြီး ဖြစ်ချင်တော့သခင်လေးကမှတ်ဉာဏ်ပြန်ရသွားခဲ့ပေမဲ့ သူ့မှတ်ဉာဏ်ပြန်ရပြီးနောက်ပိုင်းမှာ သူဟာမျက်ဖြူဝံပုလွေဖြစ်သွားခဲ့သည်။
မောက်မာသောနှင်းဆီလေးဟာဆင်ခြေဖုံးရပ်ကွက်ကဆင်းရဲသားလေးနှင့်ချစ်ကျွမ်းမဝင်ချင်ပေ။ သူ့မိဘများထံမှခေါ်သွားခံရပြီးနောက် သူကသူ့ကိုချက်ချင်းချောက်ချကာ ရွှီယန့်ကအခြေအနေကိုအခွင့်ကောင်းယူပြီး သူ့ကိုအကျဥ်းချကာတွန်းအားပေးခဲ့သည်ဟုဆိုပြီး သူ့ကိုထောင်ထဲပို့ခဲ့သည်။
နှစ်နှစ်ကြာတော့ ရွှီယန့်တစ်ယောက်ထောင်ထဲကထွက်လာပြီး သခင်လေးကစုန့်မိသားစု၏ဆက်ခံသူနှင့်စေ့စပ်တော့မည်ဟူသောသတင်းကိုကြားလိုက်ရသည်။
ဟက်၊ သူ့ပညာရေးပျက်စီးသွားပြီ၊ သူ့ဘဝလဲပျက်စီးသွားပြီ၊ သူကတော့ထောင်ထဲမှာအချိန်နှစ်နှစ်ကုန်ဆုံးခဲ့ရပြီး သူ့မျက်နှာမှာနက်ရှိုင်းသောအမာရွတ်တစ်ခုရှိလာခဲ့ပေမဲ့ သူ့ကိုချောက်ချခဲ့သည့်ချစ်ရသူကတော့အခြားတစ်ယောက်နှင့်လက်ထပ်ဖို့ပြင်နေသည်။
ထောင်ကလွတ်လာပြီးနောက် ရွှီယန့်ကလူထူထပ်သောလမ်းပေါ်မှာရပ်ကာ မျက်နှာချင်းဆိုင်အဆောက်အအုံပေါ်ကသတင်းထုတ်လွှင့်ပြနေသည့်မျက်နှာပြင်ကိုရွဲ့တဲ့တဲ့ကြည့်လိုက်သည်။
လင်ခုံးလု: "......" တအားရူးတာပဲ။
အချိန်နှင့်အာကာသစီမံခန့်ခွဲရေးဌာနကပေးသည့်ဇာတ်ညွန်းအရဆို ရွှီယန့်ကဒီနေရာမှာမကောင်းသောလူတစ်ယောက်ဖြစ်သွားခဲ့ခြင်းပင်။ ထို့နောက်သခင်လေးကသူ၏စေ့စပ်ထားသောသတို့သားလောင်းပေးထားသည့်ကျွန်းပေါ်ကရဲတိုက်ဆီအပန်းဖြေရန်သွားရောက်ခဲ့သည်။ ရွှီယန့်ကလည်းကျွန်းကိုသွားခဲ့သည်။ တစ်လကြာပြီးနောက် ကျွန်းပေါ်ကလူတစ်ယောက်မှအသက်မရှင်။
"သေခြင်းတရားကျွန်း"၏ထောင်တည်ဆောက်ပုံအရဆို ဗီလိန်ဘော့စ်ရွှီယန့်ကသခင်လေးနှင့်လယ်ဗယ်ကိုမဖြတ်ကျော်နိုင်ခဲ့သည့်ကစားသမားများအပါအဝင် ကျွန်းပေါ်ကလူတိုင်းကိုသတ်ပစ်ခဲ့သည်။
လင်ခုံးလုအရင်ဘဝကကျွန်းပေါ်မှာသေဆုံးသွားခဲ့သည်။ ရွှီယန့်သူ့ကိုသတ်ခဲ့တာဟုတ်မဟုတ်ကတော့ သူအလွန်ရုတ်တရက်ဆန်စွာသေဆုံးသွားခဲ့တာကြောင့်သေချာမသိပေ။ သူသေဆုံးပြီးသည်နှင့်နောက်ကမ္ဘာတစ်ခုကိုသွားခဲ့သဖြင့် သူအရေးသိပ်မစိုက်ခဲ့။
အမှန်တကယ်ဗီလိန်ဖြစ်နေခဲ့တဲ့ဇာတ်လိုက်ကတော့....
လင်ခုံးလုမေးစေ့ပေါ်လက်တင်ကာတွေးလိုက်မိပြီး ဒီကမ္ဘာကတစ်ခုခုတော့လွဲနေပြီဟုခံစားလိုက်ရသည်။
လူငယ်လေးမှာနူးညံ့လှပသောမျက်နှာလေးနှင့်ပန်းချီကားပမာမျက်ခုံးများရှိသည်။ သူအတွေးနစ်စွာမျက်ခုံးအသာပင့်လိုက်တော့ သူဟာနူးညံ့လှပသောမင်းသားလေးတစ်ပါးနှင့်တူသွားသည်။
ဒီကမ္ဘာမှာသူဟာကျန်းမာရေးသိပ်မကောင်းသဖြင့်အိမ်တွင်းမှာမကြာခဏနေလေ့ရှိသောကြောင့် သူ့အသားအရောင်မှာပုံမှန်မဟုတ်စွာဖြူစွတ်လို့နေသည်။ ထို့အပြင်လွန်ခဲ့သောအချိန်တချို့ကတစ်ခုခုဖြစ်ခဲ့သဖြင့်သူ့ခြေထောက်များမှာအနည်းငယ်လမ်းလျှောက်ရခက်နေခဲ့သည်။ လတ်တလောမှာသူဝှီးချဲသုံးရန်လိုအပ်ပေသည်။
ရဲတိုက်ထဲမှာလေအေးပေးစက်ရှိသဖြင့် နေရာတိုင်းမှာအေးမြလို့နေသည်။ အကျီလက်ရှည်မဝတ်ထားရင်အနည်းငယ်အေးပေမဲ့ လင်ခုံးလုကတော့အဝတ်အစားများကတအားခမ်းနားသဖြင့် ဝှီးချဲစီးရင်အဆင်မပြေဖြစ်လိမ့်မည်ဟုခံစားလိုက်ရသည်။ သူဒီရက်ပိုင်းနူးညံ့ကာချောမွေ့သောပိုးထည်ကိုသာဝတ်လေ့ရှိသည်။ အကျီလက်ရှည်များကအလွယ်လေးကိုလျှောကျလာတော့ မျက်စိကျိန်းဖွယ်ကောင်းအောင်ဖြူဖွေးနေသည့်လက်ဖျံ၊ ပိန်ပါးပါးလက်ကောက်ဝတ်နှင့်ရှည်သွယ်သွယ်လက်ချောင်းများကိုဖော်ပြလို့နေသည်။
အိမ်တော်ထိန်းရှပူးအာကရုတ်တရက်တံခါးခေါက်ကာအထဲဝင်လာသည်။ ဒီမြင်ကွင်းကိုမြင်တော့ သူသုံးစက္ကန့်ကြာမိန်းမောသွားရပြီးမှ တရိုတသေပြောလိုက်သည်။
"လင်သခင်လေး၊ ကျွန်းပေါ်ကိုခရီးသွား၇ယောက်၈ယောက်ရောက်လာတယ်။ သူတို့ကရဲတိုက်ထဲမှာရက်နည်းနည်းလောက်နေချင်ပါတယ်တဲ့..."
သူ၏မျက်နှာသွင်ပြင်မှာထူးကဲပြီး ဒီရဲတိုက်ပမာ ရွှေရောင်ဆံပင်နှင့်မျက်ဝန်းပြာပြာသက်လတ်ပိုင်းအရွယ်အမျိုးသားတစ်ဦးဖြစ်ကာ လင်ခုံးလုကိုသူ၏စေ့စပ်မည့်သူကပေးခဲ့ခြင်းပင်။
လင်ခုံးလုသူအခုပဲပြုလုပ်လိုက်သည့်အကြည့်ကိုအရေးမစိုက်။ အဆုံးမှာတော့သူကသူ့လူထဲကတစ်ယောက်မဟုတ်ပေ။ သူတဝိုးတဝါးသာပြောလိုက်သည်။
"သူတို့ကခန်းလန်တိုက်ကြီးကလား။"
ရှပူးအာကခေါင်းငုံ့ကာခပ်တိုးတိုးပြန်ဖြေလာသည်။
"နှစ်ယောက်ကတော့ဟုတ်ပါတယ်၊ ကျန်တဲ့လူတွေကတော့ရှရွှေတိုက်ကြီးကပါ။ သူတို့ရဲ့အဝတ်အစားနဲ့စကားပြောဆိုပုံကိုကြည့်ရတာတော့ သူတို့အကုန်လုံးကချမ်းသာတဲ့မိသားစုကဖြစ်နိုင်ပါတယ်..."
ကစားသမားဒီကိုရောက်လာပြီမှန်းလင်ခုံးလုသိလိုက်သည်။
ကျွန်းပေါ်မှာတည်းခိုခန်းဆောက်ထားသည့်ဒေသခံလူတချို့လည်းရှိသည်။ သို့သော်လည်းဒီရဲတိုက်၏တည်နေရာမှာအနည်းငယ်အလှမ်းဝေးသဖြင့် ခရီးသွားများမကြာခဏလာလေ့မရှိပေ။ သူတို့တစ်ခါတရံရောက်လာရင် သူတို့ကဟိုတယ်နှင့်ကျွန်းသူကျွန်းသားများ၏အိမ်မှာသာနေလေ့ရှိကြသည်။ လူအနည်းစုကသာရဲတိုက်မှာလာနေကြသည်။
ဒီနေ့ရောက်လာသူများကသိသိသာသာကိုပိုက်ဆံမရှိဘဲပိုကောင်းကောင်းနေချင်သဖြင့် ရဲတိုက်မှာအချောင်လာနေတာဖြစ်မည်ဟုခံစားလိုက်ရသည်။
သူ့ရှေ့ကသခင်လေးဟာသူ့သခင်လေး၏စေ့စပ်မည့်သူမှန်းသူသိသည်။ သို့သော်လည်းဒီသခင်လေးဟာကျွန်းပေါ်ရောက်လာကတည်းကအပြင်သိပ်မထွက်ပေ။ သူကတစ်နေ့လုံးနေမကောင်းဖြစ်နေပြီး တက်ကြွလန်းဆန်းမှုမရှိ။ သူတို့မိသားစုသခင်လေးကိုလက်မထပ်ခင်မှာအရင်သေသွားလောက်သည်။
ဒီနေ့ကျွန်းကိုရောက်လာသူအများစုမှာငယ်ရွယ်သာတက်ကြွမှုရှိကြသည်။ သူတို့ကိုဒီမှာနေခွင့်ပေးလိုက်လို့ရှိရင် သူတို့ကလင်သခင်လေးကိုတစ်ချိန်လုံးပင်ပန်းနွမ်းနွယ်မနေတော့အောင်လွှမ်းမိုးသွားနိုင်လောက်သည်။
လင်ခုံးလု၏တုံ့ပြန်ရာမှာနှောင့်နှေးမှုကိုမြင်တော့ ရှပူးအာအကြုံပြုလိုက်သည်။
"ကျွန်တော့်အထင်သူတို့ထဲကတချို့ကသခင်လေးနဲ့အသက်တူတူလောက်ပဲ။ သူတို့သာဒီမှာနေရင် သခင်လေးအပျင်းပြေအောင်လုပ်ပေးနိုင်လောက်တယ်။"
လင်ခုံးလုသူ့မေးစေ့ကိုသူ၏လက်ချောင်းများဖြင့်ကိုင်ကာ တစ်အောင့်ကြာတွေးလိုက်ပြီးမှခေါင်းငြိမ့်ကာပြောလိုက်သည်။
"ဒါဆိုလဲသူတို့ကိုနေခွင့်ပေးလိုက်ပါ။"
ခေတ္တတန့်သွားပြီးမှသူပြတင်းပေါက်အပြင်ကိုလှမ်းကြည့်မိလိုက်ပြန်သည်။
ဥယျာဥ်ထဲရှိနှင်းဆီပန်းပင်များမှာမနေ့ညကလေနှင့်မိုးကြောင့်အနည်းငယ်ရှုပ်ပွလို့နေသည်။ သူဖြည်းဖြည်းချင်းနူးညံ့စွာမေးလိုက်သည်။
"ဘာလို့ဒီပန်းတွေကိုမရှင်းထားတာလဲ။"
ရှပူးအာကသူ့အကြည့်နောက်လိုက်ကြည့်ကာခပ်မြန်မြန်တောင်းပန်လိုက်သည်။
"အရင်ဥယျာဥ်မှူးကနှုတ်ထွက်သွားပြီးတော့ ဟိုတစ်နေ့မှကျွန်းကပြန်သွားတယ်၊ ကျွန်တော်ဥယျာဥ်မှူးအသစ်မရှာရသေးဘူး။ သခင်လေးကသူတစ်ယောက်ရှာပြီးရင် ကျွန်းပေါ်ကိုကိုယ်တိုင်လာပို့ပေးမယ်တဲ့။"
အားစကျွန်းမှာဒီကျွန်းနာမည်ဖြစ်ပြီး ၎င်းမှာနတ်ဘုရားများကျွန်းဟုဆိုလိုသည်။ ရှပူးအာပြောတဲ့သခင်လေးဆိုတာကတော့ သူ့ရဲ့စေ့စပ်မည့်သူစုန့်လင်ကိုရည်ညွှန်းခြင်းပင်။
လင်ခုံးလုနူးညံ့စွာပြောလိုက်သည်။
"ဒါဆိုကျွန်းပေါ်ကဥယျာဥ်မှူးတစ်ယောက်ရှာပြီး အရင်ရှင်းခိုင်းလိုက်လေ။"
________
Arc(9) မိစ္ဆာနတ္ဘုရား၏ရည္းစားေဟာင္း(၁)။
[ ဒါကေတာ့ထူးျခားဆန္းၾကယ္တဲ့ကြၽန္းေပၚမွာတည္ရွိတဲ့ရဲတိုက္တစ္ခုျဖစ္တယ္။ ရဲတိုက္ပိုင္ရွင္ဟာနတ္သမီးပုံျပင္ထဲကမင္းသားလိုမ်ိဳးႏူးညံ့ေခ်ာေမာတဲ့လူငယ္ေလးတစ္ေယာက္ျဖစ္တယ္။ သူကသူရဲ႕ခႏၶာကိုယ္နာမက်န္းျဖစ္မႈေၾကာင့္ဒီမွာယာယီအနားယူေနပါတယ္။
တစ္ေန႕က်ေတာ့ ခရီးသြားအမ်ားအျပားကကြၽန္းေပၚကိုေလွနဲ႕ေျခခ်လာပါေတာ့တယ္.... ]
လင္ခုံးလုကရဲတိုက္၏ခုံးေနေသာျပတင္းေပါက္ေဘးမွာထိုင္ကာ လက္ေရးႏွင့္ေရးထားသည့္ခပ္ပါးပါးစာအုပ္တစ္အုပ္ကိုငုံ႕ၾကည့္လို႔ေနသည္။ အမွန္ေတာ့သူဟာစနစ္သူ႕အတြက္ဖြင့္ေပးထားသည့္ကိုယ္ပိုင္ခ်န္နယ္ကိုသုံးကာ လင္ဇိုင္းဇိုင္းႏွင့္စကားေျပာေနျခင္းပင္။
စက္တင္ဘာလလယ္တြင္ ကြၽန္းေပၚကျခစ္ျခစ္ေတာက္ေသာအပူမွာမေပ်ာက္ကြယ္သြားဘဲ ေနလုံးမွာျခစ္ျခစ္ေတာက္ပူျပင္းေနတုန္းပင္။ သို႔ေသာ္ကြၽန္းအလယ္ဗဟိုရွိရဲတိုက္မွာေတာ့အစိမ္းေရာင္အရိပ္ႏွင့္ႏြယ္ပင္မ်ားၾကားထဲမွာနစ္ျမဳပ္ေနသျဖင့္ ရွားရွားပါးပါးအနည္းငယ္ေအးျမလို႔ေနသည္။
ထို႔အျပင္ဒါဟာအလယ္ပိုင္းေခတ္မဟုတ္ဘဲ လွ်ပ္စစ္ပစၥည္း၊ အင္တာနက္ႏွင့္ေလေအးေပးစက္တို႔မရွိမျဖစ္၊ စိတ္ကူးယဥ္အႀကိဳအနာဂတ္ကမၻာျဖစ္သည္။ ဒါေပါ့၊ ဒီ"အႀကိဳအနာဂတ္"မွာယခင္ကမၻာႏွင့္ဆက္စပ္ေနျခင္းျဖစ္ၿပီး လင္ခုံးလုေနခဲ့သည့္ၾကယ္စုကမၻာမ်ိဳးမဟုတ္ေပ။
ဒီကမၻာတြင္လင္ခုံးလု၏ဇာတ္ေကာင္မွာ....အဆုံးမဲ့ေထာင္(dungeon)ထဲကအျမႇောက္စာဇာတ္ေကာင္NPCျဖစ္ၿပီး မိစ္ဆာဘbossႀကီး၏ရည္းစားေဟာင္းျဖစ္ေပသည္။
အမွန္ပင္၊ ဒီတစ္ေခါက္သူကူးေျပာင္းလာခဲ့သည့္ကမၻာငယ္ေလးမွာအဆုံးမဲ့စီးဆင္းမႈကမၻာျဖစ္သည္။ ကံေကာင္းခ်င္ေတာ့သူကေထာင္ကမၻာမ်ားထဲကတစ္ခုထဲရွိအျမႇောက္စာဇာတ္ေကာင္NPCသက္သက္မွ်သာျဖစ္သည္။ သူသာကစားသမားတစ္ေယာက္ဆို ဒီအဆုံးမဲ့စီးဆင္းမႈကမၻာထဲမွာေထာင္တစ္ခုၿပီးတစ္ခုျဖတ္ေက်ာ္ေနရမွာမဟုတ္ဘူးလား။
အဆုံးမဲ့ထပ္တလဲလဲကူးေျပာင္းေနရမွာက....ဗူဒူးအ႐ုပ္လိုပဲ။
ၿခဳံေျပာရရင္ဒီေထာင္ကို"ေသျခင္းတရားကြၽန္း"ဟုေခၚဆိုၿပီး ကမၻာကိုတိုက္ႀကီးသုံးခုခြဲထားသည္။ လင္ခုံးလုကခန္းလန္တိုက္ႀကီးမွာအခ်မ္းသာဆုံးလူ၏အငယ္ဆုံးသားျဖစ္ၿပီး သူ၏မိစ္ဆာရည္းစားေဟာင္းေလးကေတာ့ခန္းလန္တိုက္ႀကီးမွာေနထိုင္သည့္ဆင္းရဲသားေလးတစ္ေယာက္သာျဖစ္သည္။
ဆင္းရဲေသာေက်ာင္းသားေလးမွာထူးခြၽန္ေသာအဆင့္၊ ေခ်ာေမာေသာ႐ုပ္ရည္ႏွင့္ေမာက္မာေသာပင္ကိုယ္စရိုက္ရွိၿပီး သူဟာေက်ာင္းတြင္းနတ္ဘုရားတစ္ပါးျဖစ္ေပမဲ့ ဆင္းရဲသည့္အခ်က္ကိုေတာ့ေျပာင္းမရေပ။ သူကခ်မ္းသာေသာသခင္ေလး၏ရည္းစားေဟာင္းျဖစ္လာၿပီး ေနာက္ပိုင္းမွာမိစ္ဆာနတ္ဘုရားျဖစ္လာသည့္အေၾကာင္းရင္းကေတာ့ ဇာတ္လမ္းရွည္ႀကီးပင္။
ရိုးရိုးရွင္းရွင္းေျပာရရင္ ဒါကလယ္သမားႏွင့္ေႁမြပုံျပင္ပင္။ ႐ႊီယန့္ကေႁမြကိုကယ္ခဲ့သည့္လယ္သမားျဖစ္ၿပီး လင္ခုံးလုကေတာ့အကယ္ခံလိုက္ရသည့္မ်က္ျဖဴေႁမြျဖစ္သည္။
လင္မိသားစု၏လူအိုႀကီးမထင္မွတ္ဘဲဆုံးပါးသြားခ်ိန္မွာ သားအမ်ားအျပားကမိသားစုအေမြအတြက္ျပင္းထန္စြာတိုက္ခိုက္ခဲ့ၾကသည္။ လင္ခုံးလု၏ဖခင္ကကံဆိုးသြားၿပီး တိဗက္မွာသြားပုန္းရန္တြန္းအားေပးခံခဲ့သျဖင့္ သူ႕ဇနီးႏွင့္ကေလးကိုပင္မဆက္သြယ္နိုင္ရွာ။
လင္ခုံးလုကေတာ့အျပစ္မရွိဘဲဆြဲသြင္းခံလိုက္ရသည့္အငယ္ဆုံးသားေလးပင္။ သူဟာမေတာ္တဆဒဏ္ရာရသြားၿပီး မွတ္ဉာဏ္ေပ်ာက္သြားခဲ့သည္။ သူကဆင္ေျခဖုံးရပ္ကြက္မွာေနေနခဲ့ၿပီး ႐ႊီယန့္ကသူ႕ကိုေခၚသြားခဲ့သည္။ ႐ႊီယန့္မွာအစကေတာ့ရဲေခၚၿပီး သူ႕ကိုျပန္ပို႔ေပးခ်င္ေပမဲ့ လင္ခုံးလု၏ေဘာ္ဒီဂတ္ကဆင္းရဲသားရပ္ကြက္ကိုျမန္ျမန္ရွာေတြ႕သြားကာ ရဲကိုမေခၚလို႔မရေၾကာင္း၊ သခင္ေလးကိုဖြက္ထားရမည္ျဖစ္ေၾကာင္း၊ မဟုတ္ရင္လင္မိသားစု၏ဦးေလး၂ကသူ႕ကိုဖမ္းမိသြားရင္ သခင္ေလးေသခ်ာေပါက္ႏွိပ္စက္ခံရကာ လင္ပါးပါးကိုၿခိမ္းေျခာက္ရန္အသုံးခ်ခံရလိမ့္မည္ျဖစ္ေၾကာင္းဆိုလာခဲ့သည္။
ေဘာ္ဒီဂတ္ကလင္မာမားကိုသြားကယ္ရမွာမို႔ အားနည္းေသာသခင္ေလးကိုသူႏွင့္အတူေခၚသြားလို႔မရေပ။ ထို႔အျပင္႐ႊီယန့္ႏွင့္သခင္ေလးကအတန္းေဖာ္မွန္းသူသိသျဖင့္ ရိုးရွင္းစြာပင္အံႀကိတ္ကာျဖင့္ တစ္ဖက္လူကိုသခင္ေလးကိုခဏေလာက္ဂ႐ုစိုက္ေပးရန္အကူအညီေတာင္းခဲ့ေလသည္။
႐ႊီယန့္ကအတန္းေဖာ္ဆက္ဆံေရးေၾကာင့္လား၊ ဒါမွမဟုတ္....ေဘာ္ဒီဂတ္ဆီကဆုလာဘ္ကမ်ားလြန္းေသာေၾကာင့္လားမသိ မျငင္းဆန္လာခဲ့ေပ။
႐ႊီယန့္ဒီသခင္ေလးကိုေက်ာင္းမွာျမင္ဖူးသည္။ သူကဆူးႏွင္းဆီငယ္ေလးပမာ ႏူးညံ့ကာေခ်ာေမာၿပီးေမာက္မာလွသည္။ ႏွင္းဆီပန္းကိုထိန္းသိမ္းထားရတာကျပႆနာမ်ားလိမ့္မည္ဟုသူထင္ထားခဲ့ေပမဲ့ သူမထင္ထားမိတာက အတိတ္ေမ့သြားသည့္သခင္ေလးဟာရိုးရွင္းကာလိမ္မာၿပီးတြယ္ကပ္တတ္ကာသူ႕ကိုၾကက္ေပါက္ေလးပမာမွီခိုအားကိုးေလသည္။
မွတ္ဉာဏ္ေပ်ာက္သြားသည့္မ်ိဳးရိုးျမင့္လူတစ္ေယာက္၏ဇာတ္လမ္းမ်ားစြာကဲ့သို႔ပင္၊ သူတို႔ကသူတို႔၏ဆင္းရဲေသာဘဝမွာတစ္ေယာက္ကိုတစ္ေယာက္ကိုကူညီေဖးမရင္း တျဖည္းျဖည္းခ်င္းခ်စ္ကြၽမ္းဝင္သြားၾကသည္။
ေနာက္ေတာ့သခင္ေလး၏ဖခင္ကခ်မ္းသာေသာမိသားစုမ်ားၾကားမွာဒီတိုက္ပြဲ၏အနိုင္ရသူျဖစ္လာၿပီး ျဖစ္ခ်င္ေတာ့သခင္ေလးကမွတ္ဉာဏ္ျပန္ရသြားခဲ့ေပမဲ့ သူ႕မွတ္ဉာဏ္ျပန္ရၿပီးေနာက္ပိုင္းမွာ သူဟာမ်က္ျဖဴဝံပုေလြျဖစ္သြားခဲ့သည္။
ေမာက္မာေသာႏွင္းဆီေလးဟာဆင္ေျခဖုံးရပ္ကြက္ကဆင္းရဲသားေလးႏွင့္ခ်စ္ကြၽမ္းမဝင္ခ်င္ေပ။ သူ႕မိဘမ်ားထံမွေခၚသြားခံရၿပီးေနာက္ သူကသူ႕ကိုခ်က္ခ်င္းေခ်ာက္ခ်ကာ ႐ႊီယန့္ကအေျခအေနကိုအခြင့္ေကာင္းယူၿပီး သူ႕ကိုအက်ဥ္းခ်ကာတြန္းအားေပးခဲ့သည္ဟုဆိုၿပီး သူ႕ကိုေထာင္ထဲပို႔ခဲ့သည္။
ႏွစ္ႏွစ္ၾကာေတာ့ ႐ႊီယန့္တစ္ေယာက္ေထာင္ထဲကထြက္လာၿပီး သခင္ေလးကစုန့္မိသားစု၏ဆက္ခံသူႏွင့္ေစ့စပ္ေတာ့မည္ဟူေသာသတင္းကိုၾကားလိုက္ရသည္။
ဟက္၊ သူ႕ပညာေရးပ်က္စီးသြားၿပီ၊ သူ႕ဘဝလဲပ်က္စီးသြားၿပီ၊ သူကေတာ့ေထာင္ထဲမွာအခ်ိန္ႏွစ္ႏွစ္ကုန္ဆုံးခဲ့ရၿပီး သူ႕မ်က္ႏွာမွာနက္ရွိုင္းေသာအမာ႐ြတ္တစ္ခုရွိလာခဲ့ေပမဲ့ သူ႕ကိုေခ်ာက္ခ်ခဲ့သည့္ခ်စ္ရသူကေတာ့အျခားတစ္ေယာက္ႏွင့္လက္ထပ္ဖို႔ျပင္ေနသည္။
ေထာင္ကလြတ္လာၿပီးေနာက္ ႐ႊီယန့္ကလူထူထပ္ေသာလမ္းေပၚမွာရပ္ကာ မ်က္ႏွာခ်င္းဆိုင္အေဆာက္အအုံေပၚကသတင္းထုတ္လႊင့္ျပေနသည့္မ်က္ႏွာျပင္ကို႐ြဲ႕တဲ့တဲ့ၾကည့္လိုက္သည္။
လင္ခုံးလု: "......" တအား႐ူးတာပဲ။
အခ်ိန္ႏွင့္အာကာသစီမံခန့္ခြဲေရးဌာနကေပးသည့္ဇာတ္ၫြန္းအရဆို ႐ႊီယန့္ကဒီေနရာမွာမေကာင္းေသာလူတစ္ေယာက္ျဖစ္သြားခဲ့ျခင္းပင္။ ထို႔ေနာက္သခင္ေလးကသူ၏ေစ့စပ္ထားေသာသတို႔သားေလာင္းေပးထားသည့္ကြၽန္းေပၚကရဲတိုက္ဆီအပန္းေျဖရန္သြားေရာက္ခဲ့သည္။ ႐ႊီယန့္ကလည္းကြၽန္းကိုသြားခဲ့သည္။ တစ္လၾကာၿပီးေနာက္ ကြၽန္းေပၚကလူတစ္ေယာက္မွအသက္မရွင္။
"ေသျခင္းတရားကြၽန္း"၏ေထာင္တည္ေဆာက္ပုံအရဆို ဗီလိန္ေဘာ့စ္႐ႊီယန့္ကသခင္ေလးႏွင့္လယ္ဗယ္ကိုမျဖတ္ေက်ာ္နိုင္ခဲ့သည့္ကစားသမားမ်ားအပါအဝင္ ကြၽန္းေပၚကလူတိုင္းကိုသတ္ပစ္ခဲ့သည္။
လင္ခုံးလုအရင္ဘဝကကြၽန္းေပၚမွာေသဆုံးသြားခဲ့သည္။ ႐ႊီယန့္သူ႕ကိုသတ္ခဲ့တာဟုတ္မဟုတ္ကေတာ့ သူအလြန္႐ုတ္တရက္ဆန္စြာေသဆုံးသြားခဲ့တာေၾကာင့္ေသခ်ာမသိေပ။ သူေသဆုံးၿပီးသည္ႏွင့္ေနာက္ကမၻာတစ္ခုကိုသြားခဲ့သျဖင့္ သူအေရးသိပ္မစိုက္ခဲ့။
အမွန္တကယ္ဗီလိန္ျဖစ္ေနခဲ့တဲ့ဇာတ္လိုက္ကေတာ့....
လင္ခုံးလုေမးေစ့ေပၚလက္တင္ကာေတြးလိုက္မိၿပီး ဒီကမၻာကတစ္ခုခုေတာ့လြဲေနၿပီဟုခံစားလိုက္ရသည္။
လူငယ္ေလးမွာႏူးညံ့လွပေသာမ်က္ႏွာေလးႏွင့္ပန္းခ်ီကားပမာမ်က္ခုံးမ်ားရွိသည္။ သူအေတြးနစ္စြာမ်က္ခုံးအသာပင့္လိုက္ေတာ့ သူဟာႏူးညံ့လွပေသာမင္းသားေလးတစ္ပါးႏွင့္တူသြားသည္။
ဒီကမၻာမွာသူဟာက်န္းမာေရးသိပ္မေကာင္းသျဖင့္အိမ္တြင္းမွာမၾကာခဏေနေလ့ရွိေသာေၾကာင့္ သူ႕အသားအေရာင္မွာပုံမွန္မဟုတ္စြာျဖဴစြတ္လို႔ေနသည္။ ထို႔အျပင္လြန္ခဲ့ေသာအခ်ိန္တခ်ိဳ႕ကတစ္ခုခုျဖစ္ခဲ့သျဖင့္သူ႕ေျခေထာက္မ်ားမွာအနည္းငယ္လမ္းေလွ်ာက္ရခက္ေနခဲ့သည္။ လတ္တေလာမွာသူဝွီးခ်ဲသုံးရန္လိုအပ္ေပသည္။
ရဲတိုက္ထဲမွာေလေအးေပးစက္ရွိသျဖင့္ ေနရာတိုင္းမွာေအးျမလို႔ေနသည္။ အက်ီလက္ရွည္မဝတ္ထားရင္အနည္းငယ္ေအးေပမဲ့ လင္ခုံးလုကေတာ့အဝတ္အစားမ်ားကတအားခမ္းနားသျဖင့္ ဝွီးခ်ဲစီးရင္အဆင္မေျပျဖစ္လိမ့္မည္ဟုခံစားလိုက္ရသည္။ သူဒီရက္ပိုင္းႏူးညံ့ကာေခ်ာေမြ႕ေသာပိုးထည္ကိုသာဝတ္ေလ့ရွိသည္။ အက်ီလက္ရွည္မ်ားကအလြယ္ေလးကိုေလွ်ာက်လာေတာ့ မ်က္စိက်ိန္းဖြယ္ေကာင္းေအာင္ျဖဴေဖြးေနသည့္လက္ဖ်ံ၊ ပိန္ပါးပါးလက္ေကာက္ဝတ္ႏွင့္ရွည္သြယ္သြယ္လက္ေခ်ာင္းမ်ားကိုေဖာ္ျပလို႔ေနသည္။
အိမ္ေတာ္ထိန္းရွပူးအာက႐ုတ္တရက္တံခါးေခါက္ကာအထဲဝင္လာသည္။ ဒီျမင္ကြင္းကိုျမင္ေတာ့ သူသုံးစကၠန့္ၾကာမိန္းေမာသြားရၿပီးမွ တရိုတေသေျပာလိုက္သည္။
"လင္သခင္ေလး၊ ကြၽန္းေပၚကိုခရီးသြား၇ေယာက္၈ေယာက္ေရာက္လာတယ္။ သူတို႔ကရဲတိုက္ထဲမွာရက္နည္းနည္းေလာက္ေနခ်င္ပါတယ္တဲ့..."
သူ၏မ်က္ႏွာသြင္ျပင္မွာထူးကဲၿပီး ဒီရဲတိုက္ပမာ ေ႐ႊေရာင္ဆံပင္ႏွင့္မ်က္ဝန္းျပာျပာသက္လတ္ပိုင္းအ႐ြယ္အမ်ိဳးသားတစ္ဦးျဖစ္ကာ လင္ခုံးလုကိုသူ၏ေစ့စပ္မည့္သူကေပးခဲ့ျခင္းပင္။
လင္ခုံးလုသူအခုပဲျပဳလုပ္လိုက္သည့္အၾကည့္ကိုအေရးမစိုက္။ အဆုံးမွာေတာ့သူကသူ႕လူထဲကတစ္ေယာက္မဟုတ္ေပ။ သူတဝိုးတဝါးသာေျပာလိုက္သည္။
"သူတို႔ကခန္းလန္တိုက္ႀကီးကလား။"
ရွပူးအာကေခါင္းငုံ႕ကာခပ္တိုးတိုးျပန္ေျဖလာသည္။
"ႏွစ္ေယာက္ကေတာ့ဟုတ္ပါတယ္၊ က်န္တဲ့လူေတြကေတာ့ရွေ႐ႊတိုက္ႀကီးကပါ။ သူတို႔ရဲ႕အဝတ္အစားနဲ႕စကားေျပာဆိုပုံကိုၾကည့္ရတာေတာ့ သူတို႔အကုန္လုံးကခ်မ္းသာတဲ့မိသားစုကျဖစ္နိုင္ပါတယ္..."
ကစားသမားဒီကိုေရာက္လာၿပီမွန္းလင္ခုံးလုသိလိုက္သည္။
ကြၽန္းေပၚမွာတည္းခိုခန္းေဆာက္ထားသည့္ေဒသခံလူတခ်ိဳ႕လည္းရွိသည္။ သို႔ေသာ္လည္းဒီရဲတိုက္၏တည္ေနရာမွာအနည္းငယ္အလွမ္းေဝးသျဖင့္ ခရီးသြားမ်ားမၾကာခဏလာေလ့မရွိေပ။ သူတို႔တစ္ခါတရံေရာက္လာရင္ သူတို႔ကဟိုတယ္ႏွင့္ကြၽန္းသူကြၽန္းသားမ်ား၏အိမ္မွာသာေနေလ့ရွိၾကသည္။ လူအနည္းစုကသာရဲတိုက္မွာလာေနၾကသည္။
ဒီေန႕ေရာက္လာသူမ်ားကသိသိသာသာကိုပိုက္ဆံမရွိဘဲပိုေကာင္းေကာင္းေနခ်င္သျဖင့္ ရဲတိုက္မွာအေခ်ာင္လာေနတာျဖစ္မည္ဟုခံစားလိုက္ရသည္။
သူ႕ေရွ႕ကသခင္ေလးဟာသူ႕သခင္ေလး၏ေစ့စပ္မည့္သူမွန္းသူသိသည္။ သို႔ေသာ္လည္းဒီသခင္ေလးဟာကြၽန္းေပၚေရာက္လာကတည္းကအျပင္သိပ္မထြက္ေပ။ သူကတစ္ေန႕လုံးေနမေကာင္းျဖစ္ေနၿပီး တက္ႂကြလန္းဆန္းမႈမရွိ။ သူတို႔မိသားစုသခင္ေလးကိုလက္မထပ္ခင္မွာအရင္ေသသြားေလာက္သည္။
ဒီေန႕ကြၽန္းကိုေရာက္လာသူအမ်ားစုမွာငယ္႐ြယ္သာတက္ႂကြမႈရွိၾကသည္။ သူတို႔ကိုဒီမွာေနခြင့္ေပးလိုက္လို႔ရွိရင္ သူတို႔ကလင္သခင္ေလးကိုတစ္ခ်ိန္လုံးပင္ပန္းႏြမ္းႏြယ္မေနေတာ့ေအာင္လႊမ္းမိုးသြားနိုင္ေလာက္သည္။
လင္ခုံးလု၏တုံ႕ျပန္ရာမွာႏွောင့္ႏွေးမႈကိုျမင္ေတာ့ ရွပူးအာအႀကဳံျပဳလိုက္သည္။
"ကြၽန္ေတာ့္အထင္သူတို႔ထဲကတခ်ိဳ႕ကသခင္ေလးနဲ႕အသက္တူတူေလာက္ပဲ။ သူတို႔သာဒီမွာေနရင္ သခင္ေလးအပ်င္းေျပေအာင္လုပ္ေပးနိုင္ေလာက္တယ္။"
လင္ခုံးလုသူ႕ေမးေစ့ကိုသူ၏လက္ေခ်ာင္းမ်ားျဖင့္ကိုင္ကာ တစ္ေအာင့္ၾကာေတြးလိုက္ၿပီးမွေခါင္းၿငိမ့္ကာေျပာလိုက္သည္။
"ဒါဆိုလဲသူတို႔ကိုေနခြင့္ေပးလိုက္ပါ။"
ေခတၱတန့္သြားၿပီးမွသူျပတင္းေပါက္အျပင္ကိုလွမ္းၾကည့္မိလိုက္ျပန္သည္။
ဥယ်ာဥ္ထဲရွိႏွင္းဆီပန္းပင္မ်ားမွာမေန႕ညကေလႏွင့္မိုးေၾကာင့္အနည္းငယ္ရႈပ္ပြလို႔ေနသည္။ သူျဖည္းျဖည္းခ်င္းႏူးညံ့စြာေမးလိုက္သည္။
"ဘာလို႔ဒီပန္းေတြကိုမရွင္းထားတာလဲ။"
ရွပူးအာကသူ႕အၾကည့္ေနာက္လိုက္ၾကည့္ကာခပ္ျမန္ျမန္ေတာင္းပန္လိုက္သည္။
"အရင္ဥယ်ာဥ္မႉးကႏႈတ္ထြက္သြားၿပီးေတာ့ ဟိုတစ္ေန႕မွကြၽန္းကျပန္သြားတယ္၊ ကြၽန္ေတာ္ဥယ်ာဥ္မႉးအသစ္မရွာရေသးဘူး။ သခင္ေလးကသူတစ္ေယာက္ရွာၿပီးရင္ ကြၽန္းေပၚကိုကိုယ္တိုင္လာပို႔ေပးမယ္တဲ့။"
အားစကြၽန္းမွာဒီကြၽန္းနာမည္ျဖစ္ၿပီး ၎မွာနတ္ဘုရားမ်ားကြၽန္းဟုဆိုလိုသည္။ ရွပူးအာေျပာတဲ့သခင္ေလးဆိုတာကေတာ့ သူ႕ရဲ႕ေစ့စပ္မည့္သူစုန့္လင္ကိုရည္ၫႊန္းျခင္းပင္။
လင္ခုံးလုႏူးညံ့စြာေျပာလိုက္သည္။
"ဒါဆိုကြၽန္းေပၚကဥယ်ာဥ္မႉးတစ္ေယာက္ရွာၿပီး အရင္ရွင္းခိုင္းလိုက္ေလ။"
________