၄၆၁။ ဆက်တိုက်ရိုက်ချက်၊ ပထမပုံစံ-၈
အနက်ရောင်သားရဲကြီး ခုန်အုပ်လာချိန်မှာ ဟွာယောင်းနှင့် ကျောက်ချူက လီဇီမုမှ အလျင်အမြန် နောက်သို့ ခုန်ဆုတ်သွားကြသည်။ ကြောက်လန့်တကြားအော်ဟစ်နေသော လီဇီမုက အနက်ရောင် သားရဲကြီးကို ရှင်းရှင်းလင်းလင်းပင် မမြင်လိုက်ဘဲ မြေပြင်မှာ ဖိသိပ်ခံလိုက်ရသည်။ အနက်ရောင်သားရဲကြီး၏ ငွေဖြူရောင်အစွယ်များ ထွက်လာပြီး လီဇီမု၏ လည်ပင်းကို ကိုက်ချသွားသည်။ ဂျွတ်ခနဲ မြည်သံနှင့် အတူ စူးရှရှ အော်သံပါ ရပ်တန့်သွားသည်။
အနက်ရောင်သားရဲကြီး၏ အစွယ်များမှ သွေးများ ပန်းထွက်လာပြီး ရှုပ်ပွနေသော မြေပြင်ပေါ်သို့ ပျံ့နှံကျသွားသည်။
နင် ဒါကို လိုချင်သေးလား အမူးသမား ကြာပန်းလေးက ငွေရောင်ဝံပုလွေကို ချုပ်ကိုင်ထားရင်း ဂျန်ဝုရှီသို့ လှည့်ကာ မေးသည်။ လီဇီမု သေသွားသဖြင့် ငွေရောင်ဝံပုလွေက ကြာရှည် တည်ရှိမည် မဟုတ်ဘဲ ပျောက်ကွယ်ပြီး ဝိညာဉ်ကမ္ဘာသို့ ပြန်ရောက်သွားမည် ဖြစ်သည်။ ဂျန်ဝုရှီက ဝိညာဉ်စွမ်းအား အဆင့်ချိုးဖျက်တက်ရောက်ဖို့ ငွေရောင်ဝံပုလွေကို အသုံးချလိုလျှင် သူမ အမြန်လှုပ်ရှားရမည် ဖြစ်သည်။
ဂျန်ဝုရှီ ခေါင်းညိတ်ပြသည်။ အမူးသမား ကြာပန်းက ဝိုင်ကရားကို သူ့ခါးမှာ ချိတ်လိုက်သည်။ သူက ဂျန်ဝုရှီ၏ ခါးကို လက်ဖြင့် သိုင်းဖက်၍ အမြင့်ဆုံးသစ်ပင်၏ ထိပ်သို့ အလွယ်တကူ ခုန်တက်သွားသည်။ ခဏလေးဖြင့် လူတိုင်း၏ မြင်ကွင်းမှ ပျောက်ကွယ်သွားသည်။ သစ်ကိုင်းကြီးကြီးနှင့် သစ်ရွက်ထူထူများကြားမှာ ပုန်းခိုလိုက်သည်။
အနက်ရောင်သားရဲကြီးက လီဇီမု၏ လည်ပင်းကို လွှတ်လိုက်၍ သစ်ပင်အောက်တွင် ထိုင်၍ သူ့လက်ဖဝါးများကို သွေးစွန်းနေသော လျှာဖြင့် လျက်နေသည်။
အရာရာတိုင်းက လျင်မြန်စွာ ဖြစ်သွားသဖြင့် ဖန်ဂျင် အချိန်မီ မတုံ့ပြန်နိုင်ခဲ့ချေ။ သူက သစ်ပင်အောက်တွင် ထိုင်နေသော အနက်ရောင်သားရဲကြီးကို မျက်တောင် မခတ်တမ်း စူးစိုက်ကြည့်နေမိသည်။
ဂျန်ရှီ၏ လက်စွပ်ဝိညာဉ်က ရိုးရိုးသာမန်ကြောင်သာ ဖြစ်၍ မည်သည့် တိုက်ပွဲစွမ်းရည်ကိုမျှ မပိုင်ဆိုင်ထားဟု သူ အမြဲတမ်း တွေးတောခဲ့သည်။ ထို့နောက် ကြောင်နက်လေးက အနက်ရောင်သားရဲကြီး အသွင်ပြောင်းချိန်မှာ သူ လှုပ်ရှားလို့မရအောင်ပင် တုန်လှုပ်သွားခဲ့ရသည်။
အသွင်ပြောင်းနိုင်သော လက်စွပ်ဝိညာဉ်က မည်သည့်အဆင့်ကို ပိုင်ဆိုင်ထားမည်နည်း။ သူ တွေးပင် မတွေးရဲချေ။
ထိုအခိုက်မှာ သူ ဂျန်ရှီ့အကြောင်းကို ဘာဆိုဘာမျှ မသိဟူ၍ သတိပြုမိသွားသည်။ သူ့အင်အား, သူ့ လက်စွပ်ဝိညာဉ်, သူ၏ ဖော်မပြနိုင်လောက်အောင် သိမ်မွေ့လွန်းသော ဆေးပညာ....
ရှီလေး ဘာလုပ်နေတာလဲ ကျောက်ချူက လည်ပင်းမော့၍ သစ်ပင်ပေါ်သို့ ကြည့်သည်။ သို့သော် အမူးသမားကြာပန်းက သူတို့ မမြင်နိုင်သော နေရာမှာ အလွန်အမင်း ဖုန်းကွယ်ထားသည်။ သူတို့ အရိပ်ကိုပင် မမြင်ရချေ။
ကျန်အဖွဲ့သားများက ပခုံးတွန့်ပြကြသည်။ ဂျန်ရှီ မည်သည့်အရာကို လုပ်လိုသည် ဖြစ်စေ, သူတို့အတွက် ကိစ္စမရှိပေ။
မင်း အတော် လန့်သွားမှာပေါ့ ဟွယောင်းက ဖန်ဂျင့်ဘေးသို့ လျှောက်လှမ်းလာ၍ သူ့ပခုံးကို အသာအယာ ပုတ်ပေးသည်။ သူ့အား စိတ်သက်သာရာရစေရန် ဖြစ်သည်။ ဘေးလူအနေဖြင့် ကြည့်လျှင် ဖန်ဂျင် ထိုခဏမှာ မည်သို့ ခံစားနေရမှန်း သိသာသည်။
ဖန်ဂျင် သူ့ခေါင်းကို အားတက်သရော ယမ်းပြ၍ တစ်ဖက်သို့ သွားကာ ထိုင်ချလိုက်သည်။ သူ့လည်ချောင်းမှ စကားတစ်ခွန်းမျှ ထွက်မလာနိုင် ဖြစ်သွားရသည်။
လီဇီမု၏ သက်မဲ့ခန္ဓာကိုယ်က သစ်ပင်အောက်တွင် လဲနေ၏။ အနက်ရောင်သားရဲကြီးကြောင့် သူ့လည်ပင်း နှစ်ပိုင်းကျိုးသွားသည်။ သွေးများက မြေပြင်ပေါ် စီးကျ၍ အိုင်ထွန်းနေသည်။ မြေပြင်က တဖြည်းဖြည်း ဆိုးယုတ်သော အနီရောင် ဖြစ်လာသည်။
သူ တကယ်ပဲ ချောက်ချားသွားတာလားကျောက်ချူက ရောင်းရူကို တီးတိုးကပ်ပြောသည်။ သူ ပြောတာ ဖန်ဂျင် မကြားရအောင် အသံနှိမ့်၍ ပြောသည်။
ရောင်းရူက သာသာညင်းညင်း ရယလေ၏။ ယုန်လေးတစ်ကောင်က ဝံပုလွေကြီးတစ်ကောင် ဖြစ်သွားတာကို မင်း ရုတ်တရက် မြင်လိုက်ရရင်, မင်း အဲဒါကို သေချာစေဖို့ အချိန်တော့ လိုသေးတယ်မို့လား။
ဂျန်ရှီ၏ ငယ်ရွယ်သော အသက်, သေးသွယ်သော ခန္ဓာကိုယ်က လုံးဝ ထိခိုက်နာကျင်စေနိုင်သူ မဟုတ်ဟု လူများအား မှတ်ယူစေသည်။ သို့သော် တကယ့်အဖြစ်မှန်က, ထိုသေးငယ်သော ယုန်လေးက သူ့ကို စော်ကားလာချိန်မှာ ကြီးမားရက်စက်သော သားရဲအသွင်သို့ ပြောင်းလဲသွားလိမ့်မည် ဖြစ်သည်။
ဖန်ဂျင်၏ တုံ့ပြန်ပုံက ထိုအတိုင်းပင် ဖြစ်သည်။ သူက အမြဲတမ်း ဂျန်ရှီအား ကာကွယ်သူအဆင့်မှာ နေခဲ့သည်။ တိုက်ပွဲတောအုပ်အတွင်းမှာ အချိန်တိုင်း သူ့ကို ဆက်လက် ကာကွယ်ပေးရမည်ဟု သူ ရည်ရွယ်ထားခဲ့သည်။ သို့သော်.... သူ ကာကွယ်ရမည်ဆိုသော ထိုလူက... သူ့ထက် ပိုလို့ပင် အတော် ကြမ်းကြုတ် ရက်စက်ပုံ ပေါ်နေ၏။
ထို့ပြင် ဂျန်ရှီက လိမ္မော်ရောင်ဝိညာဉ်စွမ်းအားကို ပိုင်ဆိုင်ထားပြီး ဖြစ်သည်။ အနက်ရောင်သားရဲကြီးက လူများစွာ ကိုင်တွယ် ဖြေရှင်းနိုင်တာထက် ပိုမို အစွမ်းထက်နေသည်။ နောက် မေ့မထားရမှာက အဖြူရောင်ဝတ်စုံရှင် လူငယ်လေး ဖြစ်သည်.....
ဖန်ဂျင်၏ နုနယ်သော နှလုံးသားက ထိုခဏမှာ အတော် ထိခိုက်သွားရသည်။
သူက ဂျန်ရှီ၏ ကာကွယ်သူဟူသော အဆင့်ကို ယူဖို့ တကယ် ရည်ရွယ်ထားခဲ့သည်။
သစ်ပင်ပေါ်တွင်, အမူးသမား ကြာပန်းက ဂျန်ဝုရှီကို ကျယ်ပြန့်သော သစ်ကိုင်းပေါ်တွင် အသာအယာ ချပေးသည်။ သူမ ကြာပန်းသဏ္ဌာန် ထိုင်လို့ရသော နေရာကို ဖန်တီးပေးသည်။ အေးချမ်းတည်ငြိမ်စွာ ကျင့်ကြံနိုင်စေရန် ဖြစ်သည်။ သူ့လက်တစ်ဖက်က ငွေရောင်ဝံပုလွေကို ဆုပ်ကိုင်ထားရင်း ဘေးတစ်ဖက်မှာ တိတ်ဆိတ်ငြိမ်သက်စွာ ရပ်လိုက်သည်။
မနေ့ကတည်းကပင် ဂျန်ဝုရှီက ကြာပန်းလေးကို အပြည့်အဝ ကုသပေးပြီး ဖြစ်သည်။ သူ၏ မျက်စိကန်းလောက်အောင် တောက်ပရွှန်းစိုသော ဂုဏ်ကျက်သရေဖြင့် ကနေ့ ထွက်ပေါ်လာဖို့ အမူးသမားကြာပန်းလေးကို သူမ ခွင့်ပြုခဲ့သည်။
နင် ဒါကို ဘယ်လို အသုံးချမှာလဲ အမူးသမားကြာပန်းလေးက ငွေရောင်ဝံပုလွေကို အနည်းငယ် လှုပ်ယမ်းပြသည်။ ဝံပုလွေ၏ မျက်လုံးများက အဖြူရောင်သက်သက်မျှသာ ရှိတော့တာကို သူ မြင်လိုက်ရသည်။
သူမ၏ ဝိညာဉ်စွမ်းအား အဆင့်တက်ရန် လက်စွပ်ဝိညာဉ်ကို ဝါးမြိုဖို့ လိုအပ်တာကို ကြာပန်းလေး သိသည်။ သို့သော် မည်သို့ လုပ်ရသလဲဆိုတာကိုတော့ သူ မသိပေ။
ဂျန်ဝုရှီက စကြဝဠာအိတ်မှ(သိုလှောင်အိတ်မှ) ဝိညာဉ်အကျဉ်းထောင်ကို ထုတ်ယူ၍ အနည်းငယ် လှည့်လိုက်သည်။ အမူးသမားကြာပန်း၏ လက်ထဲရှိ ငွေရောင်ဝံပုလွေက မမြင်နိုင်သော စွမ်းအား သူ့ထံ သက်ရောက်လာတာကို သူ ရုတ်တရက် ခံစားလိုက်ရသည်။ ထို့နောက် ဝံပုလွေက တဖြည်းဖြည်းချင်း ထွင်းဖောက်မြင်ရသော သလင်းခဲလို ပုံသဏ္ဌာန်သို့ ပြောင်းသွားပြီး စုပ်ယူခံလိုက်ရသည်။