نبض لا يهدأ ..❤(مكتملة)

❤البارت السابع والثلاثون❤

❤ نبض ❤ لا ❤ يهدأ ...

حطت الطائرة المصرية فوق الأراضي الإيطالية ليظهر جواد في المطار يجرّ حقيبته ليقف أمام بوابة المطار الكبيرة مُنتظراً ..

التقى بأحد الأشخاص تحدّث معه بلغة إيطالية وعربية ككلمة سر بينهم ليتجه معه سريعاً نحو سيارته ..

بعد قليل وصلت السيارة نحو أحد أفخم الفنادق ليترجّل منها صاعداً نحو غرفته المحجوزة مُسبقاً باسم مستعار ..

دخلها ليضع حقيبته جانباً وبدّل ملابسه ليستلقي فوق سريره بتعب .. نظر للساعة يتبقى ساعات قليلة للصباح ليُغمض عينيه بإرهاق ويغرق في النوم ..

بينما في قصر السلطان بقيت لور ساهرة برفقة آربي التي لم تتركها بعدما رأت خوفها وتوترها ..
وفي جناح التوأم دخل زاهر إليهم بحزن لينهض أوس وكأنه فهم عليه ليجر سريره حتى ألصقه بسرير إياس ويعود ليستلقي فوقه بصمت .. ليتقدم زاهر منهم وينام في المنتصف بينهم بصمت هو الآخر ..

في اليوم التالي ..(إيطاليا)

خرج جواد من الفندق بعدما وصلت السيارة التي استأجرها .. استقلها مُنطلقاً بها في الشوارع بهدوء .. حتى توقف عند أحدهم ليصعد الآخر بجانبه ويهتف: المعلومات وصلتك كاملة ؟

جواد: أيوه هروح النهاردة للمقر بتاعهم ..

الرجل: من المعروف عنهم بكل مقر ليهم ملفات وأوراق ممكن تروحهم في داهية ..

جواد بحذر: وهما هينقلوهم معاهم ليه لا مظنش ..

الرجل: فترة إقامتهم بكل مكان ممكن تبقى لشهور وعلشان ميثيروش الشبهات وهما رايحين جايين بجيبوا كل حاجة معاهم ..

جواد: وليه ميكونش ده كدب وكله طعم ليوقعونا ..

الرجل: منعرفش ومش هنعرف غير لما نجرب ..

جواد: قصدك ندخل المقر ونشوف لو لقينا حاجة ..

الرجل: تقريباً ..

جواد: ولو ملقيناش هنبقى فضحنا نفسنا وبس ..

الرجل: أنت خطتك كانت إيه ؟

هز جواد كتفيه بهدوء: معنديش خطة أنا جاي هنا اللي بيطلع في دماغي هعمله ..

ضحك الرجل يهز رأسه بيأس: أنت مش هتغيّر العادة دي خالص ..

جواد: وأغيرها ليه وهي نجحت بكل مهمة ..

الرجل: إلا المهمة دي ..

التفت جواد نحوه بتفكير ليهتف: المكتب هنا عمل خططة ولّا إيه ؟

الرجل: مش بالظبط بس اللي عايزين نتأكد منه إذا ملفاتهم والحاجات اللي هتوقهم بين إيدينا موجودة معاهم ولا لأ علشان نعرف هنبدأ منين .. زي م قالك القائد الرئيس بتاعهم سرّي وعملياتهم معظمها سرية هنا تحركاتهم مش زي في مصر ..