نبض لا يهدأ ..❤(مكتملة)

❤البارت السابع❤

في كلام مهم بنهاية البارت الكل يقراه👇
___________________

❤ نبض ❤ لا ❤ يهدأ ....

وقف جهاد بجانب جيانا مُبتسماً وهو يتلقّى صدمة كل من هدى ولور ..

هتف بهدوء مبتسم: إيه مالكوا .. مستغربين ليه ؟

هدى بغضب: أنتوا اتجننتوا ..؟ أنت بتعمل هنا إيييه إزاي تعملوا حاجة زي دي ؟

جيانا ببرود: عادي .. دي حياتنا وإحنا حرين بيها ..

هدى بصراخ: إيه المهزلة دي .. أنتي عارفة هببتي إييه ؟ تجوزتي عدوك يا غبية ..

جهاد: تؤ تؤ يا مدام هدى إهدي كده العصبية متنفعش ليكي ..

اقتربت هدى تدفعه بغضب صارخة: اطلع من هنا .. اطلع برا بيتي يا حيوااان متدخلش هنا تاني وبنتي ملكش دعوة بيها هتطلقها حالاً أنت فاااهم ..

جيانا بغضب: مش هيخرج من هنا يا هدى هاانم .. أنا خليته يدخل براخته .. البيت بيتي أنااا.. وأنا اللي بقرر مين يدخل ومين يطلع ..

التفتت هدى نحوها بذهول صارخة: أنتي اتجننتي ؟ أنتي أكيد مش واعية بتقولي إييه ..

جيانا بجمود: لأ واعية جداً .. وبقولك البيت ده بيتي أنا .. يعني أنا المسؤولة عن كل حااجة .. واللي عايزاه هيحصل ..

اتسعت ابتسامة جهاد ناظراً نحو هدى التي تستشيط غضباً وقد تكبّل لسانها من هول الصدمة والغيظ ..

هتف وهو يتجه ليجلس فوق أحد المقاعد بأريحية: مش هتضيفينا حاجة يا جيانا بالمناسبة السعيدة دي ..؟

ابتسمت جيانا هاتفة: أكيد طبعاً ودي تيجي .. يا صباااح ..

اقتربت منها الخادمة صباح بتوتر بعدما استمعت لحديثهم: أئمري يا هانم ..

جيانا: اعملي حاجة للباشا يشربها ..

صباح: حاضر تحت أمرك ..

اقتربت جيانا تجلس بجانب جهاد لتضع قدماً فوق الأخرى بأناقة وعيناها تلمعان بانتصار .. هتفت وهي تنظر لوالدتها: اقعدي يا مدام هدى مالك ؟

رمقتها هدى بغيظ شديد وغضب هائل لتستدير متجهة نحو غرفتها صافعة الباب خلفها بقوة وكره كبير ..

لتتعالى ضحكات جيانا الشامتة من خلفها .. وجهاد يبتسم بظفر ..

التفتت جيانا نحو لور الصامتة بشكل غريب تنظر أمامها بشرود ..

هتفت بجمود: ساكتة ليه يا لور ؟

جهاد: باينها كده مش مبسوطة على الجوازة دي ..

نظرت لوز نحوهم بصمت لتهتف بعد لحظات: أنتوا تجوزتوا ليه ؟

ضحكت جيانا هاتفة: هو الواحد بيتجوز ليه ؟

جهاد بضحك: معليش اعذريها يمكن كتر القعدة والعجز أثر على دماغها ..

جيانا: عندك حق ..