نبض لا يهدأ ..❤(مكتملة)

❤البارت السادس والثلاثون❤

السلام عليكم ..

بداية كده وحشتوووني وآسفة جداً للتأخير أعمل إيه المنحوس منحوس ولو علقوا على راسه فانوس🙈😂
إحم معندناش كهربا يا جمااعة الكهربا يدوبها بتجي تلت ساعات باليوم وعمال يقولوا شهر الجاي هتقطع 5 ساعات ورا بعض يعني هنعيش منعزلين عن العالم😐
ومابين شغلي وشحن الموبايل ودراستي مش بلحق ومش بقدر خلي شحنه يخلص عشان بحتاجه عشان كده مش بقدر أكتب أووي ولا أفتح واتباد دايماً ..

آسفة كمان لأني مرديتش على كومنتاتكم ويمكن معدش أقدر أرد دايماً عليها بس والله قريتها كلها وفرحت جدداً بيها تسلمولي .. بس الكهربا دي حاجة مش بإيدي معلش 🙈
عموماً تلت أو أربع بارتات بالكتير وتنتهي الرواية إن شاء الله .. كنت عم حاول خلصها بسرعة بس إجت شغلة الكهربا ونزعت كلشي كالعادة 😐

❤ نبض ❤ لا ❤ يهدأ ...

بعد أيام ..

هتف جواد بغيظ وهو يجلس بسيارته أمام المركز الإمتحاني في آخر اختبار لأوس: هو فين بقا الطلاب كلها طلعت ..

زاهر: أنزل أدوّر عليه ؟

جواد: لأ مش ناقص تبقى أنت وهو ضايعين ..

إياس: طب أناا ..

جواد: أنت لسا أنيل .. أنا اللي هنزل ..

فتح الباب ليُغلقه بقوة وقام بإقفال السيارة من الخارج ناظراً نحوهم بتهديد فلا ينقصة مصيبة من أحدهم ..

دخل ينظر حوله للطلاب القليلة المُتبقية ليلمح أوس من بعيد يجلس برفقة مجموعة من الشباب والبنات وهو يترأس الجلسة كعادته ..

هتف أوس باهتمام: بصوا وركزوا كويس وقت النتيجة ده أصعب وقت في التاريخ ..

هتف أحدهم بخوف: أنا ممكن أسقط ..

أوس: لا متخافش هتنجح وهقولكم دلوقتي على حاجات مهمة تعملوها يوم النتيجة ركزوا معايا ونفّذوا اللي هقوله ..

أومأ الجميع له بتركيز ليهتف: أول حاجة لما تدخل تقعد مع أبوك أدخل بحذر وهدوء و خلّي مسافة بينكم لا تقلّ عن7 أمتار تحسّباً لأي طارئ يعني .. ثانياً اتأكّد أن المكان اللي قاعدين فيه ليه أكتر من مخرج علشان لما تعوز تهرب .. ثالثاً راقب حركاته كويس جداً وخليك واخد بالك من أي حركة مُعادية .. رابعاً وهو الأهم لو قالك أيّ جاحة هز براسك بس زي الجربوع كده من غير م تتكلّم ووافقه على كل حاجة حتى لو كان كلامه قاسي ويجرح شويتين .. خامساً بقا خليك واخد بالك من كل حد حوليك وأيّ هجوم مُعادي والبس ألبسة واقية ضدّ الرفس والركل والضربات الطائشة .. أخييراً وأهمّ من كل دول خليك فاكر تأمّن ليك مأوى كويس فيه ماية وأكل لحسن تلاقي نفسك بايت في الشارع مع القطط المتشرّدة .. والله وليّ التوفيق ربنا ينجّحكم كلكم ..

صرخ الجميع بأمل: يااارب ..

هتف جواد بغيظ: أوووس ..

نهض أوس سريعاً مُقترباً منه ليصرخ جواد: بقالنا ساعة مستنيين حضرتك وأنت قاعد هنا عاملّي مُصلح إجتماعي ومُرشد نفسي ..