نبض لا يهدأ ..❤(مكتملة)

اقتباااااس🙈

اقتباااس للأحداث القادمة🙈مش الفصل الجاي هاا ولا اللي بعده يمكن😂

❤ نبض ❤ لا ❤ يهدأ ....

نظرت حولها أرضاً تبحث عن أحجار صغيرة لتُمسكها وتقذفها بغيظ نحو شرفة جناحه صارخة: أوووس أنت يا زفت ياللي اسمك أوس ..

وقف أوس يتكئ على سور الشرفة ينظر إليها بعيون متلألأة سعادة: الله حاسس نفسي جولييت ..

حنين بغيظ: يا شيخ اتوكس وانزل هنا حاالاً ..

أوس بحذر: أنزل ليه هتعملي فيا إيه لاا أنا متربي أووي ومش برضى بالغلط امشي يابت من هنا واتلمي لحسن شوشو حاسّة كده عمال يلف حوليا عايز يوقّعني ..

نظرت حولها هاتفة: شوشو مين ؟

أوس: شوشو الشيطان متعرفيش إن لو اتجمع راجل وست يبقى شوشو تالتهم وأنا مرضاش بكده خاالص مش هسمحله ..

رفعت حنين حاجبيها بغيظ: ست ؟ أنا ست ؟

أوس بحيرة: أومال إيه راجل تصدقي بالله كنت شاكك بس مش متأكد يا لهوووووي يا مرااري يا فضيحتك يا أوس بتحب راااجل لا ده شوشو داخل جاامد أووي ..

نظرت حولها بجنون لتُمسك حجراً صغيراً تقذفه نحوه بغضب: ما تبسس بقا يا حيوااان تصدق الحق علياا أنا اللي جايالك طب والله هخليك تتمنى بس تلمحني ولا تسمع صوتي وبعيينك ..

أوس: اهدي يابنتي في إيه طيب أنا لسا كنت بلبس وجاييلك هو أنا أقدر أبعد عنك ياجميل ؟

حنين بغضب: مش باين ..

نظر أوس نحو ملابسه البيتية وشعره المُشعث من أثر النوم ليهتف: إيه ده شكلي كنت بلبس بالمنام شوفتي حتى في أحلامي مبشوفش غيرك ..

رمقته بغضب عدة لحظات واستدارت بصمت تبتعد عنه ليهتف بلهفة: ا ااستنيي خدي هنا يابت تعالي ثانية بس ..

تنهدت والتفتت نحوه تعلم بأنه لن يتركها حزينة هكذا لتهتف بتذمر: عايز إيه ؟

ابتسم باتساع لتبتسم له مُنتظرة أن يُصالحها ولكنه هتف بحماس: م تيجي نجرّب نعمل زي روميو وجولييت بصي أنتي خليكي مكانك واعملي نفسك روميو وأنا هنا جولييت يلاا ده احنا هنبقى توووحفة أووي ..

ارتخت ملامحها باستسلام أو ربما بيأس من أن تحصل منه على كلمة شافية تبرد قلبها لتهمس: متكلمنيش تاني يا أوس سامعني مش هكلمك بعد كده ولو قتلت نفسك قودامي ..

رمش أوس بعينيه ليهز رأسه بنفي: مش دلوقتي خلينا نمثل روميو وجولييت الأول ..

رفعت نظرات حانقة مذهولة نحوه لتصرخ: أنت بااارد كده ليييه مبتحسش فيا لييييه أنت غبي مجنوون عيل صغير مفيهوش عقل أنت أساساً واحد معندوش ولا ذرة دم واحدة ..

أوس بغضب: لا بقولك إيه أنتي داخلة فيا شمال من أول م جيتي وأنا ساكتلك بس متفكريش إن ده ضعف مني لااا ياحبيبتي أنا راجل أووي بس خايف أنفخ فيكي ألاقيكي موتي أنا برضه عندي قلب وضمير وأخلاق ..

دمعت عينيها بغيظ صارخة: أقولك أنت في سكة وأنا في سكة تانية خلاااص اللي بينا انتهی فاااهم ؟

أوس: هو كان في بينا إيه لا مؤاخذة ..؟

صرخت بغيظ وحنق ضاربة الأرض بقدمها وابتعدت عنه تُدبدب فوق الأرضية باحتقان وأوس يصرخ من خلفها: خدي هنا يابت لسا ممثلناش روميو وجولييت تعالي بس يووو همثّل مع مين دلوقتي ده أنا مصدّقتش وقفت مكان جولييت كله منك أنتي السبب عايزۃ تقلّصي مهاراتي وقدراتي أني بتغيري مني على فكرة ..

التفتت تنظر إليه بغضب تُريد أن تخنقه بيديها أن تقتله تحرقه أن تكهربه وترميه في حوض السباحة ذاك .. أفكار شريرة مجنونة شرسة تخطر في بالها كلما قابلته ولكنها تتراجع في اللحظة الأخيرة ..

تتراجع عندما تراه أمامها بهذا الشكل وهذا الحماس وهذه الطفولية التي تعشقها وتُعيدها طفلة صغيرة أكبر همومها كيف تُطعم دميتها وتنيّمها وتلبسها ..

لتتنهد في النهاية مُقتربة منه بصمت .. وجدته يقف عابس الوجه يرميها بنظرات مُتّهمة حانقة معاتبة وكأنها سرقت لعبته المفضّلة أو دمّرت موهبته الفريدة ..

لتزفر باستسلام هاتفة بدارمية وصوت حاولت تخشينه: حبيبتي جولييت لقد كُتب علينا الفراق ..

ابتسم باتساع ولمعت عيناه بحب ليعود ويُمثل الحزن هامساً بصوت أنثوي جزع: لاا روميوو لا تقل ذلك أرجووك أنا لا أحتمل العيش من دونك فأنت الحياة بالنسبة لي ..

حنين بحزن: حبيبتي يا مهجة قلبي وروحي اعذريني ولكن الأمر ليس بيدي .. لا أستطيع أن أراكي مع أحد غيري سوف أموت من وجعي وحرقة قلبي وغيرتي أنا سوف أرحل سوف أموووت قبل أن أرى غيري يلمسكي ..

صرخ أوس بهلع: لااا عزيزي أرجووك خذني معك سوف أقتل نفسي قبل أن أسمح لغيرك بلمسي أنا لك أنت فقط ملكك أنت .. لا تتركني روميوو ..

حنين: الوداع حبيبتي الوداااع لعلّنا نلتقي في حياة أخرى ..

أوس بغيظ: في إيه يابت روميو مكانش هيستسلم ويسيبها كده هو بحبها ..

حنين: وأنا بعمل روميو نسخة مُحدّثة أصل كل روميوات الزمن ده نص رجاالة ..

رفع حاجبيه بغيظ ليهتف: بقا كده ماااشي .. وأنا هعمل جولييت نسخة مُحدّثة ..

غيّر صوته لصوت أنثوي متابعاً تمثيله: حسناً عزيزي روميو سوف أرى أولاً الذي يريد الزواج بي إن أعجبني أم لأ .. أرجوك لا تمت الآن انتظر قليلاً حتى أتخذ قراري ..

حنين بغيظ: أنت رزل أووي جولييتات الزمن ده مش كده ..

أوس بسخرية: لأ كده وكده أووي كمان ..

زمّت شفتيها بغيظ هاتفة: حسناً عزيزتي سوف أسهر هذه الليلة في منزل عشيقتي سونيا خذي وقتك ..

هتف صوت رجولي غاضب من أحد الأرجاء: إيه رأيكوا تتنيلوا على عينكوا تنهوا المسرحية الزفتة دي قبل م أطلب حاشية الملك يقوموا معاكوا بالواجب ..

❤❤❤❤❤❤❤

رأيكوا🙈🙈❤
حد كان يتوقع أوس لحنين ؟🙈

البارت ان شاء الله مش هتأخر فيه يومين تلاتة كده🙈

سلاااااام💃🙌