نبض لا يهدأ ..❤(مكتملة)

❤البارت الخامس والعشرون❤

السلام عليكم ..

عاملين إيه يا جمااعة😍أنا بعتذر جداً ع التأخير بس كنت تعبانة جدداً بجد مكنتش قادرة أكتب .. وأهو بارت طويل تعويض عن التأخير .. بارت طويل لو مظهرش كامل عندكوا ارجعوا حملوا الرواية من جديد .. وعذراً ع الأخطاء الإملائية 🙈وهنزل برضه اقتباس من تنهيدة قلب تعويض التأخير😉💃

❤ نبض ❤ لا ❤ يهدأ ...

وقفت في الرواق تنظر بعينين دامعتين نحو ذلك الباب التي اختفت به صديقتها مع عدد من الممرّضين والأطباء ..

بكت وسقطت أرضاً بانهيار تلوم نفسها لتأخّرها عن مساعدتها .. تأخرها ذاك هو من دفع صديقتها للإنتحار بعدما فقدت الأمل في خلاصها ..

جلس إيهاب أرضاً بجانبها يُراقبها بصمت وعيون متألمة عليها ليهمس بعد لحظات: بطلي عياط يا ندى هي بإذن الله هتبقى كويسة ..

نفت برأسها ببكاء: حاولت تنتحر ك كانت عايزة تموت أنا مقدرتش أنقذها أنا السبب ..

زفر بضيق هاتفاً: ده قضاء ربنا يا ندى أنتي ملكيش ذنب اديكي شايفة حاولنا كتير ومقدرناش ندخلها الزبالة أخوها منع حد يدخلها ..

احتدت عينبها هاتفة بحقد: هو فين أقسم بالله م هسيبه أنا هشتكي عليه هو السبب هو اللي وصلها للإنتحار ..

هز كتفيه بغيظ: مش عارف ابن**** ده بقولوا أنه هرب ..

رمقته بحقد وعيون دامعة ليُتابع: هرب هو وصحابه لما شافوا اللي حصل علشان محدش يدبس فيها .. حتى رجالته سابوه ومشيوا ..

ندى: برضه مش هسيبه ..

زفر هاتفاً: نطمن على حنين الأول ونسيب الكلام ده بعدين .. أنا معاكي في كل حاجة متقلقيش ..

رمشت بعينيها ناظرة إليه بامتنان لتسمع هتاف شهد التي تهرول نحوها بخوف: ن ندى حنيين فين حنين مالها حصلها إيه ؟

نهضت ندى بسرعة واتجهت إليها لتلقي نفسها داخل أحضانها وعادت للبكاء من جديد ..

انتفض قلب شهد برعب ولا تعلم كيف جائت إلى هنا بعد مكالمة باكية من ندى تُخبرها بأن حنين في المستشفى لم تفهم منها سوى تلك الكلمتين لتنهار في بكاء يمنعها من الكلام وتغلق الخط بوجهها .. لم تدرِ كيف أيقظت صهيب بخوف تتعثّر في كلامها تخبره ليوصلها إليها .. همست بهلع وهي تحاول تهدأتها: ن ندى طمنيني علشان خاطري نشفتي دمي حنين فييين هي كويسة صح كويسة ؟

بكت ندى هامسة بألم: م مش كويسة لا ح حنين حاولت تنتحر ..

جحظت عينيها بصدمة وأبعدت ندى عنها تُطالعها بعدم استيعاب .. وكأنها تتأكّد من ملامحها من صحة كلامها لتهتف بصدمة: إيه اللي بتقوليه ده ؟ ح حنين ؟ لا مستحيل ..

همست ندى ببكاء: سراج السبب هو كان حابسها مقدرتش أوصلها مقدرتش أنقذها منه ..

دمعت عيني شهد بارتجاف: إزاي ؟ م مقولتليش ليه أنا أنا حاولت كلمها وهي مرديتش سألتك عليها قولتيلي هي كويسة مقولتليش الحقيقة ليييه ؟