نبض لا يهدأ ..❤(مكتملة)

❤البارت الثالث والعشرون❤

السلام عليكم ..

كلمة قبل م نبدأ البارت: أنا مبسوووطة جدداً إن نوفيلا مطر نالت إعجابكوا زي م كنت متوقعة الحمدلله ومتشكرة لآرائكوا وتعليقاتكوا فرحتني بجد ربنا يسعدكوا ..😍
بالنسبة للنوفيلا عندي شوية كلام .. البعض قال إن النهاية كانت لازم تكون غير كده وإن العائلة تدمر وحياة مطر تتحسن .. وبعض منكوا قال إن شخصية مطر مسالمة جداً وضعيفة وإن بسبب سكوته وصل أخوه رويد للتمرد والإنغماس بحياة الترف والغنى أكتر ..
هنا عايزة وضح حاجة وهي إني قصدت أعمل حاجة جديدة غير كل الروايات والنوفيلات التانية .. كلنا قرأنا عن البطل القوي القاسي الجبروت اللي ميسبش حقه ويحارب الشر وينتصر في النهاية بعد صعوبات كتير ..
بس هنا حبيت أعرض نموذج الرجل المسالم الرجل الراضي والمقتنع بقسمة ربنا ليه اللي الفلوس آخر همه في الدنيا واللي عايش عشان أخوه وبس ميهموش نفسه ولا تعبه همه أنه ينفذ وصية أهله ويهتم بآخر حد بقاله منهم ..
علشان كده شيء طبيعي يهرب من العائلة دي وهو كان عارف مقدار الحقد والقذارة اللي هما بيها .. شيء طبيعي يخاف منهم ويخاف على أخوه .. مطر شخص وحيد منطوي طول عمره .. معندوش الفلوس اللي ممكن تحل رقاب عن حبل المشنقة زي عائلته معندوش القوة والسند اللي يعتمد عليه لو هو قرر يعلن الحرب عليهم ..

طب فكروا معايا لو مطر قرر يرجع فلوسه هيبدأ منين ولا هيعمل إيه ؟ وأسهل حاجة بالنسبة لعائلتهم هي القتل وهو عارف ده ..
هو اعتمد على ضميره وأخلاقه وإيمانه .. والحق دايماً مهما طول هو اللي هينتصر بالنهاية ..
وفي حاجة أساسية حاولت حطها في النوفيلا دي إن الرضا والقناعة أساس السعادة مش الفلوس ولا الغنى ولا السلطة اللي تجيب الراحة والسعادة ..
هو الرضا بقضاء الله سبحانه وقسمته اللي قسمها على عباده ..
وده اللي حصل مع مطر .. رغم كل المغريات اللي كانت قدامه .. فلوس باسمه قصر ولا ألف ليلة وليلة كل اللي نفسه فيه فلوس وسمعة ونفوذ وغنى .. بس كل ده مأثرش على ضميره وأخلاقه ومخلاهوش يسيب حق بنت مظلومة مسكينة من غير م يساعدها ترجعه ..
كان يقدر يتحول زيهم ويغوص بالحياة دي للآخر بس هو مخانش تربيته ولا أخلاقه رغم كل اللي خسره كان مستعد يخسر أي حاجة المهم ضميره ميموتش ..
أما بالنسبة لعيلته فذكرت إن غسان لعب عليهم وأخد كل حاجة .. يعني خلاص مجدي ومعاذ بالحبس غسان اللي هو نتيجة تربيتهم وطمعهم تغلب عليهم وهياخد الفلوس ويسيبهم وكده شركاتهم وأملاكهم هتنهار .. ده غير إن صفاء لسا هتكمل افتضاحهم بين الناس وتجيب سمعتهم في التراب ..
رويد بقا حاجة تانية .. شاب بأول عمره وعى ع الدنيا دي بحضن أخوه بميتم رديء فقير وكمل حياته بحارة بسيطة فقيرة .. أغلب أيامهم جوع وبرد وفقر واللي اكتشفه بعدين إنها كانت أحلا أيام ..
فجأة كده تنزل عليهم ثروة .. فلوس .. غنى كل اللي كان نفسه فيه ويحلم بيه شافه قدام عينيه .. هيعمل إيه وقتها ؟ أي حد محروم هيعوض حرمانه وكان من الطبيعي يجرب كل حاجة حلم بيها وكل حاجة جديدة عليه كان من الطبيعي يغلط علشان يتعلم من غلطه من الطبيعي يشوف الطانب المظلم من الحياة دي زي م شاف الجانب المضيء ويقارن بينهم ..
كان من الطبيعي يتغير رغم تربيته وأخلاقه اللي هو مفقدهاش بس اتزعزعت شوية بسبب السرعة اللي اتشقلبت بيها حياته وتحققت أمنياته ..
بس بالنهاية قدر يواجه نفسه .. قدر يوازن بين الجانبين ويختار القرار الصح ورجع لأخوه تاني وأثبت إن تربيته كل السنين مضاعتش ..
ومطر كان معاه من صغره .. شاف حرمانه الكبير .. زي م اتحرم من أبوه وأمه اتحرم من حساة الغنى اللي مطر عاش جزء صغسر متها بس رويد مشافهاش من قبل .. كان يحس أنه مقصر معاه بس مش بإيده كان يتمنى يملك فلوس ويخليه أسعد حد في الدنيا دي .. لذلك سابه على راحته .. خلاه يجرب كل حاجة كان يسكت قدام لمعة عينيه اللي أول مرة يشوفها بالشكل ده ومقدرش يطفيها ويحرمه من السعادة دي حتى لو كانت مزيفة .. يمكن تردده ده وسماحه ليه يجرب كل حاجة هو اللي بوظه بس أساس سكوته زعله عليه وعلى حرمانه .. وطبيعي هو برضه يغلط ويتعلم من غلطه زيه زي أي حد .. غلط وسمح لأخوه يغرق بالوحل أكتر ولما وعى على غلط قرر يحاسبه ..
بالنسبة لحياتهم القادمة هي صح نهاية مفتوحة بس أنا ذةرت أنه أخد فلوس للراجل اللي مأجرهم البيت وأنها فلوس كتير وذكرت حلمه يفتح دكان عشان يرتاح من التعب والشقى ..