نبض لا يهدأ ..❤(مكتملة)

❤البارت الخامس والثلاثون❤

❤ نبض ❤ لا ❤ يهدأ ...

بعد عدة أيام ..

وعلى مائدة الإفطار اجتمع كل من جواد ولور والتوأم .. ليدخل زاهر ناظراً لهم بنظرات مُترددة ..

التفتت لور له وابتسمت هاتفة: وأخيراً وافقت تنزل ؟

التفت الجميع نحوه ليقف هو يرمقهم بتردّد .. نهض إياس بسرعة يجذبه من يده ليُجلسه بينه وبين أوس هاتفاً: أقعد هنا يلا ..

جواد بهدوء: أخدت علاجك يا زاهر ..؟

هز زاهر رأسه بصمت من دون كلام ليهتف إياس بضحك: متهزش راسك زي الحيوان ليك لسان يتكلم ..

ابتسم جواد وضحك بخفة عندما تذكر كلماته التي كان يقولها له ليهتف: أيوه بالظبط زي م قالك إياس ..

لم يُجبهم زاهر وشاركهم طعامهم بهدوء غريب .. فقد كان خلال الأيام الماضية مُتعب تارةً وثائر تارةً أخرى وقد تشاجر مع جواد عدة مرات بسبب رفضه للتحكّم والقوة ليتغلّب عليه جواد في كل مرة ويعود زاهر لضعفه مُدركاً بأن شخصيته المُزيفة بدأت تتلاشى شيئاً فشيئاً وذلك أخافه بقدر ما أفرحه ..

نهض زاهر ناظراً نحوهم بجمود: أنا هسيب القصر ..

توقف الجميع عن الأكل ليهتف إياس بقلق: إيه اللي بتقوله ده ؟

أوس: قولتلكوا ده مجنون محدش صدقني .. هتسيب القصر ليه يا بني ده أنت اللي بيتقدّملك هنا مش هتلاقيه في أي قصر تاني .. اسمع مني بلاش ..

التفتت لور نحو أوس ترمقه بغيظ: ده وقتك أنت ..

أوس: أومال إيه ثانية بس أوعى تكونوا صدقتوه ولّا خدتوا كلامه جد ده غبي ميعرفش بيقول إيه ..

أرجع زاهر كرسيه للخلف ليُخرج صوتاً عالياً وصرخ به بقهر: كفااية بقا .. لا عارف عااررف كل اللي بقوله ومتأكد منه أنا مش هقعد هنا بعد كده خلااص ..

هتف جواد بجمود بعد صمته منذ البداية: صوتك ميعلاش يا زاهر بلاش قلة أدبك اللي كانت عند مراد ..

رمقه زاهر بتحدّي يعلمه جواد جيداً فقد عانى منه خلال الأيام الفائتة ليهتف زاهر: أنت ملكش دعوة أعلّي صوتي ولا أوطيه ملكش حكم عليا وأنا همشي من هنا مش عايزك تتفضّل عليا وتقعدني في قصرك وأجرة الكام يوم دول اللي قعدتهم هنا هدفعالك ..

رفع جواد حاجبيه وتراجع بظهره مُتكتفاً: تدفعلي ؟؟ وأنت فاكر أنا عايز أجرة الكام يوم اللي فاتوا بس ؟

قطب زاهر جبينه مُخفياً قلقه لتهتف لور بصدمة: إيه يا جواد الكلام ده مش كده الله زاهر تعبان دلوقتي و..

صرخ زاهر مقاطعاً كلامه: لا مشش تعبااان وأنتي كمان ملكيش دعوة أنتوا كلكم محدش ليه دعوة بيااا .. وأنا هدفعلك اللي أنت عاوزه ..