نبض لا يهدأ ..❤(مكتملة)

❤اقتباااس❤

اقتباس صغنن جدااا خالص🙈🔥

❤ نبض ❤ لا ❤ يهدأ ...

أوس: لا بقاا أنت زوّدتها أووي يا جواد إيه الكلام ده .. هو علشان قصرك عايز تشغّل الناس وتذلّهم كده حرام عليك ..

جواد: أوس متدخّلش ..

صرخ أوس بحدة: لا هتدخّل اللي أنت عاوز تشغّله خدّام ده يبقى أخووويااا سامع أخويا وأنا مسمحش لأي حد يعامله بالطريقة دي ولا يقلّل من قيمته ..

جواد بصراخ: أووس بقولك متدخّلش أنت خليك برا الموضوع خالص كلامي مع زاهر ..

نهض أوس مُقترباً من زاهر وهتف بتحدي: وأنا وزاهر واحد هو أخويا وأنا مش هسيبه عايز تشغّله خدام لو هو وافق يبقى كلب بس أنا برضه مش هسيبه وهشتغل معاه .. لغاية م نأمّنلك فلوسك ويمشي زي م هو عايز ولو موافقش يبقى أحسن وبرضه هخلّيه يمشي من هنا بدل الذل ده كله .. كفاية كل حاجة تذلّ فينا وتطردنا وتحسّسنا أنك متفضّل علينا ومعيّشنا في قصرك ولولاك هنموت من الجوع ..

صمت يتنفس بغضب وزاهر يُعلق نظراته عليه بدموع وذهول من وقوفه بجانبه وتحدّيه جواد لأجله .. التفت نحو إياس الذي يرمقهم بدموع ولوم وعتاب كبير لا يُريد خسارة أحد منهم .. يكفيه كل ما عاناه سابقاً ..

مسح زاهر دموعه بحدّة .. لا يعلم ما الذي عليه فعله .. يشعر بأن جواد يُسكنه في قصره مرغماً .. يشعر به يكرهه .. ومعه حق فهو ليس بأخوه كما التوأم .. يراهم يتجوّلون في القصر كما يحلو لهم يرى المصائب التي يفعلونها والمدرسين الذين يطردهم أوس بجنونه وشتائمه ومع ذلك جواد لا يستطيع الإستغناء عنهم .. يسمع شجاراتهم التي لا تنتهي وصراخهم الذي يملأ أركان القصر ولكن ذلك لا يُخيفه بل يُضحكه بشدة بقدر ما يُبكيه ..
شجاراتهم مُضحكة وأقرب لطفولية رغم حدّتها وتجذبه ليسمعها .. ليُدرك عمق علاقتهم ومحبتهم لبعضهم ..
ولكنها تُبكيه بقهر لأنه لا يجرؤ على فعل ذلك مثلهم .. يخاف أن يطرده جواد بأية لحظة فهو يستطيع الإستغناء عنه وليس مجبر به .. يخاف أن يُعامله كأقلّ منهم وكأنه غريب كما يُعامله الآن بالضبط ..

هتف جواد بجمود يُخفي ورائه ألماً بعد صمت تبادل به مع أوس نظرات حادة: لآخر مرة هقولك يا أوس .. اللي حصل زمااان كان غصباً عني اللي حصل كان عشان أحميييكم لو دماغك الغبي ده مش قادر يستوعبها هفتحهولك وأحشرها جوااه بالعافية .. كفاية بقا تذكرلي الموضوع ده كفاية تحسّسني أني ندل ووااطي إني بعتكم بالوقت اللي أنا كنت فيه بتقطع من جوا عايز أحميكم بأي طريقة كفاية بقا أنا تعبببتت .. أنتوا فاكريني مبسووط ؟ طبعاً م أنتوا مش بتشوفوا غير اللي أنتوا عاوزينه .. مشوفتوش إني اتحديت أبويااا علشانكم .. استغفلته ولعبت عليه وقبضت عليه .. صح ده شغلي .. بس أي حد مكاني كان ممكن يبيع شغله وتتغلّب عليه عاطفته .. الدافع الكبير اللي خلّاني أقبض عليه هو أنتوا خوفي عليكم .. كنت عايز نعيش مع بعض بأمان من غير خطر ولااا خووف عملت كل اللي أقدر عليه وبالآخر دي جزاااتي منككك تفكرني بشيء أنا أصلاً مش ناسيييه .. بس ده كله اللي شايفني فيه دلوقتي هو تمثييل فااهم تمثيييل .. أنا مش كويس زي م انتوا شايفين ..
وكل ده رميته ورا ضهري حتى موت أبويا إعدااامه رميته ورا ضهري بس علشانكم .. حاولت أنسى واعيش حياتي لأني شايفكم مبسوطين وفي أمان ..
بس محدش حاسس بيا ولا باللي حاسه جوايا محدش حاسس بالنار اللي بتحرقني لأنه محدش داقها غيرييي ..
كفاية بقا يا أوس بجد تعبت ..

تعالت شهقات إياس ببكاء يشعر بأن العالم يهدم من حوله .. يخاف أن يخسر أحد أخوته ويخاف أن يقف مع أحدهم ضدّ الآخر .. ودمعت عيني لور لتنهمر دموعها بصمت من كلامه ..

❤❤❤❤❤❤❤

إحم إحمم🙈🙈💃 رأيكم ؟ وإيه اللي بيحصل معاهم ؟
ادعولي يخلص البارت بسرعة❤💃

سلاااااام❤💃💃🙌