نبض لا يهدأ ..❤(مكتملة)

❤البارت السابع والعشرون❤

❤ نبض ❤ لا ❤ يهدأ ...

في قصر السلطان ..

أسقط رائد الأثقال من يده فوق أعشاب الحديقة وهو يلهث بتعب تخلّل في جميع عظام جسده ..

استدار خلفه لإيهاب الذي يحمل أثقال صغيرة هو الآخر ليسقطها بجانب خاصة رائد هاتفاً بنبرة باكية: رائد أنا تعبت خلاص معتش قادر حرام كده والله ..

طالعه رائد بإنهاك والعرق يتصبّب منه بغزارة: أعمل إيه زيي زيك اشتغل يا حبيبي قبل م يقلب علينا تاني ..

جلس إيهاب أرضاً بنحيب: حرام عليكوا منك لله يا إياس يوم م تعرفت عليك كان يوم أسود ..

صرخ إياس وأوس من خلفهم .. ليلتفتا نحوهم ويرونهم يُمسكون آلة رياضية تُساعدهم سندس ذات الوجه المحمر تعباً وغضباً ..

هتف إياس: الحقونااا هتقع هتقع عااا ..

إيهاب بصراخ: كل الحق عليك يا كلب ربنا ياخدك ..

صرخ إياس بغضب: وأنااا ماالي مش أنتوا اللي عملتوا كل ده ؟ اشربوا بقا ..

صرخ أوس بغضب: أنا مشاركتش في الجريمة دي منكوا لله ..

صرخ جواد من خلفهم: اخلصوا أنت وهو يلااا كل الآلات دي هتطالعوها برا .. عايز غيّر الأرضيّة كلها وخلوا بالكوا أنتوا هتشتغلوا مع العمال اللي هتيجي تغيّر الصالة ..

توسّعت عيني الجميع لتهتف شهد ببكاء: لااا حرام عليك يا أبيه أنا مليش دعوة بحاجة مكنتش معاهم يا ناااس ..

جواد: يلااا لجوا حالاً كملوا نقل الباقي ..

اتجه الجميع للداخل ليعودوا حاملين أدوات رياضية كثيرة يُفرغون الصالة منها كما أمرهم جواد ..

لتصرخ سندس عند رؤيتها لفارس يُخرج ثقلاً ذو حجم كبير: أبيه الحقني ..

رمقها بغيظ وجبين متعرّق: ولا حرف يا جزمة ده أنتي حسابك معايا بعدين اخلص بس من المصيبة دي الأول ..

بكت هاتفة: طب الحقني دي تقيلة خالص ..

تأفّف بضيق واقترب يحملها عنها بسهولة ليقذفها فوق الباقي ليصرخ جواد قربه: بالراااحة ياغبي ..

رمقه فارس بحنق صارخاً: م هو أنا صح متعوّد ع التدريبات والأثقال دي بس مش بالإفترى ده حراام عليك أنا تعبت خلي في قلبك شوية رحمة ..

جواد باستفزاز: معلش يا حبيبي استحمل لسا الجاي أصعب م أنت معاهم في الورشة والعمال برضه ..

جزّ فارس فوق أسنانه بغيظ: أنت مش بتتشطر غير علياا أناا م هو قدامك أهو خليه يشتغل زينا ..

هتف صهيب الجالس ببرود فوق إحدى الكراسي مطالعاً هاتفه بملل: بس يالا ..

صرخ فارس بغيظ: لا بقا أنا أعترض مليش دعوة يا أما صهيب يشتغل زيي يا أما أنا اقعد مرتاح زيه ..