نبض لا يهدأ ..❤(مكتملة)

❤البارت الثامن والعشرون❤

💥💥ياريت الكل يقرأ الكلام ده لو سمحتوا عارفة أنه طويل بس مهم💥💥👇

أولاً في حاجة عايزة وضحها مكنتش هتكلم في الموضوع ده بس اضطريت ..
أنا دخلت الواتباد في البداية ك قارئة وعارفة إن الصبر لقراءة قصة مش مكتملة أوقات بيبقى صعب وده من حبنا للرواية وتشوقنا لأحداثها وأنا كنت كده لغاية م بدأت أكتب .. وعرفت إنها حاجة مش سهلة خالص .. تخيلوا عايزين تكتبوا حتى لو كانت1000كلمة وترجعوا تعدلوا عليها وتصححوا الأخطاء ده بياخد وقت قد إيه ؟ مع العلم إننا مش بنكتب حاجة حافظينها إحنا بنفكر الأول وبنحاول نكتب بشكل منظم وجميل .. يقدر أي حد فيكوا يجرب يكتب حاجة عنده من غير أخطاء ويعدل عليها ويشوف هياخد وقت قد إيه ويعرف إنها صعبة رغم أنه يقدر يكتب حاجة حافظها مع ذلك هياخد وقت كبير ..
وأنا لما بنزل مش بنزل3000 كلمة وخلاص أنا أقل أقل بارت عندي8000 كلمة مستحيل أقل من كده وأوقات كتير بيوصل ل10000 وأكترر ..
يعني لما بتأخر ف ده حقي وده الوقت اللي بتاخده الكتابة مش عشان عايزة أشوقكوا أكتر ولا أتشهر أو أذلكوا علشان أنزّل .. أنا قارئة زيكوا وبقدّر إن في ناس مستنية زي م أنا بستنى بارتات بروايات كتيرة .. عارفة إن ده من حبكوا للرواية اللي أنا فرحانة بيه جداً بس ياريت بس نقدّر ظروف بعض ونلتمس الأعذار ونقول إن الغايب عذره معاه ..
زي م أنتوا بتقرأوا بوقت فراغكوا أنا برضه بكتب بوقت فراغي وبقرأ زيكوا برضه مش كل وقتي كتابة ..
وأنا للي ميعرفش في سوريا مش في مصر .. عندنا الكهربا بتقطع تقريباً12 ساعة في اليوم وأوقات أكتر .. وتلفوني مش ع الطاقة الشمسية يعني أكيد محتاج شحن مش هيفضل معايا ليل نهار وأعتقد أوقات لاحظتوا بفضل يوم أو يومين علشان أفضى رد ع الكومنتات تبعكوا .. غير كده أنا إنسانة زيي زيكوا ليا حياتي الشخصية ومشاكلي وهمومي كفاية الوضع اللي إحنا فيه ده يعني مش هفضل ماسكة الفون24 ساعة ونازلة كتابة زي م أنتوا عندكوا أشغال وأعمال أنا برضه .. أنا كنت بكتب ك هواية بس لما لقيت تفاعل على كتاباتي حبيت الواتباد وحبيتكوا جداً أنتوا بقيتوا عيلتي التانية بالنسبالي اللي بتفرحوني بكلمة منكوا أو بتشجيع حلو زيكوا .. بس برضه الكلمة السيئة بتئذي أنا زي م بفرحكوا وبحاول أكتب بأسرع وقت بكون مستنية منكوا تفرحوني بآرائكم ومشاركاتكم وتعذروني لو اتأخرت في يوم كل حد ليه ظروفه وليه مشاكله اللي هي كفاية الصراحة مش لازم حد يزيدها عليه ..
الكهربا عندنا بقالها يومين مقطوعة الحرائق مشتعلة بكل مكان حولينا قليل منها من الجو الحر الجاف الخانق اللي ده لوحده قصة تانية وتلت رباعها حرائق مُفتعلة .. نقعد نتفرج ع الحرائق من بعيد لو هتصل علينا أو لأ والهوا اللي بقت ريحته دخان وملئ المكان وقصاصات الرماد ملت الدنيا حولينا ومعدناش شايفين حاجة .. يعني الوضع اللي أنا فيه مرهق بجد مكفتهمش الحروب والإرهاب اللي عملوه بدأوا يتّبعوا سياسة الأرض المحروقة ومسابوش حتة خضراء أو محصول أو شجرة أو حيوان حتى وبيوت إلا وحرقوها حسبنا الله ونعم الوكيل في كل ظالم .. الإطفاء عندنا مش بلحق والهوا بيزداد وبزيد معاه النار بكل مكان الناس سابت بيوتها وأرزاقها وطلعت بتتفرج عليهم بيتحرقوا قدامها تهجروا وهما في وطنهم .. وطبعاً الحصار اللي إحنا عايشينه مانعين عننا أي حد يدخلنا ويساعدنا .. فيه بس كام دولة صديقة قليلة جداً اللي مش بتوقفهم التهديدات والقوانين الظالمة إنهم ينقذوا بلد عربي صديق ودخل قليل منهم يساعدوا الإطفاء معانا بإخماد الحرائق ربنا يجزيهم الخير .. الباقي مفيش حد تولع سوريا باللي فيها مفيش كلمة حق تطلع من حد منهم فيه ظلم أكتر من كده ؟ أنا مشوفتش ولا هشوف أصلاً بس ربنا ع الظالم ..
الحمدلله النهاردة الوضع أحسن بفضل ربنا .. إنما بعد العسر يسرا ربنا مبينساش حد واستجاب لصلاة الإستسقاء والحمدلله زخات خفيفة من المطر بدأت تنزل وده برضه رداً ع كل حد شمت فينا إن كان شماتة من برا البلد أو من سكان البلد الخاينين لأهلهم ووطنهم ومحاولاتهم يشعلوا نار الطائفية حسب المكان اللي بتشتعل فيه النار وبجد عييب وحرام أووي اللي وصلناله ده ..
أنا مكنتش هقول الكلام ده بس قولتلكوا اضطريت وعشان اللي مبيفهمش إيه يعني ظروف وإيه يعني البنت اللي بتكتب عندها عذر لغيابها أنا فهّمتكوا وشرحتلكوا أهو وللعلم ده مش كل حاجة ودي مش كل ظروفي في لسا حاجات كتييييررر أووي وبقدر أشرحلكوا بالتفصيل من هنا لبكرا عايشة إزاي وبعاني من إيه بس المشاكل مش هيحس بيها غير اللي عايشها لحظة بلحظة ..
بالنهاية ياريت تعذروني لو كلامي قاسي شوية بس بجد شيء يوتر الأعصاب لما يحصل حوليا كل ده وبالآخر ملاقيش كلمة حلوة تفرحني بالعالم اللي بلجأ ليه علشان ارفّه عن نفسي لأ بلاقي اتهام وتذمر ليه بتأخر ومش براعيكوا أو عايزة أتشهر على حسابكوا أو إني بذل فيكوا و و و......إلخ
أنا لو بذلّ بجد ف هذل نفسي الأول بالأسلوب ده .. وكنت هسبلكوا بالآخر بارت من 2000 كلمة وغيب أسبوع ولا اتنين وارجع نقطكوا بالقطارة .. بس أنا مش كده ولا عمري هبقى كده لأني مش طالبة شهرة وأنا مش كاتبة أنا مشروع كاتبة واللي بفضل ربنا ثم بفضلكوا وبفضل تشجيعاتكوا قدرت أسمي نفسي كده .. ياريت بقا نحترم بعض ونقدّر ظروف بعض لأن الظلم وحش أووي ..
وأعتقد إني قد م اتأخرت ف بارتاتي طوييلة أكتر من كاتبات كتير وبعوضكوا على قد م أقدر ..