نبض لا يهدأ ..❤(مكتملة)

❤البارت الواحد والعشرون❤

❤ نبض ❤ لا ❤ يهدأ ....

جلس إياس بجانب أوس ينظران حولهما بابتسامات متوسّعة ورائد وإيهاب يفتحان فمهما بدهشة من ذلك المكان ..

هتفت شهد: الله دي أول مرة بدخل فيها مطعم 5 نجوم ..

رائد وإيهاب: وأنا برضه ..

إياس: وأنااا ..

أوس: لا م أنا قضيت حياتي بمطاعم زي دي ..

اقترب منهم النادل باحترام يُوزع لهم قوائم الطعام والشراب الموجودة .. وقبل أن يُقرّروا شيء بدأ أوس بطلب كل ما يُعجبه يعرفه أو لا يعرفه ..

حتى امتلأت الطاولة بعد مدة بسيطة بأشكال وأنواع مُختلفة من الطعام الفاخر ..

نظرت سندس للطعام هاتفة: يخربيتك يا أوس مين هياكل كل ده ..

أوس: احم معلش كنت بختبر سرعتهم وشغلهم وكده ..

إياس: أنت فاكر نفسك صاحب المطعم .. قوم هات الحرس خليهم ياكلوا معانا ..

أوس: الله فكرة حلوة هنتسلّا معاهم أوي قوم هاتهم يا إيهاب ..

إيهاب: اللي عايز حاجة يقوم يعملها بنفسه ..

تأفف أوس بحنق: سندس قو..

سندس: مليش دعوة أنا جعانة وهاكل ..

نهض أوس بسرعة ليقف على باب المطعم ينظر للحراس المُتجمّعين في أحد الأركان ليصرخ بصوت نبّه جميع من في المطعم: أنتواا يا حرااااسة تعااالوا كلوا معانا ....... إيه مالكوا مش مصدّقين والله الأكل كتير أوي ودي نعمة ربنا حرام تترمى بالزبالة تعالوا كلوا ووفّروا على الزبالة شوية ..

جذبه إياس من ذراعه بقوة يُعيده لطاولتهم: م تخرس بقا شكلهم هما اللي هيرمونا بالزبالة بعد شوية ده مطعم مُحترم يابني محترمممم ..

أوس: خلاص ماشي هتصرّف باحترام هاتوا الشوكة والسكينة خلوني مُحترم وآكل بيهم ..

جاء الحراس بعد قليل بتردد ليهتف إياس: تعالوا متتكسفوش اقعدوا يلا ..

أوس: لو عايزين أطلبلكوا حاجة تاني قولوا هااا متتكسفوش ..

احد الرجال: لا متشكرين يا باشا ..

أوس: لا متشكرنيش م انتوا تستاهلوا بقا بتتعبوا أوي ربنا يعينكوا يارب ..

بعد مدة اقترب النادل يمدّ بدفتر الحساب الأنيق نحو أوس الذي جذبه بابتسامة متوسعة .. فتحه ليقفز فجأۃ من جلسته: يا لهووووووي عليا وعلى سنين أمي السودة ..

إياس بقلق: في إيه ؟

رمقه بقلق هاتفاً: إياس حبيبي أنت معاك فلوس ؟

هز إياس كتفيه: ولا جنيه وااحد ..

نظر نحو الجميع الذين رمقوه بترقب ليمدّ لهم الحساب هاتفاً: امسكوا حد يقول انه عازمنا ويدفع ..