Unicode
သူ့မျက်လုံးရှေ့မှာ ပေါ်လာတာက ရေကန်ကြီးတစ်ကန်။ စမ်းချောင်းမှ ရေများ စီးဝင်နေသည့် ရေကန်ပင်ဖြစ်သည်။ ရေကန်ဟာ အရမ်းကျယ်သည့် အထဲတွင်တော့မပါပေ။ ဒါပေမယ့် သူအံသြသွားတာ ရေကန်ထဲမှာပေါက်နေသည့် ကြာဖြူ၊ ကြာနီများကြောင့်ဖြစ်သည်။ကန်ထဲမှာပေါက်နေတာက ပဒုမ္မာကြာများမဟုတ်ပဲ ရိုးရိုးကြာပန်း အမျိုးအစားဖြစ်သည်။ထိုကြာပန်းမျိုးကို တစ်ခါတစ်လေ ဘုရားမှာ ရောင်းနေတာကို မြင်ဖူးပေမယ့် အခုလို အပင်လိုက် ပေါက်နေတာကို မမြင်ဖူးခဲ့။ ထိုကြာကန်ကြီးဆီမှ အကြည့်မလွှဲနိုင်အောင် သူ့မှာ သဘောတွေကျနေမိသည်။
"ဘယ်လိုလဲ"
အသံတိတ်သွားသည့် သူ့ကို သမိုင်းက ဘေးကနေ မေးလာသည်။ ထိုအခါမှ
"အရမ်းမိုက်တာပဲ
ကိုယ် ဒီလို ကြာပင်တွေကို အပြင်မှာ သိပ်မမြင်ဖူးဘူး
တကယ်လှတယ်"
ဆိုပြီး အငမ်းမရပြောမိသည်။
"ဒီခြံက အရင်က ဖေဖေ့မိတ်ဆွေခြံလေ
ကျွန်တော် ဆယ်တန်းဖြေပြီးတော့ အလည်ခေါ်လို့ရောက်ဖြစ်တာ
ကျွန်တော် သဘောကျတယ်ဆိုလို့ ဖေဖေက ဝယ်လိုက်တာ"
"အင်းပေ့ါ
ခြံကအကျယ်ကြီးကိုး အပင်တွေနဲ့ စိမ်းစိုနေတော့ သဘောကျချင်စရာပဲလေ"
"မဟုတ်ဘူး
ကျွန်တော် သဘောကျတာက ဒီကန်ကြောင့်
ခြံထဲမှာ ဒီကန်ပါနေတာကိုတွေ့မှ ဖေဖေ့ကို မရမက ဝယ်ခိုင်းဖြစ်သွားတာ"
"ဘာလို့လဲ
ဒီကန်က ဘာဖြစ်လို့လဲ"
"အဲ့ဒါက လျှို့ဝှက်ချက်"
သမိုင်းက အပြုံးလေးနှင့် သူ့အမေးကို ငြင်းသွားသည်။ အဲ့လို မဖြေမှ ပိုသိချင်သွားသည့် သူက သမိုင်းလက်ကို ဆွဲပြီး မရမကမေးမိသည်။
"ပြောလို့
ဘာလို့လဲ ဆို"
"မပြောဘူး လို့"
သူ့လက်ထဲကနေ အတင်းရုန်းနေသည့် အကောင်ပေါက်လေးကို အသည်းယားပြီး စိတ်မရှည်တော့။ ထို့ကြောင့် ခါးကနေပွေ့ချီပြီး နှစ်ချက်လောက် ပတ်ရမ်းလိုက်သည်။ ရုတ်တရက် ပွေ့ချီခံလိုက်ရသည့်အတွက် သမိုင်းက လန့်သွားဟန်ရှိပြီး သူ့လည်ပင်းကို လက်နှစ်ဖက်နှင့် သိုင်းဖက်လာသည်။ သူ့ကို မျက်လုံးလေးပြူးပြီး ကြည့်လာသည့် အကောင်ဖြူလေး၏ နဖးူကို ငုံ့ပြီး နမ်းမွှေးလိုက်သည်။ ထိုအခါ အရှက်သည်းသွားပြီး သူ့ရင်ခွင်ထဲသို့ မျက်နှာလေးကို တိုးဝင်ကွယ် ဝှက်လာတော့သည်။ ထိုသို့တိုးဝင်လာမှ ခေါင်းလေးဝှေ့ပြီး ချွဲလာတယ်လို့ ခံစားလိုက်ရသည့် ဒီလူ့ရင်မှာ ဖိုးသိုးဖက်သက်တွေ ဖြစ်ကုန်လေပြီ။
YOU ARE READING
အရောင်မဲ့ လွင်ပြင်(အေရာင္မဲ့ လြင္ျပင္)Completed
RomanceUnicode အချစ်ဆိုတဲ့ကွင်းပြင်ကျယ်ကြီးမှ မိမိနှစ်သက်ရာအရောင်ကို ဆေးခြယ်ပါ။ Zawgyi အခ်စ္ဆိုတဲ့ကြင္းျပင္က်ယ္ႀကီးမွ မိမိႏွစ္သက္ရာအေရာင္ကို ေဆးျခယ္ပါ။
