𝐓𝐄𝐑𝐄 𝐋𝐈𝐘𝐄

Lag Ja Gale

Kahin baar kuch chote se lamhe humari badi si zindagi badal jaate hai. Aur hume pata bhi nhi chalta. Sameer Naina ke unkahe unsune mohabbat ki daastaan mein judaai toh poori ho gayi thi par milan abhi bhi aadha adhura tha. Lekin yeh dono hi us aane wale milan ki ghadiyo se bekhabar the.

Naina's VO
Sach mein woh raat bahut lambi thi hum dono ke liye. Us raat mein itna kuch jo hone wala tha. Lekin accha hi tha hum apne pyaar ki taraf ek kadam aage jo badh rahe the. Par is tarah se badhege yeh mujhe jaisi ladki ne toh kabhi nhi socha tha.
Humara safar bhu bahut alag tha tabhi toh pehle dost bane, dost se jaan bane, jaan se anjaan aur ab waqt tha phir se anjaan se ek dusre ki jaan banne ka.

Inside College
Sameer(to himself)- Main hi pagal tha jo ab tak use yahan dhund rha tha. Voh toh kab ka chali gayi hogi jaise 8 saal pehle School se gayi thi bina kuch kahe, bina kuch btaye. Uski toh aadat hi hai aise beech raaste mein chodkar jaane ki. Main hi use dekhkar pagal deewana ban gaya tha. Use toh main yaad bhi nhi hoyuga. Aur ek main hoon jo aaj tak ek pal ke liye bhi use bhul nhi paya.

Outside College
Naina(to herself)- Aur kar uska intezaar. Usko dhundne ke chakkar mein late ho gayi na. Aur woh..woh toh hoga kahin apni ladies fans ke sath. Itni raat ho gayi ab pata nhi hotel ke liye taxi kahan se milegi. Subah yahan taxi ki line lagi hui thi aur ab jab chahiye toh ek bhi nhi hai.

Naina collge se nikalakar taxi ko dhundne ke liye aage chalti hai. Tabhi wahan samne se do log aate hai. Woh dono Naina ki taraf badhte hai. Naina darr ke vapis mudd jati hai aur College ki taraf jati hai.

Naina(to herself)- Ajeeb shehar hai. Ab kahan jayu main. College hi jaati hoon wahan koi na koi toh hoga jarur.

Naina tez chalte hue college ke gate tak aa jati hai aur wahan Sameer se takra jati hai. Dono ek dusre ko dekhte hai. Naina ki aankhon mein aansoo hote hai.

Naina(inaudibly)- Sameer...

Darr ki wajah se Naina Sameer ko apne samne dekhkar use kaske gale lag jati hai.