رواية (#عائلتي_ولكن )
"20"
لقت العيال ملبزين دبشهم ويتعاركو
موده:انت وياه كريمه ، محمود
محمودالصغير(ولد مؤيد):ياموده قولي لمنيا تعزق علينا ف الرمله
منيا(بنت منى) :كذاب يااخويله والله هو
موده:جبتكم ونسيتكم انا ، خش انتي وياه جوا
كريمه(بنت مؤيد) :ماما قالتلنا خاليكم هنا والله
موده:خشي جوا قلت وحق ربي انمرطك بهالتوبو
خشو العيال يتباكو لامهاتهم جوا وعدت موده لحوشهم جابت دبش وردت
نجيه:جبتي المفتاح
موده:اها جبته
نجيه:باهي حطي الدبش جوا وتعالي عاوني خواتك
موده:باهي
رنده:اسمعي بالله عليك الحمامات ابرمي عليهن
موده:الاثيوبيه متاعكم انا
رنده:تي بطلي سخافه هيا
موده :باهي خلاص اسكتي
وجدان:ماما
كلثوم:ها كنك
وجدان:كلمتني اخت عماد قالتلي حتى هما بيجو يجيبو الدبله
كلثوم:شنو وكنهم ماقالو
وجدان:مش عارفه قالتلي ماتكلفوش ارواحكم انا وامي واختي بس جايات مع الرجاله
كلثوم:ياناعلي وانتي ماوتيتيش روحك
وجدان:ماهو انا ديمه هكي بختي اصلا 😭
تهاني:بالشويه بس ماتخافيش
وجدان:بحتي منظري مش عابيه عليهم يجو
تهاني:تعالي معايا توا نخليك تقول ايش
وجدان:كيف
تهاني:غير تعالي بس
خشت وجدان وتهاني لدار البنات ،بيش اتفتلكها كيف ماقالت
شويه وخشت ناجيه(مرات عمهم واخت ناجيه) :لولولولولولييي
منى:زغروتة خالتي هذي
ناجيه:السلام عليكم
صبن سلمن عليها وقعمزت معاهم
مرام:وين ريما
ناجيه :قالتلي عيب نمشي شن يقولو عليا الناس
ميسون:وعليش
نجيه:عليك طروح من في غريب
ناجيه:خليها احسن
كلثوم:كيف حال حامد وعبدالحليم
ناجيه:كويسين والله حامد حطني توا وعدا للصلاه
موده:مرااام عمروه يبكي
مرام: هيا توا انصبي
ريهام:خليك توا انجيبه
ناجيه:وين العروس امالا
نجيه:العروس بكاوات وحاله كلموها عربها قالولها بالمره بيجو يلبسو اليوم وهي مش عابيه بيهم
ناجيه:وكنهم مايقولو يابتي
كلثوم:حرق اعصاب لنا وخلاص
ناجيه:المهم بهناها ياخيتي
ميسون:محمود يامصيبه اركح
نجيه:تعال حبيب اجديده انحطلكم ع رسوم
موده:وطو المنظومه الاذان
ريهام:طفيتها بكل
كلثوم:مرومه عمك شن داير توا
مرام:انشالله كويس ، عدا بيه سلفي وعمتي لتونس
ناجيه:كنه شن عنده هو
مرام:بعيد عنا كالنسل في الكلى
ناجيه:شنو كانسل
منى:الخبيث بعيد عنا
ناجيه:سو بعيد يابتي ، ربي يشفيه انشالله
ميسون:والله ماعلى الله صعيب خالتي كان عندها في المعده وربي شفاها
مرام:انشالله بس عمي متمكن منه
ميسون:اها مسكين
موده:يامنى امسكي فرختك را نضربها
منى:شلطي ، خالتها انتي
موده:اطلعي الصابون ياحيوانه
رنده:امي بنة شياط
كلثوم:هيا توا انجيه
موده:شن الغدا
نجيه:كسكسو ومحشي فلفل
موده:المربوعه حد خشلها
كلثوم:لالا حتى الرجاله قلتلهم يقعدو في حوش باتك بيش مايحوسوهش
رنده:توا نطلع انبخرلها اخرى
منى:خليها بعد الغدا خير
موده:باهي هيا نبرمو ع دار الضيوف عشان الصبايا الي جايات
ريهام:توا انخش معاك انا
موده:😳 باهي هيا
خشن موده وريهام يضمن الدار ، وتهاني تفتلك في وجدان في دارها ، والفروخ مقعمزين ع التليفزيون ، وباقيهن كملن توتاي ومقعمزات يهدرزن
