طلعو بمودة للمستشفى بعد يدها انحرقت
في السيارة :
مروان (شقيق مودة) : توا بنفهم انا شن قربكن في الالعاب النارية ، حاجه ماتفهمنش فيها ليش تقربنها
وجدان (اختها من باتها) :يامروان مش وقته توا
مصطفى (صاحب مروان) تمى يدوي لمروان بالشويه :يا راجل وسع بالك خلاص اختك
مروان :تي الزح حتى الجلاء ديمه زحمه ، انزلن هيا
انزلو وخش بيهم مروان ع الطوارئ وشافو يد موده طلعت حروق بسيطه عالجوها لها وكتبولها ع دواء وطلعت
مروان :وقف هنا يامصطفى تبي دواء من الصيدليه هذي
مصطفى :خليك توا ننزل انجيبه
مروان:هاك باهي الروشيته والفلوس
مصطفى :هات الروشيته وامسك هذينا تحشم ع وجك
مروان:انشالله اتكوني شعفتي بس
موده:مداير روحك اتهزب قدام الراجل والله انحرش فيك باتي
وجدان :تي كنكم انتم شن جو الفروخ هضا
مروان: حسابك انروحو في الحوش ، اسكتن توا مصطفى جا ، ها حصلت الدوا
مصطفى :اها هاك هضا تاخد منه مسكن ، وهذي بوماطه تدهنها مكان الحرق
مروان:منور ياطيري
ركب مصطفى وروحهم للحوش وخدا مروان واطلعو بعد لقو سعيد (صاحب مروان) مروح
نجية(ام موده) :ها شن صار فيك
كلثوم (مرات باتها) :شكلك باكيه لين دايخه
موده: والله توجع فيا بكككل
ريما (بنت عمها عبدالرحيم) :تي شن قالولك باهي
وجدان :تي قشرولها الجلد المحروق ولفو لها وعطوها بوماطه ومسكن
ريماس (اختها من باتها) :يييه توا تعلم
انتصار (مرات باتها) :هيا ياريماس ، لاباس عليها انشالله
نجيه :الله لا يوريك باس ، سلمي ع ريهام (اختها من باتها)
انتصار :يوصل تصبحو ع خير
ميسون (مرات مؤيد شقيقها) :خشي تريحي في دارك
موده :خواتي وين
نجيه :منى ومرام عدن لعربهن
موده :اها به بنخش داري نا
ناجية (خالتها ومرات عمها) : خشي احبيبه تريحي لنقنه واعر الحرق
طلعت انتصار وخشت موده لدارها ومعاها تغريد وريما بانت عمامها ووجدان ورنده خواتها
ريما : تي بنسألكن كنها انتصار بارده هكي
تغريد (بنت عمها سالم) :اها مستفزه بكل
رنده :هي هكي متحيونه هي وبناتها من يومها ماتقبلنش ،.حي كان تحقنها كيف تغير منا كان جبنا حاجه وهي لا تي تلقيها تغلي كيف امية العصبان
ريما :شن معنى مية العصبان ههههههه
رنده:ما بعد تغلي تقعد سااخنه وبعد تبرد تبقى اعي
تغريد :هههههه عنجد التشبيه
وجدان :دودي كنك ساكته
موده :ناااار والعه في يدي
رنده :خش ياللي اتدق
مروه (مرات عمها سالم ) : تغريد صبي البسي باتك قال هيا
موده :بدري
مروه :لا احبيبه هضاكا هو ، مزالت توجع فيك
موده :بكل والله
ناجيه :هيا انتي حتى باتك قال هيا
ريما :خزي عابيه انشوف حاتم (خو موده من باتها وخطيب ريما بنت عمه )
ناجيه :اتشوفي عينك صبي البسي
لبسن كلهن وسلمن واطلعن ، روحو عيت عمامها ، وعيت مؤيد خوها ورست ع هل موده وكلثوم وبناتها
حاتم : امي
كلثوم :خش ما في حد
حاتم :تعال يامنعم(خوها من باتها) مافي حد
منعم :الكبيده قالو محروقه
موده :حقيت يدي
حاتم :لاباس ياطشه لاباس
منعم :هاكي هذي واسكتي
موده :الله سنيكر
وجدان :انشالله ننحرق بيش انحصل
منعم :امسكي انتي وياها واسكتن
رنده :هاكي ياامي مانحبهش
منعم :القدر يفجعك
وجدان :باتي وين
حاتم :طلع قال عنده سهريه
موده :مروان الحيوان وين عده
حاتم :تحشمي الزح
مروان :قلبي يانا يانا يانا قلبي يانا يانا ،قلبي ليك هديه مش خساره فيك
رنده :تدوي ع الحقير يجيك يطير
منعم :شوه الاغنيه
مروان :السلااام عليكم
نجيه :ربي يفرق بينك وبين هالسماعات
موده :شياطين راكباته ، ذنوب ع الفاضي
مروان :الذنوب ذنوبي ، انتي ريحيلي روحك بس
وجدان :هههههه عليك قصف ف الجبهه
موده :اسكتي انتي
حاتم :اسمعو دويت مع باتي الاسبوع الجاي حددن يوم نمشو لعيت عمي انحددو العرس ونعطوهم فلوس الدبش
نجيه :ماشالله وع امتى نويتو
كلثوم :انشالله الشهر الجاي لا الي بعده يوم 15
نجيه :حي وقت مش واجد مزال
كلثوم :كمل حوشه هو توا شي يوم نمشو انسيقوه وانفرشوه له
وجدان :حي عرس الله ، من عرس مرام معش جانا عرس
رنده :باهي والقاعه
كلثوم :اليوم باتك بايت عندنا غير يجي نتفاهمو معاه وانسقو
رنده :حي علي امك jباتي بايت عندنا ، سيبنا الحوش حايس
وجدان : صبي انروحو انضموه خير ما يجي يخلي ليلتنا سوده
كلثوم :هيا صبن يامصايب
منعم :مروان طرش انشالله افتح الباب
نجيه :عظي ياوليدي افتح هالجلطه هضا مانظني يسمع
منعم :هيا باااهي من
تهاني (مرات باتها الرابعه ) : افتح
منعم :مراحب
تهاني :خير كل عام وانت بخير ، من جوا
منعم :ماحد خشي ، دندوناتي شنجوكن
دانا (اختها من باتها) :تمام شنجوك انت
منعم :تمام الحمدلله
دنيا (اختها من باتها ) : صح دوده انحرقت
منعم :اها خشن
تهاني :السلام عليكم ياعرب
نجيه :خشي تعالي
تهاني :لا باس لاباس
موده :الله لا يوريك باس
دنيا :دودي كنك حبيبتي
موده :من العاب الناريه
دانا :لاباس
نجيه :قعمزن تعالن ، وين امجد
تهاني :مع باته حطني وعدا لمحل
حاتم :باتي جابك
وجدان :ماهو قالتلك حطني وعدا
حاتم :هيا باهي نعست انا
كلثوم :لنقني بنعدي قبل يجي الحاج ، لاباس عليك يادوده
موده :الله لا يوريك باس اعميمه
وجدان :تبي حاجه
موده :لا سلامتك
رنده :انتي اتسيقي الحمام اها
وجدان : والله في عينك
منعم :تي اطلعن را كف توا
مروان :مروحين
وجدان :حييي
مروان :كنك
وجدان :نضت من الغيبوبه انت
مروان :انكفخك توا
رنده :حول خليني نطلع
مروان :انتلفي
تهاني :حتى نا بنعدي البنات انعسن ، لا باس عليك يادوده
موده :الله لايوريك باس
نجيه :بدري خليك
تهاني :لا خلاص ، تصبحو ع خير
روحو كلهم وناضت نجيه تبرم ع الحوش ، وموده محصله سبله عاد يدها محروقه ، خدت فونها وخشت دارها ، ومروان في داره ع اللاب توب
خشت موده لدارها قعمزت ع السرير وفتحت النت شويه وجاها مسج ع الفيس من ايميل ماتعرفش اسمه بوفا البرنس ، بعد خشت شافاته لقت اصدقاء مشتركون خوتها ، فعرفت انه مصطفى صاحب مروان
المسج مكتوب فيه :لاباس عليك انشالله تكوني احس
موده : هالبارد هض شن عرفه باميلي ، ماساد مدرهلي كبدي ف الواقع جايني حتى ع الفيس ، عليك ثقل ياربي
موده :الله لايوريك باس شكرا
مصطفى :مزالت توجع فيك
موده :قيسه ميعاد هو عليك براده توا حلال فيه انحرش فيه مروان ، شويه دزتله :لا الحمدلله احسن
مصطفى :باهي الحمدلله ، انشالله ماتشوفي سو
موده :سلمك ، نستأذنك بنرقد
مصطفى :تفضلي تصبحي ع خير
قعدت موده ع النت بعدها خشت لمحادثه مدايرتها هي ورنده ووجدان خواتها
صورت محادثة مصطفى ودزتها لهن
موده :بنات حقن هضا
وجدان :من هضا
موده :مصطفى صاحب مروان
رنده :ناعلي انا شكله الفرخ طايح فيك
وجدان :فطنتله امبدري ايبحت فيك ف مراية السياره
موده :طاح من جبل انشالله ، عنجد طايح فيا
رنده :هههههههه ، باتي جا وحق ربي انخاف من ظله باتي هض
موده :انتي شن الي ماتخفيش منه
وجدان :وجك انتي وياها بنكنكن
موده :انشالله يفطنلك باتي
رنده :اااامين
وجدان :خزي
موده :حتى نا بنرقد تصبحت ع خير
طفت موده النت وارقدت من وجع يدها
ناضت الصبح ع مروان صوته عالي
موده :كنك ع الصبح
مروان :كويشي وين
موده :يامتخلف العياط هضا كله ع كويش
نجيه :خلاث اسكتو ع الصبح
شويه وسمعو باب الحوش هبد
محمود (بات موده ه ) : موددده
نجيه :ياساتر كنه باتك
موده :نعم ياباتي
محمود :انتي عندك علم بان اختك تكلم في واحد
موده : 😳 اختي من
محمود :تستعبطو ع امي ياپت الكلب اختك وجدان
موده :ماندريش ياباتي وجدان مستحيل اندير هكي
محمود : بهايم حطو وجي ف الوطا هضا ماناقص عقاب عمري بنت تخليني بقرون ، وحق الله انعد ربي ماجابها ، الله ياخدكن ويفكني منكن هدي خلفة البنات مايجي منها الا وجع الراس
موده :ليش ياباتي نحنا شن درنا
محمود :تجي تضربيني كف احسن ياحيوانه يالي ماتحشمي
نجيه :اهدى بس ياحاج شن في
محمود :بنت الكلب الي اسماها وجظان امس انخش عليهم ف الليل في دارهم نلقاها نغطيه وجهها بالبطانيه وتدوي خشيتلها كريت منها
التليفون نلقاه واحد تمت ترعش خدت طريحة رباس القبور وحبستها ف الدار
تمت موده متنحه مش عارفه شن اتدير ، خشت تجري لدارها فتحت فونها مسحت محادثاتها مع ومع صحباتها ومحادثة مصطفى
وقعدت خايفه لان باتها حيقع
حاط عليخن ، شويه وخش عليها مروان
مروان : انتي تعرفيه الي تكلم فيه وجدان
موده :وانا شن عرفني بيه
مروان : راك تطلعي حتى انتي زيها بس
موده : كنك انت حل مش ناقصتك
مروان : اسمعيني هنا ، اقسم بالله كان تسمع ولا نلاحظ انك تكلمي في شباب ولا ضايغتيهم ع الفيس والله ياموده نقتلك
موده :لا ياراجل خف علبنا ياوحش ، دخنله سبسيين دار روحه راجل
مروان :تبي تحترمي نفسك ولا تشوفي شي اخر
موده :وريني شن بتدير ترا
مروان :وحق الله انوريك
موده :يااامي الحقيني يتاامي
نجيه :اطلق اختك سيب اختك ، يناعلي يامحمود دونك مروان يضرب في احته سيب اختك سيبها حرام عليك
مروان : الحيوانه ترد عليا البهيمه
محمود : تحسابها رجوله تضرب اختك
موده : ماهو نحنا كيف الجاريات عندكم مغير تلطشو فينا وخلاص وماتحقوش ف ارواحكم شن اتديرو ، هضا الي مداير روحه دكر عليا يدخن من وراكم ، وعدي شوف داره وشوف جيوبه ، لكن انتم هكي تبحتو فيما نحنا البنات وماتندروش ع الشباب شن يديرو
مروان اول مادوت موده قعد مصدوم ويفنص وخلاص ويراجي في مواجهة باته
بكرا تعرفو ، شن حيصير في وجدان ، ومحمود شن حيدير لمروان بعدبصت عليه موده .....
تقييمكم 😍
