(#عائلتي_ولكن)
"31"
تاني يوم
ناضت موده فطرت ولبست
نجيه:بتمشي لخواتك
موده:اها،امي نسألك سؤال
نجيه:شنو
موده:كنه باتي معش جانا
نجيه:اسكتي بالله ماتقهريني،خليه هو حر
موده:شن في عليش
نجيه:موده عدي لخواتك
موده:حاضر ياامي
نجيه:خوذي معاك الاماعين هذين تبيهن كلثوم
موده:باهي
خذت موده الماعين واطلعت وفي عقلها ألف سؤال ليش باتهامعش يجيهم،وليش امها ماتبيش تدوي،وكيف حيصير في حامد،وشن حيدير لمصطفى،لين وصلت للحوش
رنده:خشي تعالي
موده:صباح الخير
كلثوم:صباح النور،وين امك
موده:قالتلي توا شيلي الماعين هذينا وتوا اتجي بعدين
كلثوم:باهي تمام،خواتي جايات اليوم،بنديرو الحمص
موده:باهي تمام,وين الباقيين
رنده:مرام وانتصار وبناتها شالهن منعم للسوق ، ووجدان في الحمام
وجدان:كنها وجدان
موده:نسأل عليك
رنده:تعالي نبيك
خشن موده ورنده
رنده:شن صار حامد رن عليا كم مره مارديتش
موده:امس كلمت مصطفى وقلتله ع كل شي
رنده:نهارك اسود وشن قالك
موده:قالي قوليله الشفره متاع مصطفى بس عطيها لبنت عمه تقرى معاك في الجامعه
رنده:وبتمشي عليه يعني
موده:غير جربي بس
رنده:انرن عليه يعني
موده:اها رني توا
خذت رنده فونها ورنت ع حامد
حامد:ايوا باهي الي رنيتي
رنده:خيرات
حامد:اهلين:قبل كل شي فهميني قصة الرقم هذي
رنده:انت يعني في عقلك اني ممكن انكون مدايره جو مع مصطفى صاحب خويا،كني بنحفر قبري بيدي ولا شنو،وبعدين شن جو المراهقه ومسجات ومانبيكش تعرفيني،عليش يعني الجو هضا،الرقم فعلا متاع مصطفى بس واخذته صاحبتي الي هي بنت عمه
حامد:امممم وانتي عليش خليتيها اترن عليا
رنده:بيش نعرفك من،شخص يدزلي في تحركاتي بالخطوه ماتبينيش نعرفه من
حامد:يعني كان شفتي الرقم في تليفون واحد من خوتك ولا حتى خالتي نجيه راك عرفتيني،عليش القصه الي درتيها
رنده:اهو من الخوف ماخطرش عليا الا هكي
حامد:ومصطفى هضا يعني ماعندكش بيه اي علاقه
رنده:عقلي اكبر من اني انفكر في شي يضرني ونديره
حامد:اممم باهي تمام
رنده:سلام توا حبيت نوضحلك سوء الفهم بس،بيش انبرر صورتي قدامك
حامد:كنك معصيه انتي ولد عمك راني
رنده:حتى وكان
حامد:باهي براحتك يارنده اسف ازعجتك
رنده:لا ماازعجتنيش،بس لو انت تبي تكلمني راك من الاول صارحتني مش خليت المشكله هذي كلها تصير
حامد:تي ماقدرتش انصارحك الزح
رنده:وعليش يعني،تقدر وانت متخفي بمسجات وماتقدرش ع التليفون،بعدين انت كيف عرفت ان الشفره لمصطفى
حامد:عندي برنامج ايطلعلي معلومات الأرقام كلهن
رنده:اهااااا باهي تمام ،بنسكر توا
حامد:سلام يامعصيه
رنده:سلام يامتخفي
سكرت رنده
موده:ينعن جدك وحق الله صدقت الموضوع،تي تنفعي ممثله انتي
رنده:امالا شني ياحنه
موده:بس حرام ليش كلمتيه هكي
رنده:يستعبط اصلا ،انوري امه انا الاستعباط شن شكله
موده:هي انتي امه خالتي
رنده:ملحي انتي وياها
موده:بقره،افففف واخيرا هالقصه انحلت
رنده:الحمدلله،بس خاطري نعرف من بنت عمه هذي الي صاحبتي
موده:ههههههههه مشي مشي،وهيا خلينا نطلعو
وجدان:بلكي انجيبلكن قهوه
موده:ياريت والله
وجدان:صبي يابهيمه انتي وياها توا يجن خالاتي
موده:حلينا المشكله ورديت لمصطفى والدنيا ربيع والجو بديع
وجدان:طيب فيكن خزي نشفتن دمي،كيف حليتنها
رنده:العبقري مصطفى حلها،ياحنه ..
وحكت رنده لوجدان القصه من اولها لأخرها
وجدان:عباطه هذي غريبه صدقها
موده:اكيد حيمشي لمصطفى ايزره
وجدان:باهي المهم عدت ع خير ,, صبن هيا
موده:مصطفى يرن ياخيا نجيه ليا
رنده:بنطلعو نحنا كلميه وتعالي
موده:ايوا
مصطفى:خير ياقلبي
موده:كيف حالك
مصطفى:تمام الحمدلله،انتي شنجك اليوم
موده:تمام التمام
مصطفى:دوم انشالله،شن صار
موده:لا عدت ع خير الحمدلله،كلماته وقالتله كيف ماقتلي
مصطفى:باهي تمام،وين قاعده انتي
موده:عند اعميمه كلثوم
مصطفى:باهي تمام،انحبك
موده:امممم انبحك
مصطفى:ههههه صار انبحك
موده:اها :p
مصطفى:نجك ليا،خلاص توا عدي شوفي خواتك وانا بنمشي للمحل
موده:باهي حبيبي رد بالك ع روحك
مصطفى:اوكي سلام
سكرت موده وطلعت مع خواتها بدن حوسه وضم ، لين جن انتصار وبناتها ومرام من السوق
حطو تغدو وبعد الغدا ضمن الحوسه وغير دبشهن
نجيه:ياوحده من البنات حلن باب البوابه ايدق
رنده: والمنجوه البواب وين
كلثوم:تي غير عدي حلي
رنده:همي الاسود مدي محرمة الصلاة انتي
ريماس:بالشويه شن دخلني انا
لبست محرمتها وطلعت لقت خالتها أسماء وبناتها أميره و ملك
رنده:آنستن تعالن تفضلن
أسماء:من عندكم
رنده:ماحد انتصار ونجيه وخواتي
كلثوم:مرحبتين
سلم وقعمزن
(اسماء أخت كلثوم الصغيره ، عندها أميره 22 سنه و ملك 12)
أسماء:كيف حال الحاج
كلثوم:كان مريض شويه بس توا الحمدلله
اميره:وين وجدان وموده
ريهام:قاعدات يصلن في الدار
ملك: ريماس تعالي نقعدو في الدار
مرام:امي شوفي عمران مش عارفه كنه
نجيه:كنه اسمالله
مرام:حرارته رقت فجأه وارتخى
نجيه:هاتيه هنا
رنده:اميره تعالي
اميره:وين
رنده:انشوفو هذينا الي ف الدار
اميره:خيييير
وجدان:ميرو مرحبتين حبيبه
رنده:موده اتصلي في تراويح امالا
وجدان:حيوانه مش مصليه الظهر
اميره:شنجكن ، رايفت عليكن
وجدان:انتن مختفيات بكل
اميره:كيف حال خوتك
رنده:دراه كبد وخلاص
اميره:هههههه خالتي منيره جايه حتى هي ؟
وجدان:اها قالت جايه
موده:خير
اميره :هلا
ريهام:تعالن اشربن قهوه
وجدان:تي نجك ياخيا فكك من السو توا انفكر نمشي انديرها
ريهام:تعالن باهي هيا
طلعن البنات بيشربن القهوه ، والتمن مع بعضهن هدرزه وقرمه وبكرا حتعرفو شن حيصير من تطورات مع موده وعائلتها :)
تقييمكم
