مصطفى :حبيبي مروان ممسوك في المركز
موده:نهاره الاسود ، حي علي جدتك يامروان ، من وين عرفت انت
مصطفى:كلمته توا رد عليا سعيد قاللي
موده:شن ندير انا
مصطفى:انتي ديري روحك ماتندري ع شي را يشكو فيك ، انا توا نكلم واحد من خوتك انقولله
موده:باهي ماقالكش عليش
مصطفى:متعارك مع واحد ضاربه فاتحله راسه
موده : 😱 يانهارك اسود يامروان
مصطفى:خلاص توا سكري بنعدي انا للمركز ونكلم خوتك
موده:باهي سلام
سكرت موده وتمت تخبط مش عارفه شن اتدير ، خافت تطلع امها تفطن لوجها تزرها ، قعدت في دارها مش عارفه شن اتدير لين اشويه وسمعت الباب يدق طلعت
نجيه:افتحي هضا اكيد المصيبه مروان
موده:من ؟
كلثوم:افتحي
موده:خير
كلثوم:امك وين
موده:جوا
خشت كلثوم
وجدان:مروان سمعتو بيه
موده:اها توا قاللي مصطفى ، هالحيوان هضا مش حيتهنى لين يجلط امي ولا باتي
رنده:امك سمعت
موده:لا
شويه وهن مصبيات ف السقيفه يسمعن نجيه :ياناعلي يامروان ياهمي الاسود بيجلطني هالعيل صبرني ياربي ، شن مزال بيدير بس مافي مصيبه الا وجابها لنا
رنده:اهي سمعت من امي توا
موده:يستر الله خشن تعالن
خشن كلهن يهدن في نجيه وعدت موده جابتلها اميه وهي مغير تحرق واتخبط وخلاص
نجيه:رني رني علي باتك شوفيه
موده:امي فكيني توا ايهزبني
رنده:الباب يدق
موده:خليك توا نفتح ، مممن
تهاني:خير ياناعلي امك شن دايره
موده:قاعده تحرق واتخبط جوا وخلاص
تهاني :والله لما منعم جا قاللنا نضت نجري كي الهبله
موده:حشاك ، تعالي خشي
خشت تهاني ، شويه موده سيبتهم وخشت لدارها ترن ع مصطفى
مصطفى :ايوا ياامي
موده:ايوا حبيبي شن صار معاكم
مصطفى :قاعد مع صاحبي في المركز ياامي ، اشويه ونروح انكلمك
موده:قولي شن صار
مصطفى:ضارب واحد ،وتوا جو هلهم بيحلو المشكله
موده:يعني يطلع اليوم
مصطفى:اها ان شاء الله
موده:باهي حبيبي ربي يطمنك
مصطفى:سلام توا
موده:سلام حبيبي
سكرت موده وخشن عليها رنده ووجدان
رنده:شن اتديري انتي
موده:كلمت مصطفى طمنني
وجدان:ماتخافيش انتي الزح
موده:كلمني ع اساس امه
رنده:شن قالك باهي
موده:قالي يطلع اليوم ان شاء الله
رنده:انعدي انطمنهم
موده كرتها من دبشها :تي تعالي هنا الزح توا يقولنلك من قالك شن بتقولي بتشيليني في داهيه انتي
رنده:اها صح نسيت
وجدان:غباااء ياربي غباء
رنده:شن اندير مرات نستك
وجدان:ديمه مش مرات
موده:ريتي الكلبه انتصار لاجت ولادورت
رنده:مش وظيفتها تسأل هذي ، وظيفنها ايباري بس
وجدان :بالناقص منها ومن فرخاتها المهم يطلع مروان طيب
موده:انشاءالله يارب
رنده:يستر الله انكان يمسكوه
وجدان دفت رنده قريب طيحتها من السرير:تحركي من مكانك
رنده:انتي طيحتيني مش حركتيني بس
موده:بنطلع انشوف امي انا
رنده:هيا نطلعو كلنا
طلعن قعمزن مع الصبايا ف الدار يراجن في اي شي يطمنهن ، من الساعه 11 لعند الساعه 2 في الليل وهن يرجن
لين شويه وسمعن صوت بيبان السيارات لبسن وشاحاتهن و طلعن يجارن
موده:شن صار
محمود:خش يابهيم ديمه جايبلي الفضايح
نجيه:شن في كنه
شويه ونزلو سعيد ومصطفى من السياره
مروان:تي بشويه ياباتي
نجيه:تي شن درت ياهمي ماتجي منك الا المصايب
مروان:تي الزح هما هما الي ينابشو تبوني نسكت
محمود:تفجغ العيل 4 بونتو وتقولي ينابشو
مروان:ماهو انت مش حتريح لين نقعدلك كي البنات وقتها تحس انك مربي ، لكن وقت ناخد حقي نبقى جايبلك فضايح
نجيه :اسكت ترد ع باتك يابهيم
محمود انفصل تما يبي يضرب مروان ، شويه جوه مصطفى وسعيد ومنعم تمو يهدو فيه
مصطفى :مروان تعال معايا
مروان:تي حول يامصطفى ، ديمه هكي هما اصلا
محمود:درق وجك را نقتلك وانعد الله ماجابك توا
حاتم:خش ياباتي خش تعال هدي روحك
خشو نجيه وحاتم ومحمود ،ومنعم ومصطفى وسعيد قعدو ف الجنان ايهدو في مروان وموده هضا كله اتفنص فيهم مش عارفه شن اتدير والاخرات كلهن ف السقيفه مرعوبات
مروان:خشي جوا انتي خلاص مش شفتي المسرحيه شن مصبيك هنا يابهيمه قدام الرجاله
مصطفى:تي وسع بالك الزح كنك انت
خشت موده تجري خافت من مروان وفي نفس الوقت عجبها مصطفى لأن ماتحملش من مروان ايهزبها
محمود:ديمه مفضح بيا ، تي الي ضاربه طلع ولد صاحبي تاجر كبير معايا
تهاني :باهي عليش تعاركو
حاتم:قاللي كنا انا وسعيد في السياره انمتعو في ساحة الكيش ، جو ضايقو عليهم تعاركو كلمه مني كلمه منك ناضو ف بعضهم ، واحد منهم حل يجري وسيب العركه عدا بلغ في اقرب مركز مافطنو الا وسيارة دوريه جايه خرطتهم كلهم مع بعضهم
ووقتها كاين مروان ضارب وجت التهمه كلها فيه
كلثوم:يناعلي ، وكيف طلعوه
محمود:لولا باته تنازل راه بايت ف الحبس
حاتم :اها والله باته لما عرف انه ولد صاحبه تنازل وتمى يستسمح في باتي اخرى
نجيه:ياناعلي عليك هم اسود مش عارفه امتى بيعقل هالعيل
كلثوم:شاب ياحنه
