سكرت موده وردت ع باتها :ايوا باتي
محمود:في من تكلمي توا
موده:كنت انكلم في رنده نسأل فيها ع خواتي
محمود:امك ارقدت
موده :اها خشت لدارها
محمود:ومروان روح ولالا
موده:اها من بدري وخش لداره
محمود:باهي ارقدي حتى انتي
موده:حاضر ياباتي، تصبح ع خير
محمود:وانتي من اهله
سكرت موده من باتها وهي مرعوبه دزت لرنده ع الماسنجر
موده:رنده رنده
رنده:ها ها كنك
موده:كان جاك باتي سألك قوليله موده كانت اتكلم فيا
رنده:عليش كنك
موده: رن عليا لقاني انتظار كنت انكلم في مصطفى
رنده :حي ع امك ياكلبه ، وعليش ران هو
موده :يقصقص علينا
رنده :باهي راك اتردي اتكلميه ويرن يلقاك انتظار اخرى
موده :كني هبله امالا ، توا انكلمه ع الماسنجر
رنده :باهي عدي وردي بالك
موده :العقربتين ارقدن
رنده :لا هن مادات وجههن ع النت
موده :ربي يصبرك البي معاك ههههه
رنده :تافهه ان شاءالله بكرا ايجن ايباتن عندك
موده:وووو بعيد السو وجك
وقفت موده هدرزتها مع رنده ورنت ع مصطفى ع الماسنجر
مصطفى :شن صار
موده:لا عدت ع خير الحمدلله
مصطفى :باهي الحمدلله
موده:مانقدرش انكلمك ع الشفره
مصطفى :خلينا ع الماسنجر والفايبر لعند انحصلك شفره اعلقيها من ليل لليل كلميني بيها بعدها سكريها
موده:باهي تمام
مصطفى :وتوا انديرلك ايميل واحد اخر ماتضيفيش فيه حد يقربلك عشان خوتك ماتجيهمش اصدقاء مشتركون ايشكو
موده:باهي تمام
مصطفى :شن باهي تمام باهي تمام
موده:مش عارفه شن انقول
مصطفى:انحبك
موده : 😱😍😍 حتى نا
مصطفى :انتي شنو
موده:انحبك
مصطفى:ناعلي ياقلبي وخلاص
موده:😍ههههه شن جو المحل
مصطفى:تمام الحمدلله,,باهي احكيلي عليك شن تحبي وشن تكرهي وشن طبعك
موده:شن نحب شن نحب ؟؟ اها نحب اني نكون حره ماحد يقيدني ، انحب اني لما ايخش قلبي شخص ماحد يشاركني فيه ، انحب قرايتي بكل ، غيووووره لين انانيه ، مانحبش النكد ومانحبش الي يقعد نفسيه لين ايأثر ع نفسيتي ، اهم شي عندي امي ، باتي انعامل فيه معاملة خوف نتحاشى فيه في كل شي ، نكره انتصار مرات باتي ونكره بناتها عمري ماحسيت انهن خواتي وكله بسبا افعال امهن ، وجدان ورنده هن صديقاتي وخواتي ، في المدرسه مانحبش اندير صديقه مقربه كلهن صحبة قرايه بس ، نكره الكذب نكره اني ننجبر ع شخص واني ننحط في موقف محرج قدام اي حد ، ونحب انعامل الناس كيف مايعاملوني ، وبس خلاص
مصطفى :وانا انحبك كيف ماكنتي
موده :امم باهي واحكيلي انت توا ع روحك
مصطفى :ياستي انا عندي3خوت اكبر مني واختين وحده اكبر ووحده اصغر مزوجين كلهم وخوتي عايشين معانا في نفس العماره ، حالتنا كويسه بس مانحبش حد يصرف عليا ، شقتي واتيه مع هلي ف العماره وانراجي امتى نخطبك بيش انفرشوها ، امي مغربيه وخوالي عايشين ف المغرب ، ماعندش اعمام عندي عمه بس متزوجه وعايشه في مصر ، انحبك انتي اكثر حاجه ، وانحب الي تحبيه ونوعدك نكون وفي معاك واتكوني انتي اول اولوياتي
موده :ربي يكتبلنا الخير يارب ، باهي وشن اخرى
مصطفى :مانيش حاكيلك شن انحب وشن نكره ، نبيك انتي تعرفيني مع للايام
موده :انشالله ربي يقدرني ونعيشو مع بعضنا العمر كله ،
مصطفى : ردي بالك ياموده حد يعرف بعلاقتنا ، نبي حبنا سر بيننا وانحافظو ع السر هضا لييين انجي ونتقدملك
موده :انشالله حبيبي
مصطفى :شنو شنو ؟
موده:شنو
مصطفى :عاوديها الي توا سمعتها
موده :حبيبي
مصطفى :حسني بيغمى عليا انا
موده:انا مستغربه من روحي كيف حبيتك بسهوله هكي ، كيف قدرت تقنعني اني انخاطر بكل شي ، كيف توا قاعده انكلم فيك وانا مطمنه ، كيف قتلك انحبك بلا تفكير
مصطفى :اسألي قلبك
موده:ههههههخ كيف نسأله
مصطفى :بحتى فيه واسأليه
موده :هههههههه هبله تحسابني
مصطفى:خزي مغوليه
موده:زيك بالضبط
مصطفى :ها بتمشي للمدرسه الاحد
موده:اها ان شاءالله ، خلاص هالسمستر وتكمل سنه ثانيه
مصطفى :بعدها شهاده ، نبيك شاطره وترفعي راسي
موده:حاضر
مصطفى :سلمها الي تقول حاضر
موده:وسلمك يارب
مصطفى :خلاص حبيبي توا عدي ارقدي وسكري النت بيش يكرا اتنوضي اتوتي روحك للمدرسه ، وانا عندي محل بكرا
موده:باهي وانت بترقد
مصطفى :اها توا حنديرلك ايميل ونرقد ، بكرا نعطيه لك
موده :اوكي ، تصبح ع خير
مصطفى :ماتبيش اتقولي حاجه
موده :انحبك
مصطفى:انحبك ياقلبي ، ارقدي اها
موده :حاضر حبيبي
