عند محمود في المحل
محمود:أيوا يافتحي ، قتلك قول للي جاي لريهام يجيني ف المحل
فتحي:باهي ياحاج ، هما اليوم بيجن الصبايا ،وبكره توا يجيك
محمود:باهي ع بركة الله
فتحي:باهي الرجاله لمن يجو
محمود :امتى بيجو الرجاله
فتحي:والله ماني عارف بس كان سألوني وين نقوللهم يجو
محمود:خليهم يجوني الخميس في مربوعة حوشي
فتحي:معلش بس اين حوش فيهم
محمود:حوش انتصار
فتحي:بإذن الله
محمود:وقول لريهام كان تبي باتك يزوجك ويطلعك مرفوعة الراس تجي تقعدي انتي واختك في حوشكم معززه مكرمه ماينقصكش حتى كاشيك من بتاتك وكيفك كيف خواتك ،وكان عاندت راسها وتبي امها خليها عند امها بس ماتحلمش بشي مني غير اني نوافق ع زيزتها بس
فتحي:حاضر ياحاج
محمود:خلاص خلي الصبايا يجو لأمها والرجاله يجو لحوشي ، والشاب خليه يجيني ف المحل بكره
فتحي بإذن الله
محمود:هي السلام عليكم
فتحي:ياحاج بنقولك ع موضوع خايفك تحمق
محمود:خير انشالله
فتحي:انتصار تبي المؤخر متاعها
محمود:مؤخرها وذهبها وحاجتها كلهن يجنهامن غير ماتقول
فتحي:بارك الله فيك ياحاج
محمود:السلام عليكم
سكر محمود ولها ف المحل متاعه
ف الوقت هضا كانو مروان وأصحابه يتغدو، وطبعا مروان فرح بكل بعد عرف الي صار في انتصار وريهام وسلوى ، وطلع هو بريء من قصة الذهب
مصطفى:باتك ف المحل انت
مروان:اها عليش
مصطفى:بنمشيله
مروان:نتغدو ونمشوله ، بلكي يغير رآه ع موضوع خطبتي هضا
سعيد:فهمني انت ماتبيش البنت ولا ماتبيش تزوج اصلا
مروان:الاثنين ، مانبيش البنت لأنها هلها يسكنو بعيد وكل شويه شيلني لهلي وشحوره ومزاط ، ومانبيش الزيزه لأني مزلت بنعيش حياتي
سعيد:اهو مصطفى بيخطب اختك ، وانت بتخطب البنت هذي شن سماها ربي ، وانا توا اندورلي ع شي بنت نخطبها
مروان:خوذ ريماس اختي
سعيد:تدوي جد انت
مروان:امها معش تبيها وقاعده بروحها
مصطفى:اهو مروان خطبلك اخته هههههه
مروان:عد الله خاطب لخويا نضرب عصفورين بحجر
سعيد:كم عمرها اختك هذي
مروان:14
سعيد:صغيره ياراجل
مصطفى:وانت كم عمرك حتى انت مش كبير واجد را
سعيد:خلاص اليوم ندوو لعمي محمود
مروان:باهي انتم ماعندكمش هل تشاوروهم
مصطفى:تي وين بيلقو نسب كيفكم
مروان:احم ، الله يعزك
سعيد:باهي وريماس اختك توافق
مروان:شن عندها خاطي الحوش ، حتى قرايه باتي مبطلهن ، وحياتها تدمرت في نظرها
سعيد:صبي نمشو توا
مصطفى:وسع بالك الزح ، تي ماصدقت
سعيد:هيا بس
مصطفى:باهي ارجى نغسل يدي
سعيد:اغسلو ايديكم علي ماطلعت سخنت السياره
مروان:ارجى انغير التوته
خش مروان يغير دبشه ، وسعيد طلع متحمس ولع السياره ويهيء في نفسخ كسف يدوي لمحمود ، وفي نفس الوقت تحمس اكثر بيش بزواجه من ريماس يقهر ريهام ، اما مصطفى فخش يغسل يده ويواسي الجل وطلع
مروان:امي ماشي انا
نجيه:وين ماشي
مروان:ماتخافيش مانيش هارب بنمشي لباتي في المحل
نجيه:اقتنعت امالا
مروان:اصحابي سهفوني ع الزيزه حتى هما بيخطبو
موده اول ماسمعت هكي حست كأن موس في قلبها
نجيه:ماشالله ربي يفرحني بيكم يارب
صبت موده دارت روحها مش معدله بس كلمة مروان مزالت تلف في عقلها ، خشت لدارها عزقت التليفون وتمت تبكي وتدوي لروحها
موده:معقوله خلاص حبي له عدا ، هو رد لملاك اكيده هي الي حيخطبها ، ااااه ياربي شن ندير بس ، مزلت نحبه مزلت نبيه ، وهو خلاص حيعدي منس حيزوج ويعيش حياته ويسيييني نتعذب ، يناعلي يابوفا شن درتلك بس بيش اتدسر فيا هكي اااااه ياامي
حطت راسها ع المخده وتمت تيكي لين رقدت
ف الوقت هضا طلعو مروان واصحابه عدو شور محل باته لقو منعم غادي
منعم:ماشالله ماشالله الحمدلله ع سلامتكم
مروان:رايفت عليك الزح
منعم:شنجك ياحقير وين وين هكي تمعيل بينا
مروان:اهو جيت للطريق وباتك بيخطبلي
منعم:حكالي وحق ربي استحليتها فيك ههههه تستاهلها
مصطفى:وانت امتى نازي
منعن:لامزال لين ناخدو هالشهاده بعدها ساهل
محمود:اهلا انستو
مروان:باتي هضوما يبوك
سعيد:تي اسكت ياراجل بالشويه
مروان:وين الي متحمس توا القطوس كلا لسانك
محمود:قعمزو تعالو ، خير انشالله
منعم:شن في كنكم متخزرطين هكي
مروان:بتدوو ولا شنو
مصطفى قعد يمسح ف العرق من ع وجه ووسعيد مستك ومتنح
مروان:من لاخير ،مصطفى يبي يطلب موده وسعيد بيطلب ريماس شن قلت
محمود:ههههه كيف اليوم يوم الخطاب ولا شنو
منعم:ههههه مانسحابش مصطفى وسعيد يتحشمو هكي
مروان:شوف شوف كيف مستكين ههههه
محمود:خلاص بطل انت وياه
مروان:بس عليش يوك الخطاب ياباتي
محمود:انت بكره بنخطبلك ، وامبدري فتحي كلمني قالي ولد خالة ريهام طلبها ، وتوا مصطفى وسعيد
منعم:ريهام امتى طلبوها
محمود:اليوم بيجو الصبايا والخميس الرجاله بيجو في حوش نجيه ،قتله كانهي تبي عرس مقيوم وتطلع مش ناقصها شي تجي تقعد هي واختها في حوش امها ، وكان هضا ماتحلمش مني بشي
منعم:احسن شي درته
محمود:نردو لموضوع سعيد ومصطفى ، كيف
مصطفى:انا ياعمي مزلت بنصين شقتي في عمارة هلي ،بس نبي نخطب توا وخلال سنه نكون واتي وانطلع الفرح ، مزلت ماقلتش لهلي ، انا نبي بنتك موده وقلت نشاورك قبل، وكان ع الشغل عندي المحل انا وسعيد ملكنا وباذن الله ناويين نكبروه والحمدلله يجيبلنا في قريشات كويسات
محمود:وانت ياسعيد
سعيد:نا من زمان خاطري اناسبك ودويت لمروان قالي ع ريماس وحتى نا عندي قطعة وطا وبنبني فيها بالكثير سنه ونكون واتي
محمود:بس ريماس صغيره
منعم:لا ماهيش صغيره ياباتي بعد العقل الي شفته منها في قصة امها ماهيش صغيره
محمود: والله ماعندي مانقول فيكم عشرة عمر معاكك ومع هلكم ، بس عطوني يوم انشاور الحوش ونرد عليكم
مصطفى:انشالله يصير خير
محمود:باذن الله ماهناك الا الخير
وقتها كانت فرحة مصطفى ماحد يقدر يوصفها ، ومروان تحمس للزيزه اكثر بعد اصحابه طلعو رجاله معاه ، وخطبو خواته ، اما سعيد فكاين مستك من الخطوه الي دارها ، بس جا في عقله شي ماخطرش ع بال حد ان سعيد الطيب ممكن يفكر في هكي بكل ، وهي احسن طريقه بيش ينتقم بيها من ريهام الي ماتبش تطلع من باله بكل
في حوش نجيه
كلثوم:اسوا يانجيه
نجيه:مرحب
كلثوم:قتلك حاتم بيشيلني انا وريما لتهاني عند هلها تمشي
نجيه:باهي سألتي الحاج
كلثوم:اها قالي ياريت امشولها
نجيه:خلاص انصلي العصر وانجي ، قتلك خلي البنات ايجن هنا ايونسن موده وميسون
كلثوم:خلاص توا نقوللهن ، وهيا وتي روحك
نجيه:هي توا نعدي توا نوتى بالسلامه
سكرت نجيه
ميسون:طالعه
نجيه:اها بنمشو لتهاني
ميسون:مرايفه ع هلي هما معش فضو يجوني
نجيه:امشيلهم بكره الصبح وروحي قبل المغرب
ميسون:توا انكلم واحد من خوتي يجوني بكره
نجيه:يشيلك حتى عمك الصبح وهو ماشي للمحل
ميسون:ياريت
نجيه:توا ندويله بعدين
ميسون:باهي الله يربحك
نجيه:موده راقده
ميسون:اها هي والعيال راقدين
نجيه:بنخش انصلي العصر ، نلبس ونمشي لكلثوم
خشت نجيه لبست وعدت لكلثوم ، وميسون صلت وخشت دارت كيكه ، موده ناضت متنكده قعمزت ع التليفزيون وماعندهش نيه تدوي لحد
شويه وجن خواتها تمن يواسن فيها ويهدن فيها وهي مسكره راسها ان مصطفى بيزوج ملاك وفي عينها الدين ادمرت وظلمت
ساعه ورا ساعه لين صلاة العشاء روحو كلهم ع حوش نجيه
خشن ميسون وريما للمطبخ يديرو عشا وخشو حاتم ومنعم ومروان قعمزو معاهم
محمود:ماشالله لنا زمان ع هاللمه
كلثوم:ربي يدومها انشالله بحسك
محمود:وفي مناسبات ماشالله سمحه اليوم
نجيه:فرحنا معاك خير انشالله
محمود:اليوم سعيد ومصطفى جوني طلبو مني موده وريماس
وقت موده سمعت باتها كان خاطرها تطسر من الفرحه تضبطهم كلهم تمت تفنض مش مستوعبه الي سمعاته نست الي مقعمزسن احداها كلهم وصبت تجري عدت لدارها
محمود:كنها هذي
نجيه:تحشمت شكلها
محمود:وين ريماس
كلثوم:قاعده مع الكناني في المطبخ وهي ورنده
منعم:وحتى ريهام جايها ولد خالتها
كلثوم:اها سمعنا بيها ريهام ، ربي يتمملنا ع خير يارب
مروان:احم وبكره بيمشو يخطبولي في طبرق
محمود:اها خطرها من بيمشي
نجبه:نا وكلثوم وريما ووجدان وكلمت مرام قالتلي بنمشي لكن منى قالتلي عندها مستشفى
حاتم:بس ريما مش كويس عليها الطريق
كلثوم:قالت خاطري نمشي
عند موده ف الدار
تمت موده من فرحتها لين تبكي ،مستكت فونها رنت ع مصطفى
واول مافتح الخط تمت تهر وتبكي
مصطفى:تي انحبك ياحيوانه انا انحبك ،مستحيل انسيبك ، كل مانفكر اني جرحتك انموت ننجن ياموده ،سامحيني ياقلبي
موده:خزي عليك والله وجهتلي قلبي
مصطفى:والله مانستاهل دموعك ياحبي انتي ، هزبيني عيطي ديري الي تبيه
موده:انحبك 😢
مصطفى:انحبك ياخطيبتي وحبيبتي وعمري كله ....
