وجدان:حي علينا كنه
ريماس:قال مسيبات الحوسه وقاعدات غادي
رنده:ورانا ورانا الشقا ودراه الكبد صبن نحنا مش وجه راحة اصلا
موده:يامصطفى ياحيوان امتى تاخدني من العيله النكد هذي
وجدان:صبي صبي خلي احلامك بعدين ، هيأن أرواحكن لاستقبال الهزايب
موده:امشن قدامي الصبر ياربي
مشن البنات للشاليه
محمود:بلكي انجيلبولكن الغدا لعندكن ، كنهن هذينا يخدمن عندكن
موده:ياباتي طول عمرنا انعانو ونخدمو وماندووش شن فيها لو ريخنا راسنا يوم
محمود:تعالي اضربي خير
نجيه فنصت في موده
محمود:شكلكن بتنكدن ع ارواحكن انتن
وجدان:حاضر ياباتي توا انضمو
محمود:بسرعه بنمشي شويه للبحر وانجي نلقى الدنيا ملمومه ولانقلبه يوم أسود ع روسكن
طلع محمود
موده:هو اصلا امتى ماقعدش يومنا اسود حياتنا سوده من يوم ماجينا لهل العيله
رنده:البنات يقعمزن ع الشط ويليطن الواقي والكريمات ونحنا نليطو الغنج والدهانات حسبي الله وخلاص
كلثوم:اتحسبني ع من يابهيمه
وجدان:توا نحنا جايسن نغيرو جو مش نغيرو مكان الضم والحوسه
نجيه:لمن وانتن ساكتات ، موده خشي كدي الحمام كده سمحه
موده:ورايا ورايا نا الحمامات الهم الأسود
نجيه:را نجيك
موده:يااااارب والباقي انت عالمه
نجيه:ياخذك ويفكني من لسانك
وجدان:عليش تسهوكي انتي
ريما:ههههههههههه شي
رنده:راك تشرقي من الضحك بس 😠
ريما:خلاص والله خلاص سكتت😂😂
موده:امي
نجيه:ها
موده:وين الصابون وليفه
نجيه:ف الصندوق هض
نجيه وكلثوم يوتن ف الغذا ، ورنده تغسل ف الماعين ، ووجدان تكنس في الشاليه ،وريما تضم في الحاجتن والدبش مكانه ، وريماس تلم ف الحوسه مع وجدان
مروان:امممي
وجدان:ياحيوااان مكنسه
مروان:شاليه هضا مش حوشنا وعليش حيوان
وجدان:ماهو مش تاعب ف التكنيس خزي كرعيك رمله والله ماني مكنسه اخرى باهي
ريماس:هاتي انكنس انا
مروان:تعالن حقن باتي يعوم من جده مزال عنده لياقه
رنده:يهزبنا نحنا ع الضم وهو يعدي يعوم ، ياربي ليش ماخليتنيش راجل بس
مروان: ههههههههههههههههه حي ع امه خخخخخخخ تخيلن رنده راجل
كلثوم:هههههه استغفري ربك ياحيوانه
موده:هههههههههههه وحق ربي ضحكتيني تخيلت منظرك راجل ههههههه ووووه
رنده:توا نا حامقه وهما يسهوكو خزي
مروان:ههههههه نسيت ع شن جاي ،اها نبي دبش لأمجد
نجيه:خليه يعوم بعدها ع الغذا نغيرله بالمره
مروان:تي العيل صقعان بكل
نجيه:ياريما
ريما:نعم ياخويله
نجيه:دبش امجد وين حطيتيه
ريما:كنه يبي دبش ؟
مروان:اها
ريما:هي توا انجيبلك
موده بحتت من الروشن لقت باتها يعوم مع الشباب ومنظرهم يهبل
موده:نطلع نصور ونجي
مروان:تصوري عينك تعالي هن
موده:كان خليتونا ف الحوش وخلاص ، شنو الهم هضا
مروان:ماحلالك تصوري الا بره
موده:ياراس التبن مانبيش نصور انا بنصورهم هما مروان:امشي صوري وسكري فمك، ارجي ناخد الدبش ونعدي حتطلع شينه الصوره
موده:وعليش شن قالولك مانعرفش انصور
مروان:لا ياغبيه اي صوره انا مش فيها شينه
موده:نضحك ولا شنو مثلا 😒
مروان:هيا ياريما
ريما:هاك هو
كلثوم:دانا ودنيا وين
مروان:بانيات قلعه بالرمله ودايرات جو أميرات دزني بره
نجيه:باهي عدي شيل الدبش وغير لخوك راه يمرض
مروان:تعالي صوريني بتليفونك انتي بعدين دزيهن ليا ع النت تليفوني طافي شحن
موده:اسمالله ع عزيزه الي فايتها بكل
مروان:مششورك انتي
موده:اطلع باهي انصورك رست هالجمال الي انصوره
مروان:صوري وانتي ساكته
قعدت موده تصور في مروان ومره مره تصور مصطفى وعيونها قلوب ع منظره وهو يعوم وابتساماته ونظراته الي يعزق فيهن من تحت لتحت حتى وهو بعيد عليها شويه بس اتحق فيه وعينها عليه ومدايره روحها تصور في مروان
حامد:موده
موده:نعم
حامد:رنده وين
موده:ههههههه حايسه ف الماعين راقيلها بكل
حامد:احسن تستاهلها تعرف النكد ع اصله
موده:وسع بالك عليها ، مروان تعال صبي معاه انصوركم
منعم:وانا انا بنصور ، تعال ياسليمان
موده:صبو هي ، تعال جودي صبي معاهم ، واحد اثنين ثلاثه
مروان:جبننننه 😁😂
موده:عليك حناطه ياربي 😒هيا سيلفي
صبت موده وهما صبو وراها بعيد شويه بس بانو ف الصوره وجت صوره تهبل
موده:بنصور باتي
مروان:هاتي انصوره لكي
موده:لا يدك مبلوله اتبللي التليفون
منعم: ديري زوم وصوريه من هنا
موده:توا انصوره بعدين
حاتم:جعت
موده:باسم الاه توا كيف فطرنا
حاتم:ماكليتش كويس
موده:خش خلي مرتك اتوكلك ، بحت بحت هنا
حاتم:تعالي صوريني نا وريما
موده:هي ، وووه الرمله ساخنه
حاتم:امشي بطلي بروع
موده:دانا دنيا بحتن هنا
حاتم:واتيات مدن فمهن طول
موده:امالا شنو لزوم التصوير هههههه
