رواية (#عائلتي_ولكن)
"24&25"
نجيه:😳تردها
محمود:اها لعند امتى البنات يبقن هكي بلا امهن
كلثوم:والله ياحاج كاا ان نمشولها كيف المره الي فاتت هذي معلش يعني ماتعبش عليها
محمود:انا الي نقول تمشن ولا ماتمشنش
كلثوم:كان يرضيك تهين كرامتنا خلينا نمشولها
محمود:انا جاي انقوللكن بيش يبقى عندكن العلم بس
نجيه:والله هذي ام بناتك وانت حر
محمود:انشالله خير ، وجدان ها وين القهوه
وجدان:هيا ياباتي
رنده:باتي النوتيلا كملت
محمود:مامسنك الا هالشوكلاطه الي ترصي فيها ارحمي نفسك شويه
رنده:😒😒حاضر
وجدان:هيا تفضلو
محمود:لا مانبيش بشكوط قهوه بس
ريهام:باتي خاطرنا نمش لأمي
محمود:بنمشي انردها بكرا
ريهام:الله والله صح ماما حترد
محمود:انشاءالله
موده انصدمت تمت تبحت في رنده ووجدان ومش مستوعبه
نجيه:موده هيا
كلثوم:خليك
نجيه:لا بنروح وبكرا انجيك الصبح نبدو في حاجة العرس وقت را
كلثوم:اها توا بكرا انكلم العيله يجو العشيه بيش نبدو نجيه:خلاص البناويت يقعمزن ع الخلوط وحاجة الطاولات ، ونحنا انقو الرز بكرا
كلثوم:انشاءالله
محمود:انا بنمشي لتهاني اليوم عندها جلسه
كلثوم:انشالله خير، رنده خودي من باتك الفنجان
محمود:هيا السلام عليكم توا
كلثوم:مع السلامه
نجيه:هيا موده
موده:ارجي ناخذ الدبش
في الدار...
وجدان:امسكي خودي معاك دبشنا ، توا هنا يتبهدل مع الحوسه في الدولاب
موده:هاتي ، وعطيني فوني نبي النت
وجدان:لالا افتحي من لللاب ولا الاي باد
موده:تي والله ماني مكلمته غير عطيني
وجدان:والله مانك واخذتيه حلي
موده:ياريتني ماعطيته لكي
وجدان:خوذي الدبش وانتلفي
رنده:افطني الشكاره راهي تنقطع
موده:من قفطانك الثقيل
رنده:خزي تافهه
موده:هيا وجك انتي وياها
وجدان:ارجي ، حقيتن الحربه هذي لعبت في راس باتي اهو بيردها
موده:احسن بيش اتلم فرخاتها عندها
رنده:تي هن اول ماقاللهن باتي عدن يجرن للدار
وجدان:اكيد تبدا الاستخبارات تشتغل عند امهن
موده:يستر الله
وجدان:ييييه حاتم صوته جا افطني توا وجدااان ديري عشا لخوك
كلثوم:وجدااان
وجدان:ها مش قلتلك
موده:باهي انا مرايفه ع بوفا
رنده:خليك قويه
وجدان:ايوا ، خليه هو الي يجيك
موده:نضحك ونساير ونبصر ، والخاطر من جوا متكسر
رنده:انعم انعم
موده:وحق ربي خاطري نحكي معاه
رنده:معقوله ماليكمش واجد وكبدتي عليه هكي
موده:ع قد ماكبدت ع قد مانصدمت
وجدان:ييييه بدينا في الدموع
قعمزت موده ع السرير عزقت الشكاير وتمت تبكي
رنده:ييييه مش كنتي تمام توا
موده:بنات انا تعبانه بدونه وحق ربي ، فقدت الثقه فيه كسرني بس انحبه والله نبيه بس وجعلي قلبي ، تخيلن انتن لما واحد يخش حياتك فجأه وتحبيه بجنون، تحبيه بكل وتثقي فيه، تحسابيه يستحق الثقه هذي طول عمره ، تحسابيه قد الثقه ومايكذبش ومايدسش عليك شي ، وبعد هضا كله فجأه تكتشف شي يحرقلك روحك ، والله ماعاد عندي نيه حتى في الدنيا ، اكثر شخص محتاجته هو الي دمرني للأسف
رنده:يناعلي حنبكي وحق ربي ، خلاص بكيتك وااعره الزح
وجدان:شن قتلك انا ، مش قتلك عارفه توا بيش تحسي لأني مجربته بس صدقيني حتردو وحتمشي ، وهذي اول مشكله الله غالب نصيب ، بس زي ماتعاقبيه رد بالك اتخلي شي يفرقكم بكل
موده:خايفه انردله نندم ، خايفه ننجرح منه مره اخرى بعدها معش نقدر انسامحه في اخطاء اخرى
رنده:هو حاول يرن عليك
موده:ماهو تليفوني مقفل قاعد عند وجدان ، والنت معش فتحته ، اليوم بنفتحه
رنده:امالا الرقم الي امبدري وين سجلتيه
موده:تليفون امي ياهمي
رنده :حي ع جدتك را تفطنله وراك اتؤني عليه متها
موده:مش غبيه انا
رنده:نحسابك
وجدان:رن 40مره
موده😳😳😳40
وجدان:اها فونك فتحته بيش يتعذب اكثر
موده:حبيبي والله وجعني بس احسن يستاهل
نجيه:موده هضا كله تاخدي في الشكاير
رنده:امسحي دموعك واطلعي
وجدان:حي عليا حتى نا امي نادت وفتتها بكل
موده:خلاص توا سلام ، بكرا الصبح انجيكن
رنده:راك تنسي الرقم
موده:لا مش حننساه
وجدان:رقم شنو
رنده:اسكتي توا را امي تسمعك
