طلع محمود عدا لحوش تهاني
امجد :بابا جاااا
تهاني :مرحبتين حبيبي كيف حالك
محمود :مرحب ، وين البنات
تهاني :في دارهن يوتن في دبش المدارس
محمود :باهي ديريلي كباية شاهي علي ماغيرت ادبشي
تهاني :حاضر هي
خشت تهاني دارتله شاهي وجت قعمزت حداه
تهاني :محمود امتى بترد انتصار
محمود :خليها عند هلها ، عليش تسألي عليها انتي
تهاني :واجعاتني بناتها ياحاج والله
محمود :ماحد قاللها اتطول لسانها
محمود:باهي انت عارفها انتصار تدوي بلا ماتندري ، ردها عشان البنات
محمود :خليها اتربى
تهاني :عشان خاطري وخاطر البنات
محمود:الضراير يفرحن لما وحده تحرج مش يحايلن ع الراجل بيش ايردها
تهاني:نحنا كيف الخوات
محمود:باهي عشانك حنردها
تهاني:سلم شانك ياربي ، انعدو اليوم انا ونجيه وكلثوم انردوها
محمود:باهي كلميهن ونشيلكن
تهاني :توا نمشي بسيارتي
محمود:لا توا انشيلكن
تهاني :باهي الي تبيه
محمود:صبي اشقيلنا بالغدا ، بيش بنطلع للمينا جايتني بضاعه ، ونجي من المينا نلقاكن واتيات
تهاني:باهي حاضر
صبت تهاني للمطبخ ،ومحمود يتفرج ع التليفزيون والبنات في دارهن وامجد يلعب
عند هل موده
نجيه :موده
موده :نعم ياامي
نجيه:عدي شوفيلي عند كلثوم طشية كسبر يابس ، نسيت نوصي مروان
موده :قولي لمروان يمشي
نجيه :عدي يامنجوهه
موده : حاضر ياامي
لبست موده وعدت لحوش كلثوم فتحلها منعم
منعم :اهلا طشه
موده:خير شنجوك
منعم :تمام ، خشي تعالي
موده :وين خواتي
منعم :جوا
موده : السلام عليكم
وجدان :هلا هلا شنجوك
موده :تمام شنجوك انتي
وجدان :تمام دراه كبد
موده :كنك
وجدان :كيف تاكينها توا مع ريهام وريماس
موده :هههههه ياحرام
كلثوم :موده ! امتى جيتي
موده :توا ، قالتلك امي كان عندك كسبر يابس عطيني
كلثوم :شن غداكم
موده :والله مانندري
رنده :خير حيوانه
موده :هلا
رنده :امي هاكي تهاني تبيك
كلثوم :ايوا
تهاني:كيف حالكم
كلثوم :الحمدلله ، انتو شن دايرين
تهاني:الحمدلله بخير ، قتلك اليوم نمشو لانتصار انردوها
كلثوم :الحاج قالك
تهاني :اها توا دويتله
كلثوم :باهي خلاص توا نقول لريهام وريماس يوتن ويمشن معانا
تهاني:البنات بيقعدن ف الحوش
كلثوم:اها اكيده
تهاني:خلاص انخلي معاهن البنات وامجد
كلثوم:باهي خلاص نوتو بعد الغدا وانجوك نطلعو
تهاني:خلاص باهي ، مع السلامه توا
كلثوم:بالسلامه
وجدان :كنها
كلثوم:بيمشو ايردو انتصار
رنده :اللهم لك الحمد والشكر يارب
كلثوم:اسكتي تحشمي ع وجك يسمعنك خواتك
موده:تي امي توا تشنقني عندكم كسبر ولا لا
كلثوم:هيا توا انجيبلك
عدت كلثوم للمطبخ
رنده :انتي شن صار مع مصطفى
موده:ياناعلي حبيبي يؤبرني وخلاص
وجدان :اوووووو طحنا شكلنا
موده :قالك ، بكل وحق ربي
رنده :قصدك خلاص بديتو علاقه
موده:اها 😍
رنده :اسمالله عليا انعيش وانموت سنقل
وجدان :توا اتكبدي حتى انتي
رنده :مع حور العين انشاءالله
موده :استغفري ربك ، هيا ياعمتي
ريماس:موده
موده:نعم
ريماس:شنجوك
موده :😏الحمدلله
ريهام: موده تعالي نبيك شويه
موده :تعالي انتي
ريهام :لا نبيك بروحك
رنده :عدي ياموده بلكي بتقولك ع رقم السري متاع حساب الشركات متاعها
ريهام:ماحد جا شورك انتي باهي بطلي تشفيط
رنده:انشفط وقت مانحب
ريهام:انبحي كيف الكلبه
رنده:اطلقوني عليها انقعمز عليها انسفطها العنز هذي
وجدان مسكت رنده:فكينا من الهرجه تحملي اليوم بيروحن
ريهام:موده بتجي ولالا
موده:تبيني تجيني مش اتضبحي عليا من الدار ، سيبي الفراش شويه را الخمج يولف عليك
ريماس:وينك ياامي بس
رنده:وهن الي مش عاجبهن اخرى ، تي حولي اطلقيني عليها البهيمه هذي
حاتم:كنكن انتن شن الهرجه هذي
ريماس:هذي رنده لسانها اطول منها
رنده:لا قالتها الهاديه المسكينه
وجدان :خلاص را ينفصل حاتم عليك
موده:انا شن جابني خليني انروح
ريهام :ارجي ياموده نطلع معاك بنسألك ع حاجه
رنده:ريت هالسر الي بيحرر فلسطين مرض انشالله
كلثوم:رنده خلاص اسكتي ، ريماس وتن ارواحكن بعد الغدا بنمشو لامك
ريماس:واخيرا الحمدلله
وجدان:اسمالله وخلاص
طلعت موده وهي تضحك عليهن وطلعت وراها ريهام
ريهام :موده موده
موده:ها كنك
ريهام اسمعي بنسألك معش جوكم اصحاب مروان
موده:ريهام ع شن ترسمي انتي
ريهام:شي كنك انتي
موده:تحسابيني انمص في صوابعي ولا هبله ، اصحاب مروان خاطيهم تمام ، را يفطنلك مروان يشردك
ريهام:باهي انتي فهمتيني غلط را
موده:لا انا فاهمتك صح وانتي عارفه هكي كويس ، سلام توا
