ثاني يوم
نجيه:هيا يابنات نوضن
موده:ياامي صيام شن ينوض فينا من توا
محمود:تبو حاجه رني باهي
نجيه:مربوحه ، توا كان نبو حاجه انقول للشباب
محمود:نوضيه هضا خليه يجيني في المحل
نجيه:حاضر ان شاءالله
محمود:هي السلام عليكم
طلع محمود عدا للمحل وخشت نجيه ولعت التليفزيون وحطت ع cbcسفره وقعمزت
ناضت ميسون:عمتي كنك معليه هكي
نجيه:اسكتي بس خليني انشوف كيف دارتها
موده:صباح الخير ، بدا الصيام وبدت امي اتحشش ع قنوات الأكل
نجيه:تحشمي ع وجك
موده:باتي طلع
نجيه:اها توا طلع ، نوضي خواتك
موده:امي الساعه1را مزال بدري
نجيه:خايفه حد يجينا ع الفطور مش بعيد اليوم يلتمو
ميسون:اشين صيام في حياتي
نجيه:اي ولله قبل كل سنه يخش عليا جايب شكاير ويضحك يقولي نبي شربتك ياامي ماحد يدير الشربه الا امي 😢
موده:رمضانه احلى منا انشالله
ميسون:امين يارب 😭
موده:هضا ناض غريبه
ميسون:صح النوم
محمود:حليب
ميسون:غير قول صباح الخير بس عيب ياماما هكي
محمود:صباح الخير
نجيه:تعال حبيبي عطيني احبيبه
خشت موده للحمام وميسون تدير فطور لمحمود ونجيه ع التليفزيون
طلعت موده من الحمام خشت صلت ومسكت المصحف قعدت تقرا ، خطر عليها مؤيد وكيف كل سنه كان معبي حسه الحوش والصيام هضا يبكو ع فراقه
كيف السنه الي قبلها عيلتهم مش ناقصها حد والسنه هذي مطرطشين ، بكت بس قعدت تقرا وتدعي لين قريب الساعه 2ونص ناضن خواتها
نجيه:من بتخش معايا ع الفطور
وجدان:كنها امي لعند توا ماجتش
نجيه:توا جايه
ميسون :خلاص خلينا نبدو ف الفطور علي ماجت
رنده:مننن
ريما:افتحي
رنده:مراحب كل سنه وانتي طيبه
حاتم:السلام عليكم كل عام وانتم بخير
رنده:خشو ، ميسون لابسه محرمتك
ميسون:اها
رنده:خسو تعالو
ريما:كل عام وانتم بخير ، انشالله بطولة عمرك ياخويله نجيه:سلمك انشالله العام الجاي عبالكم معاكم
حاتم:اسمعو محشش ع القطايف كثرو منهن
نجيه:حاضر ،سلمكم جيابين انشالله بسلامتكم
حاتم:خلاص نا طالع تبو حاجه رنو
ريما:تمام ، سلام
طلع حاتم وريما حولت عبايتها وخشت معاهن للمطبخ ، اما البنات فصلن وبرمن ع الحوش وقعمزن ع التليفزيون
نجيه:تعالي ياوجدان انتي كنافتك سمحه ديريلنا طاجينين لليل
وجدان؛حاضر هي
رنده:ونا شن اندير
ريما:هكي احشي القطايف انتي وريماس
نجيه:ياموده نوضي خوك يمشي لباتك خير ماينفصل عليه
موده:انا الي حينفصل عليا مروان كان نوضته
نجيه:نوضيه بالشويه بس
موده :حاضر
خشت موده ع مروان
موده:مروان مروان نوض باتي يبيك
مروان:قولوله صايم
موده:ههههههه المسلمين كلهم صايمين را مش انت بس
مروان:خطيني الزح ماتخلينيش نفطر عليك
موده:واااو تحق فيا تمره ، صبي را باتي ينفصل عليك مروان:خلاص ماتسكنيش توا انصبي
موده:تعال يامحمود نوض عمك
محمود ماصدق جا يجري سكن لمروان لين خلاه ينوض
مروان طلع من الدار شايل محمود :احم صباح الخير ، كل عام وانتم بخير
كلهن:وانت بخير
نجيه:يالله العام الجاي معاك مرتك
مروان:رمضانك مبارك ياامي 😒
نجيه:امشي لباتك يبيك
مروان:لقيته ران عليا
نجبه:خلاص امشيله را يحشش عليك
خش مروان للحمام ، والباقيات كل وحده حايسه في حاجه
ميسون:عمي يرن ياعمتي
نجيه:تلقيه بيهزب ، ابوا ياحاج
محمود:مروان ناض ولالا
نجيه:اها ناض توا
محمود:نرن عليه مايردش ، خليه قبل مايجيني يمشي لخواته وامجد يجيبهم عندكم
نجيه:حاضر تبي حاجه اخرى
محمود:لا سلامتك
مروان خش للكوجينه:باتي هضا
نجيه:اها قالك امشي لخواتك وامجد جيبهم هنا
مروان:عليك قصه ، باهي انصلي وطالع
لهت كل وحده في حاجه وصلى مروان وغير دبشه وطلع عدا لخواته وامجد بياخدهم
طلعتله تهاني ف سقيفة حوش هلها
تهاني:خير يامروان كيف حالك
مروان:مرررحب وييين وييين والله رايفنا عليك
تهاني:سلمك كيف حال هلك شن دايرين
مروان:والله ماشي الحال الحمدلله
تهاني:قولل لامك سامحيني والله بنجي بس مش قادره نطلع
مروان:باهي تعالي اليوم غيري جو معانا ملتمين كلهم تهاني:والله تعبانه وخايفه نطيح ولا حاجه انبحوسكم معايا بإذن الله شي يوم انجي نفطر معاكم
مروان:باهي براحتك ، هيا بنات
امجد:نا نركب قدام را
تهاني:فكوني من الشيطانه كيف ماوصيتكم
دانه:حاضر ، باي
دنيا:ارجوني نلبس كندرتي
مروان:ماتخافيش مانيش ماشي ومسيبك
طلع مروان شال خواته للحوش وخدا امجد ومحمود ولد مؤيد وعدو لأصحابه في المحل
مثطغى:اوزو جايب معاك الشباب
مروان:مكيدين جبتهم معايا
سعيد:اكيد ملتمين اليوم
مروان:اها والله الحوش معبي ، تعالو افطرو معانا اليوم
مصطفى:لا بيش امي تشنقني ، اليوم وبكره ممنوع الفطور برا
مروان:شن معني
مصطفى:اليوم ملتمين خوتي ، وبكره خواتي
سعيد:ربي يدوم اللمه ، خطرها قتلك قول لهلك الخميس هلي بيطوهم
مصطفى:واخيرا نويت الزح
سعيد:لا خلاص صمطتها
مروان:مرحبتين بيكم ، راسي الزح بكل
مصطفى:من الدخان هضا
مروان:ترا اسكت
سعيد:مافيش اخبار ع خالد وهله
مروان:نحنا الي علينا درناه وخلاص فكونا من سيرتهم
، باتي يرن لنقني بنمشيله خايفه ينفصل عليا
مصطفى:عدي عدي
طلع مروان عدا لباته
مشى النهار وع المغرب التمو كلهم في الحوش
محمود:هيا وتن سفرة الفطور المغرب مزال دقايق
نجيه:واتي كل شي ياحاج
محمود:واتي جيبوه هنا ولا بنصبي نا نجيبه
موده وشوشت رنده:اهو بدا يحشش
رنده:تحمدي ربك توا بدا مش من بدري
محمود:صبن جيبن السفره مادات وجوهكن
وجدان:حاضر حاضر ياباتي
منعم:المغرب را
نجيه:هيا يابنات تعالن المغرب
حطت وجدان السفره وصبت نجيه عصير وحليب وقعمزو يفطرو ،شويه وصبا مروان طلع للجنان
مروان:دنيا
رريماس :دنيا مروان يضبحلك برا
دنيا:بنفطر انا ، ها يامروان
مروان:هنا تعالي ياخيتي الصغير العسل الي جمال الدنيا فيها
دنيا:مافيش داعي للكلام هضا قول شن تيي
مروان:ياحيوانه صدمتيني ، نبي منك حاجه
دنيا:ها جعانه وتوا يكملو القطايف
مروان:امشي جيبيلي سبسي من باتي
دنيا:وكنك ماتاخد بروحك
مروان: عيب
دنيا :وشن نقوله كان فطنلي ، انقوله نبي ندخن
مروان:بتجيبي ولالا
دنيا:وكنك ماشريت من بدري
مروان:معيلتي بأمي
دنيا:خلاص توا انخليه يصبي يصلي ونسرق سبسي
مروان:علي ماصليت المغرب
دنيا:كنك مامشيت للجامع
مروان:عليك احراجات ، توا نمشي بكره
دنيا: 😒
خش مروان لداره صلى المغرب وشويه وجابتله دنيا سبسي
مروان:وحق ربي منوره
دنيا:عارفه اصلا
مروان:صدقت روحها اقلبي وجك
نجيه:هيا يابنات صلن وتعالن نوتو الفطور ،
موده:هيا هي
صلو كلهم ووتو الفطور وقعمزو كلهم ، طبعا لازك من الدراما ع الفطور تذكرو مؤيد وقعدو يبكو بعدها كملو فطورهم ، وصبن البنات والكناين يضمن المطبخ والحوش ، ونجيه مقعمزه ع عدالة الشاهي ، ومعاهم حاتم ومنعم ومروان يهدرزو، وكلثوم توكل في محمد ولد مؤيد
كانن وجدان وموده ورنده وريما في المطبخ ، وميسون وريماس ودنيا ع الحوش ،ودانا تكنس في الجنان دايره روحها
وجدان:راجلي يرن هيا انكملو بسرعه
رنده:ارتزعي هن كملي معانا كلنا رجالتنا يرنو
ريما:حي حتر رنده عندها راجل
وجدان:هابا ياغافلين ليكم الله
رنده:اس انتي
ريما:قوليلي والله مانقول لحد
موده:ع اساس انك مش عارفه
ريما:لا والاه مانندري ، ماتقولنش حامد خويا
وجدان:نعم انه هو
رنده:باهي توا وبعدين
ريما:حي حيي صار طلعتي انتي الي مكبد عليها من العيله
موده:شفتي ههههه
ريما:نا ريته ف البحر حامق عليك ونقوله شن دخلك يقولي انتي مش فاهمه شي
رنده:تي نحبه وحق ربي خوك هضا بيكلبني
ريما:بس هو رايح مش عاجبني
رنده:حتى نا كل مانقوله كنك يقولي شي تعبان بس
ريما:حتى امي تشكيلي منه
وجدان:زرو عليه يمشي يعيان
ريما:علي ماقتله مايسمعش يقولي صاحب السكر كل ماله ف النازل
وجدان:مش شرط اهو باتي عنده السكر
موده:توا انجي
رنده:تعالي هن
موده:اشويه الزح
طلعت موده عدت لدارها
موده:ايوا حبيبي
مصطفى:صحه فطورك ياقلبي
موده:سلمك وفطورك ، شن جوك
مصطفى:الحمدلله تمام شنجوك انتي
موده:تمام الحمدلله رايفت عليك
مصطفى:حتى نا ياقلبي ، انحبك
موده:انموت فيك
مصطفى:قتلك بعدين هلي بيجوكم شويه
موده:صاح ، مرحبتين بيهم
مصطفى:قاللكم مروان ، سعيد بيدز هله الخميس
موده:صاااح الحيوان ماقالش
مصطفى:امبدري قاله قول لهلك
موده:بلكي قال لهلي وانا مانندريش ، حي صوت خواتي جن
مصطفى:باهي ياقلبي عدي شوفيهن ونا بنمشي نوتي روحي للتراويح
موده:اوكي حبيبي انحبك
مصطفى:انموت فيك
مرام:خير
موده:خير ياحنه ، وين منى مش قالت بتجي معاك
مرام:مدايره دراما مع ميسون برا
موده:طبعا انتي مافيش مشاعر بكل
مرام:خزي ماتحقيش في وجي من البكا
موده:خليني نطلع نقول لامي هل مصطفى جايين
مرام:اكيد جايبين كبيرتك
موده:هضا صيام مش عيد
مرام:في الي حنى ف الصيام يجيبو
موده:المهم خليني نطلع نقوللهم
طلعت موده سلمت ع منى وبناتها وقالتلهم ان عربها جايين وتفاجات بإن حتى عماد هله جايين
نجيه:ماتبوش تمشو للتروايهح انتم
حاتمذة٪& بنغير دبشي ونعدي ، باتي عدا
نجيه:اها طلع توا ، مروان مش ناوي تمشي
مروان:تالق ونغسان
كلثوم:حتى المغرب ماعديتو
نجيه:كان اصحابه جوه قالوله نطلعو تلقيه طالع يجري
مروان:الذنوب ذنوبي ماعليكم انتم
بنخش نرقد شويه ونوضوني
نجيه:صلي يامروان خيرلك را
مروان:مانيش فرخ ياامي توا انصلي
منعم:نا بنعظي للحوش نلبس ونعدي للجامع
حاتم:هي حتى نا نمشي معاك ، ريماا وين الدبش
ريما:هيا حاضر
ميسون:ولعو التليفزيون ع صلاة الحرم والله نتريح لما نسمعها ، نرجى في نص رمضان امتى بيش نمشي والله من فرحتي ماني عارفه نرقد
ريما:ماشالله عقبالنا ياربي
ميسون:امين يارب
منى:قالتلي امي باتي حجزلك اني وتهاني
ميسون:اها الحمدلله ربي يبارك فيه عمي ويجازيه خير
مرام'حي صوت سياره بحتن ترا من
رنده:عيت عمي
ريما:هلي
رنده:اها امالا مروه مثلا
ريماس:وكنها ماتجي مروه
رنده:معروفه مروه اول يوم عند هلها
ريما:اها صح كل سنه هك ، تجي تاني يوم لكل واحد طشه بعد الفطور
مرتم:مرات السنه اتجي ع سبا اول صيام ع مؤيد الله يرحمه
رنده:الله اعلم
ريماس:وين وجدان وموده
ريما:اول ماسمعن عربهن جايين خشن يفتلكن
مرام:هابا ياخيا
ريماس:بنصبي حتى نا نغير ادبشي
صبن الي هذي تغير دبشها والي اتشوف ف فروخها وطلعو منعم وحاتم ، ومروان خش رقد
ساعه ورا ساعه لين بعد التراويح جو عرب وجدان الاول جايبينلها كبيرتها بعدهم خشو هل مصطفى
مرام:وريني شن جايبين
موده:سلسله عليها اسمي تهبلل وساعه وشوكلاطات
منى:وانتي
وجدان:جايبين عطر وخاتم وباقه هي
رنده:عطر بنته تهبل
ريما:عقبال كبيرتك 😉
رنده:انشالله نا وريماس ☺
منى:هيا باهي اشقو بالعزومه را الصيام مش كيف الفطر الوقت يمشي بسرعه وانتن هيا دسن هذينا واطلعن بيش تمدن وتقعمزن شويه
ناجيه:انتن ويت القهوه هيا
مبسون:هيا هي
موده:حقيتي ياخويله
ناجيه:ماشالله عقبال هدية العرس مشالله تبيدن بالهنا
لمن البنات جاجتهن وعدن للمطبخ يحطن عزومتهم
منعم:موده
موده:نعم
منعم:عصير ولا اي حاجه حلوه بسرعه
موده:كنك شن في
رنده:هييييء كنه حامد .....
