عند مروان وباته في المحل ...
محمود:كنك جاي شن في
مروان:خلي هضا يمسك مكانك وروح معايا للحوش
محمود:شن في ادوي
مروان:بنتك ريهام انخش عليها للمدرسه نلقاها محوله محرمتها وتسهوك مع الشباب
محمود:بت الكلب هذي
حمق محمود بكل وسيب المحل للمصري وطلع مع مروان
مروان:انا مش راد للحوش بنعدي للشباب
محمود:توا انوريها انا
ركبو سياراتهم وطلعو مروان عدا لمصطفى وسعيد في محلهم ، ومحمود عدا للحوش
عند مروان واصحابه
مصطفى:اووو عاقدهن
سعيد:كنك شن في
مروان :تي الي عنده خوات يتريح هو
مصطفى اول ماسمعه جت في باله موده :كنك
مروان حكالهم ع الي صار
سعيد:تي كان انا را قتلتها
مصطفى خاف ف البدايه يحسابها موده بعد قال مروان تعاركت مع امها بيش تريح
مصطفى:تي سنها طايش ، الله غالب اختك
مروان:الي قهرتنبي امها الزح
سعيد:احسن حاجه سلمتها في يد باتك اطلع منها انت مروان:هضا الي بنديره حتى نا
مصطفى:وسع بالك بس
مروان:اطلبلنا من المطعم خلينا نسمسمو ماعندش نيه انروح للحوش
سعيد:رصيدي فنش انا ، كلم يامصطفى
مصطفى:باهي توانطلب
في نفس الوقت كاين محمود وصل للحوش
موده:حي ع امه باتي جا يانهارنا الاسود يانهارنا الاسود
وجدان:صبن صبن انخشو دارنا
رنده:هيا بسرعه قبل يخش
خشن يجارن لدارهن اما الضراير الاربعه اول ماسمعن هلدت الباب استفن احدا بعضهن كي العسكريه
محمود:وينهي وينهي الكلبه الي ماعرفتش انربيها هذي
انتصار :الله يربحك ياحاج اهدى
محمود:حولي من قدام وجي ، ريهااام
ريهام طلعت من الدار اعيونها طماطم من البكا ، ويجيها يشدها من شعرها يطيحها في الوطا وكانشوات ع كفوف اشر من طريحة وجدان
انتصار:ووو ياحاج يناعلي البنت بتموت يده ، ياحاج البنت ، ياناعلاااااي
جن تمن يفكن فيها من يده وهو يدف فيهن ويضرب لين دهش وريهام شبه اغمى عليها
محمود:خلنها كيف الكلبه هنا ، اقسم بالله وحده اتصبيها ولا تجي شورها نهارها اسود
طبعا في الاحظه هذي انتصار تبكي ومش قادره اتدير شي ، والضراير متمسمرات في تركينه وخواتها كارسات في دارهن وريماس خايفه وكارسه حتى هي
دهش محمود من كثر الضرب قعمز ع الصالون
محمود:انت ياحيوانات
طلعت وجدان تجري
وجدان:نعم ياباتي
محمود:جيبي اميه ، انا انا عقاب عمري بنتي
تواطي راسي ، علي الطلاق ظنكن انتن الاربعه وحده تقصها للمدرسه ولا الجامعه معش تلزمني لا هي لا امها ، مدارس معش في معش عندي بنات يقرن
موده ووجدان ورنده اول ماسمعن باتهن تمن يتباكن ع قرايتهن الي حلف عليها باتهن بالطلاق ،
محمود:صبي صبي مصيبه تاخدك انشالله ، صبي درقي وحجك
انتصار:ياحاج البنت وجها دم
محمود:سكري فمك ماخربهن الا انتي ، خوتها يضربوها حتى الضرب انتن اتسكرن فمكن ، وكان اتحقي واحد من خوتها عازقها ف النار تسكتي وتنجمطي مش اتدافعي عليها ، هضا ماناقص بنتها وطت راسنا وتقوله قايلتلي ، يقولو علي اعلان موتها انشالله
انتصار:هو الي رفع صوته عليا
محمود:اسكتي مانبيش نسمع صوتك لا انتي ولا اي وحده اخرى
