رواية"#عائلتي_ولكن"
"80"
منعم من باب المطبخ الخلفي :مافي شي هبط عنده السكر بس
موده:هاك عصير وشوكلاطه
ريما:ديما تصيرله ف الصيام
مرام:ياحول الله مسكين صغير ع السكر
منى:نصيب ، غير هو المفروض يحافظ ع أكله في الصيام
نجيه:تعالن انتن قعمزن شويه
منى:امسكن انتن مدن
موده:هاتي هي
طلعن البنات مدن وقعمزن هدرزن والحمدلله تطمنو ع حامد وقعد كويس
هدرزو وتعرفو الانسابات ع بعضهم بعدها روحو
يوم ورا يوم يمر من الصيام لين جا يوم سفرة محمود وتهاني وميسون ، وفعلا سافرو ودارو عمرتهم وردو بعد العيد
مرت الأيام وحياتهم ماشيه تمام وبعدت عنهم المشاكل شويه ، مروان ومصطفى وسعيد قررو يطلعو فرحهم مع بعضهم ويديرو شي مميز بإن يزوجو هما الثلاثه مع بعضهم في نفس اليوم ، مروان بدا يبني في قطعته الي تلا حواشين خوته ، مصطفى بدا يشطب شقته ودارو دفع وبيان ع الضيق بلا مايعزمو حد ، وسعيد خطب ريماس رسمي ، بس مزال رافض انه يكلمها وقرر يخلي زواجه تقليدي يعني يعرفها بعد الزواج ، موده بدت تشري حاجتها بالشويه ، ورنده مزالت مستمره مع حامد الي رايح مريض ومش عارفين شن فيه ، ريماس بدت تتأقلم ع حياتها بلا امها وريهام وتناستهم ومعش حتى يندرو ع اخبارهم لهت روحها ف الطلوع مع موده ووجدان الي بدن يشرن حاجتهن ،عماد كمل حوشه وتخرج وقرر يطلع الفرح ،منعم حتى هو تخرج ولاهي بين العمل والحوش
ريما وحاتم يوتو للبيبي الي قريب يجي ، ميسون لاهيه في عيالها وحاطه كل وقتها عليهم ، تهاني بدت تقعد كويسه وردت لحوشها وعيالها ، منى ومرام مافيش جديد في حياتهن ، محمود لاهي في عمله والمحلات وقرر يفتح فرع لمحلاته خدا كل وقته ، نجيه وكلثوم يوتن للاعراس الي جايات ورا بعضهن ، عرس وجدان ومن بعدهم بشهر تقريبا عرس الاصحاب الثلاثه ، عزيزه خطيبة مروان بدت تشري حاجتها رغم انها هي ومروان مزالو مش متفاهمين بكل وشبه قاطعين المكالمات بس ع أمل ان كل شي يسقم بعد الزواج
كان كل يوم يمر في حياتهم بتريحو فيه اكثر بعيد عن وجيج انتصار الي معش يندرو عليها بكل
قبل أسبوع من عرس وجدان ...
موده :شن في برا صوت هرجه
نجيه:ياستير ياربي
طلعن كلهن يجارن
وقتها موده من صدمتها لين طاحت ، مصطفى طايح ع الوطا وكله دم ، وكلهم مصبيين يبحتو فيه ، عدت موده تجري تشوف مصطفى بس ماحد تحرك ولا دوا كلهم متنحين في مصطفى
موده:كنه ، بوفة رد عليا بوفا
يامروان صاحبك يامروان مصطفى كنه
مصطفى:انحبك
مه:لل بللله عليك ماتسيبني مصطفى ، ياامي قوليلهم يشيلوه
مروان:حولي خشي جوا
موده:باهي كنكم ساكتين قاعد يموت يامروان من دار فيه هكي
مؤيد:حولو توا نا نشيله
موده:مؤيد 😳
مؤيد:حولي توا بس مش وقت دوا
مروان:لالا خليك توا نحنا انشيلوه ماتشيلش انت
شالوه مروان وحامد ركبوه للسياره وعدو بيه
قعدت موده تبكي وامها وخواتها يهدن فيها كانو مقعمزين ع دروج مدخل حوش كلثوم ، وتبدل التدربيك لبكا ووكلهم مقعمزين يرجو ومافيش حد يبي يدوي
فجأه خشو مروان ومصطفى
موده:مصطفى كيف كيف
مروان:كنك انتي
موده:مش توا كان !!!
مصطفى:لا ربي نجاني بفضل حامد ومروان
رنده:وينه حامد
مروان:حامد عدا بعيييد ..
