بعد مرور سنة ...
اليوم راني معاك غدوه تاني متمني يكتب بالمكتوب ونكون احداك،اه ياقلبي شوف هواك وين رماني فوق بحر صافي بأمواجه داني معاه، تبع رياح الحب وعندك حطاني وودعني ،وقالي حبيبك ماتنساه
مصطفى:هييييي زينه مادرتي فينا أنا وقلبي حوسنا عليك مالقينا ، ههااااا يازينه مادرتي فينا أنا وقلبي حوسنا عليك مالقينا ، قالولي خرجتي في ظلام وعليا سولتي ، في غياب القمربعيونك ضويتي،قالولي عليك نجمهيانجمه مابنتي وين كنتي هاذا شحال قوليلي عليش هربتي
موده:يامجنون بطل جري وطي الناس
مصطفى :اسسس هيييي زينه
موده:تذكر يوم ماقعدت تغني فيها انت ومروان
مصطفى:ههههه عليك يوم ونحنا مروحين بيك من المدرسه كنتي مزلتي تدلعي عليا وتوا انتي مراتي وقريب تجيبيلي بيبي يهبل زيك
موده:😍 حي امي ترن ، ايوا ماميتي
نجيه:ها ياحنه وينكم هيا وقت بندير العصيده
موده:هيا جايين ، جبتيلي قنديل 😌
نجيه:خلي راجلك يجيبلك
موده:جابلي اصلا 😍😂
نجيه:خلاص هيا تعالو
موده:هيا جايين في الطريق
مصطفى:كنها
موده:قالتلي هيا وقت بندير العصيده
مصطفى:كلهم ملتمين اليوم
موده:اها
مصطفى:بكره عند امي را
موده:اها عارفه ان شاء الله
مصطفى:ايوا مش يقولولك باتي تحطيني في موقف شين
موده:امتى درتها لك انا 😠
مصطفى:نجي الي عقدت حواجبها 😍
موده:بارد 😒
مصطفى:عليك قصه بواب هلك هضا ع الفاضي كل مانجي نا الي ننزل نفتح البوابه
موده:ننزل نفتحها نا وانت خش بالسياره
مصطفى:قعمزي ترا وانتي رايحه كيف الكوره
موده:صماطه را ، توا انجيب ونقعد انهبل كيف قبل
مصطفى:حتى توا اتهبلي يااحلى كوره 😍😂
موده:مصطفى😠
نزل مصطفى فتح البوابه ورد خش بالسياره لحوش نجيه ، نزلو هو وموده
موده:هات انزل معاك
مصطفى:لا خليك توا انزلهن ، تعال ياامجد شيل معايا موده:جودي شنجوك
مصطفى:خير شنالجو
موده:تمام شوف مصطفى يضبحلك
محمود:اعميمه
موده:خير حبيبي 😍
نجيه:مرحب مرحب ، حطيه ثقيل عليك
موده:خير رايفت عليك
نجيه:ماشالله رايحه كابره البطن
موده:ورايحه زايده ننتفخ
مصطفى:خير ياعمتي
نجيه:مرحبتين تفضل خش ،خشي تعالي
خشو كلهم
موده:من ف المربوعه
نجيه:باتك وخوتك
موده:رجالة خواتي مش قاعدين
نجيه:لا حطوهن وعدو
خشت موده للمربوعه
محمود:مرحب مرحب
موده:خير ياباتي كيف حالك
مصطفى:شباب شنجوكم
منعم:مرحب بونسيب
مروان:موده الازعه شنجوك
موده سلمت عليه بالخد وضرباته ع كتفه : ازعه عينك
مروان:وحق ربي بعد حملتي زدتي قصرتي
موده:تي شنو هضا اول مره تحقوني ولا شنو
محمود:سيب اختك في حالها
مصطفى:ههههههه ساد نا مدرهلها كبدها
موده:نجيلي باتي وخلاص
حاتم:ونحنا شن قلنا
موده:ونجيلي حاتم ومنعم
منعم:من قالك نا ماقلتش ازعه
موده:خزي باهي 😡 انخش جوا خير نا
مصطفى:كيف سعيد ماجش مزال
مروان:لا مزال قالي بيتكي ع السوق هو والمدام وبعدها بيجو
خشت موده وسلمت ع الي قاعدين ، خواتها كلهن والكناين
نجيه:كلمن ريماس طولت رنيت عليها ماتردش
منى:اهي صوت سياره
مرام:اها هما
ميسون:مش وقت كان منعم بيولع الشوايه
موده:شواية شنو
وجدان:منعم دابح ياحنه يبي لمة شواية
مرام:حسسني عيد اضحى مش ميلود
كلثوم:ياخيا هي اللمه من امتى لأمتى
موده:رنده وين
وجدان:قالبتها نكد قاعده جوه
موده:ياحول الله
ريماس:السلام عليكم
تهاني:مرحب مرحب
نجيه:هاتي انشده منك
وجدان:ياخيا نجيه طشه
كلثوم:عقبال مانشدو عيالك ياغاليه
وجدان:امين يارب
ريماس:يناعلي دهشت
نجيه:امسكي معش تحطيله هالضوايا مش كويس
ريماس:باته هضا مش انا الي حطيته توا تكا ع المحل جابله ، هاكي يادانا فرقي عليكم ، موده ارطي ذكرتيني وهاكي حتى شكاره هذي فرقيها قسمي را يتعاركو
ريما:مؤيد تعال هنا را تلبز دبشك
كلثوم:خليه ياخذ راحته
مرام فرخي نا بره
كلثوم:اها مع العويل بره
منعم:امي
كلثوم:نعم
منعم:عطيني عبدالعاطي(ولد ريماس وسعيد) يبيه باتي
ريماس:هاك هو
منعم:ماشالله تبارك الرحمن
حليمه:عمتي السلاطه كملتها
نجيه:باهي عطيك الصحه
مروان'ياعرب
نجيه:خش تعال
مروان:السلام
نجيه:مرحب
موده:انت رايح سامن ولا تهيالي
مروان:كله من الراحه النفسيه 😂
حليمه:ماياكلش وحق ربي وقت الوجبه بس
نجيه:عارفته نا يرمرم بره
مروان:لا تبنا الى الله ، خلا بنقعد بابا بنعقل
موده:صدقت نا
حاتم:ياعرب فرشت بره تعالو هيا انقعمزو بره
تهاني:هيا
نجيه:تعالن برا هي
صبن كلهن طلعن
محمود:شن مافيش قهوه ، ووين العصيده
ميسون:هي توا اندير قهوه
ريما:توا انجي معاك
نجيه:خليها بعدين العصيده توا تشبعو ع الشوايه
محمود:باهي براحتكم ، هاكي ريماس
مصطفى:هاته ياعمي ،
محمود :سعيد الصغير
سعيد:مزال ماعرفتش يشبه لمن
حاتم:ريما افطني لمؤيد
ريما:حاضر
قعدو يهدرزو ومنعم وحاتم مصبيين ع الشوايه ، ومحمود يلعب في احفاده ، مروان ومصطفى وسعيد يهدرزو ، والباقيات يحوسن والي تهدرز والي تصمط
