ثاني يوم ،،
كلهم كانو بايتين في حوش نجيه
محمود:هيا وقت خلبنا نطلعو بيش نوصلو بدري ونلحقو انروحو
نجيه:هيا هي
كلثوم:بنتكو ع مرام وناجيه ولالا؟
محمود:اها هيا بسرعه
حاتم:هيا ياريما
ريما:هيا هو طلعت
نجيه:ميسون تبو حاجه اتصلو بمروان ولا قولو لمنعم
ميسون:بإذن الله
نجيه:هذينا ماتخليهنش يرقدن واجد وردي بالك من مشاكلهن مع ريهام
ميسون:يستر الله ياعمتي والله خايفه
نجيه:توا لما تنوض موده نكلمها انا
ميسون:خلاص باه
نجيه:هيا ياكلثوم
كلثوم:ناطلعت هي
نجيه:هي السلام عليكم
ميسون:توصلو طيبين
اسقدو شور طبرق ، وميسون خشت تكمل نومها ، مايفطنو للساعه الا ع دقة منعم الساعه 1
موده:من
منعم:تي اهل الكهف حلي
موده:صباح الخير
منعم:راقدين قصدك
موده:اها انا نضت ع دقتك
منعم:تي نوضيهم ، مروان وين
موده:مانظنيش رد مروان ، بايت عند اصحابه
منعم:باهي ريهام وين
موده:متمرقده
منعم:باهي بنمشي انا
موده:انت عليش جاي
منعم:قبل نبي مروان
موده:باهي فطرت
منعم:لا بنمشي للكليه توا نفطرغادي
موده:باهي ، سلام
منعم:سلام ، خشي وسكري الباب
خشت موده وعدا منعم
وجدان:من؟
موده:منعم يبي مروان
وجدان:نوضيهن هيا وقت
موده:ماني منوضه حد ، بنخش اندير حمام علي ماناضن
خشت موده دارت حمام وناضن الاخرات
ميسون:هيا تعالن افطرن
وجدان:صبي انتي
رنده:عدن انتن انكلم حامد وانجي
موده:هيا
رنت رنده ع حامد
حامد:ايوا
رنده:صباحو حبيبي
حامد:صباح الظهر ، وين من بدري انرن عليك
رنده:سهرنا امس ، مافطنتش نوووم
حامد:مخمجه
رنده:قالها النشيط
حامد:هلك عدو
رنده:اها
حامد:امي عدت والحوش فاضي الزح باتي في العمل ومكسد بروحي
رنده:واطلع لعملك حتى انت
حامد:فتته اليوم ماعندش نيه
رنده:ربي يصبرني عليك ، حي خطرها ريهام جت
حامد:احلفي ، وشن درتولها
رنده:شن بنديرولها يعني
حامد:غريبه مروان سكتلها
رنده:ماعنده مايديرلها
حامد:كان انا منه را رنيتها طريحة رباش القبور
رنده:وباتي كان سألها عليش تضرب فيها شن بيقوله
حامد:المهم ، صح مصطفى وسعيد تقدمو لموده وريماس
رنده:اها بس مزال باتي ماردش عليهم
حامد:باهي تمام انشالله ربي يتمم ع خير
رنده:انشالله حبيبي ، قتلك توا بنوض انا نصلي ونبرم ع الحوش مع خواتي وبعدين نكلمك
حامد:تم حبيبي ، انحبك
رنده:انموت فيك
سكرت رنده وصبت مع خواتها
ساعه ورا ساعه عدا اليوم كساد لين ف العشيه جا منعم لمروان في المحل
منعم:ماجش هضا
مروان:لا بسلامته
منعم:كلمني فتحي توا قالي جايين
مروان:توا يجو
منعم اهي في سياره درست
فتحي:السلام عليكم
منعم:وعليكم اليلام تفضلو
محسن:خير شباب كيف حالكم
مروان:تفضل
طبعا مروان ماكانش يطيق فتحي بكل وماحوتك بيش سلم عليه ، قعد معاهم محسن وحكا معاهم وعرفهم عليه وهدرزو لين ع المغرب روح
منعم:شن قولتك فيه
مروان:عيبه الوحيد ان خواله فتحي وانتصار
منعم:مالنا ومالهم نحنا هو الشاب حسيته كويس
مروان:الحق حتى نا ماشفتلش غلط ، خلاص يجي باتي نحكوله ع الي صار وئشوف هو رايه
منعم:انشالله خير ، بنعدي نا نصلي المغرب ونمشي لحامد نكسد معأه شويه قاعد بروحه
مروان:ارجى نمشي معاك
منعم:والمحل
مروان:اهم قاعدين فيه ، مليت انا
منعم:خلاص هيا باهي
مروان:اطلع انت وتوا نلحقك
برم مروان ع المحل ووصى عليه العامل الي معاه وطلع
طلعو مروان ومنعم عدو لحامد ف الوقت هضا كانو الي مشو لطبرق مروحين ف الطريق
كلثوم:اسماء اختي من بدري وهي اترن
نجيه:ردي عليها
كلثوم:ماحتى سمعتها توا لما نوصلو نكلمها
ريما:ماشالله عليها عزيزه عليك جمال
ناجيه:حتى هلها الحق عرب كرم ماشالله عليهم
مرام:امتى قالولك بيردو عليك ياباتي
محمود:ف البدايه دارولي جو حامقين وولدك غلط ومش عارف شنو ، نط واحد عاقل قاللهم هما كانهم ماعارفين ولدهم غلط راهم ماجوكم لهنا ، خلاهم يسكتو بعدها هدو شويه وتمينا ندوو لين باتها قال عطونا يومين ونردو عليكم
نجيه:باهي الحمدلله
حاتم:نتكو ع المطعم هضا تنزلو
ريما:اها تكي بينا
محمود:بتاكلو
نجيه:لا ريما تبي الحمام
كلثوم:حتى نا بننزل نرد ع اسماء حسها شغلتني
محمود:هيا باهي انزلو
نزلو ريما وحاتم خشو للحمام ، وكلثوم نزلت في تركينه ترد ع اسماء
كلثوم:ايوا السلام عليكم
اسماء:ايوا وينك انتي
كلثوم:والله انا في الطريق مروحين من طبرق
اسماء:باهي نبيك اتفهميني شن الكلام الي سمعته هضا ، روحت توا من لمة جسمي كله يتراعش ع بعضه
كلثوم:كلام شنو خير انشالله
اسماء:معقوله الصبايا يدوو عليكم كلام يحشم ياكلثوم ، كلام فيه شرف بناتكم وبنتي معاكم ، نا انفجعت لما سمعته
كلثوم:كلام شنو باهي فهميني
اسماء:ماينفعش ع التليفون بكره توا انجيك وندوو ف الموضوع
كلثوم:لا ادوي توا
اسماء:مانقدرش ندوي توا جو تلايا
كلثوم:حسك قلبتيلي راسي يستر الله
اسماء:ربي يوصلكم طيبين مع السلامه توا
محمود:هيا انتي مزال مكالمتك
كلثوم:لا هيا
محمود:كنها
كلثوم:مش عارفه قالتلي بكره بتجيني
محمود:باهي مرحبتين بيهم ، هيا اركبي
ركبو كلهم وطلعو شور بنغازي ،وكلثوم طول الطريق تخمم في كلام اسماء وفي عالم اخر
وصلو للحوش
نجيه:يناعلي موده جيبيلي اميه
موده:حاضر باتي وين عدا
نجبه:حطنا وعدا لتهاني
وجدان:احكولي شن جوهم وشن حطولكم
ريما:عليم الله ماشالله عليهم عرب كويسين
رنده:سمحه هي
نجيه:ماشالله عليك جمال
موده:كنت متمنيتها تطلع قرده
نجيه:عليش اسمالله
موده:هكي نستحلاها في مروان
نجيه:ياحول الله
رنده:مرام روحتوها
ريما:اها روحو مرام واميبعدها حطونا هنا
حاتم:ريما هيا
ريما:هيا هي
حاتم:امي تبي شي
كلثوم:سلامتك ياباتي
ريما:هيا تصبحو ع خير
نجيه:انتي من اهله ، عقبال نوضتك طيبه
ريما:سلمك انشالله، خويله
حاتم:هي السلام عليكم
طلعو حاتم وريما
موده:احكيلي شن حطولكم
نجيه:ياحناتي حطو نسكافيه وبكلاوه ، بعدها عصير وشوكلاطه ، بعدها حطو سفر مافهمتش غدا ولا عصريه ، المهم رز بالتقليه ومسير وبطاطا مبطنه وكفيتة الهريسه ومعاه قزوزه ، بعدها حطو شاهي خضر بالنعناع ومعاه مكسرات
ريماس:نظاف وحاجتهم سمحه؟
نجيه:عليم الله ماشااللهه ماعندب مانقول فيهم ،بعد يومين بيرظو علبنا
ميسون:انشالله ربي يجيب الي فيه الخير
وجدان:امي كنك ساكته
كلثوم:لا شي راسي مصدع من الطريق ، بنروح نرقد انا
وجدان:هيا حتى نا نمشي معاك
نجيه:ريهام قاعده ولا عدت ولا قتلتنها ولا شنو
رنده:من الصبح ماحد يدوي معاها ناسكه هالتليفون ومقعمزه ف الدار وخلاص لا كلمه لانص ، ونحنا معاها معاملة كلاب حشاك
نجيه:ماقالوش خوتك شن صار معاهم جاهم الراجل ولالا
موده:ماشفناهمش بكل حتى ع الغذا ماجوش
كلثوم:هيا يابنات
نجيه:حتى نا بنصبي ندير حمام ونصلي ونرقد راسي بيطربق
كلثوم:هيا تصبحو ع خير
وجا
وجدان:سلام وكان في جديد رنو عليا
موده:انشالله
رنده:سلامات
طلعو كلثوم وبناتها وخشت موده لدارها ونجيه ، وميسون لاهيه ف عيالها
قريب ساعه هك ورنت وجدتن ع موده كانت وقتها تهدرز مع مصطفى ع النت
ردت ع وجدان
وجدان:في حد حداك
موده:كنك تبكي
وجدان:خش منهم توا ترگب فينا خزيبه ، مكلمه راجا خالتي ومسمعه وس9 وذنه علينا وع اميىخ بنته ، انظر من داوي علينا دوه مش تمام ،نهارنا اسود كان توصل لباتي
موده:شنو باهي من الي داوي وشن قايلين
وجدان:قايلين ان .......
