في حوش كلثوم ..
محمود:ريماااس
ريماس:حي عليا يابنات باتي يابنات شن ندير حيغمى عليا
وجدان:يناعلي انا مستكه من الي سمعته،حي ع امه امك شيطانه مش بنآدمه
ريماس:الحمدلله انه مش مسجل قصة موده والي داراته ريهام فيها را باتي قتلهن
رنده:كيف انتي عندك علم من وين ان ريهام دارت هكي في موده
ريماس:انا الي قلت لمنعم عليه
وجدان:يعني شكنا فيها كاين صح ؟؟؟
ريماس:اها ريهام هي الي خربت بين مروان واصحابه ومثلت ع سعيد انها موده، بس انتن كيف عرفتن
محمود:ريماااس
رنده:حي ع امه اطلعي بسرعه وبعدين فهمينا
طلعت ريماس لباتها ف الصاله وهي ترعش وحالتها حاله ، بحت فيها منعم بابتسامه متاع انا معاك ماتخافيش
ريماس:نعم ياباتي 😰
محمود:تعالي قعمزي
قعمزت ريماس ع الصالون :نعم
محمود:انتي متأكده من الكلام الي قلتيه لمنعم ،مستعده تواجهي بيه امك
ريماس:لا أمي لا والله ياباتي تقتلني
محمود:تي هضا كلام كبير الي تقولي فيه ، انتي عارفه ان من وراه حتطلق امك
ريماس:ياباتي والله متأكده من كل كلمه
محمود:منعم صبي معايا
كلثوم:وين ماشي ياحاج
محمود:هيا يامنعم ، وجيب تليفونك
منعم:حاضر ياباتي
طلع محمود حامق بكل ووراه منعم ، وريماس عدت لدار خواتها وبكاوات وحاله
وجدان:انتي احسن شي درتيه انك دويتي مانخافيش ،والله باتي كان بيديرلك شي راه دارلك توا
ريماس:ماشفتنش كيف حامق وعيونه لين منحمرات
رنده:انا مش مصدقه انتصار دايره هضا كله يناعلي
ريماس:تصدقن كرهتها كرهتها
وجدان:امك هذي
ريماس: لا مش امي ، حتى ريهام ماهيش اختي
وجدان:فهمينا ريهام كيف عرفتي انها هي الي تراسل في سعيد
ريماس:ارجن
طلعت ريماس التاب متاعها من الشنطه وفتحاته تمت تقلب في الصور بعدها حطتلهن ع صور المحادثه متاع ريهام وسعيد ،تمن رنده ووجدان حاطات راسهن في الكلام ومش مستوعبات الي يقرن فيه
رنده:يناعلي الحمدلله لقينا عليها دليل
وجدان:باتي توا مايعلمش بالقصه تمام ، ومنعم احسن شي داره انه ماسجلش الكلام الي قلتيه ع قصة ريهام وموده ، نحنا توا نعرفو كيف نصرفو مع ريهام ونفهمو ليش هي دارت هكي
ريماس:ياريتني مادويت دمرت كل شي
رنده:تي انتي وحق ربي كبرتي في عيننا كلنا ، مع انك صغيره فينا بس طلعتي اكبر عقل منا كلنا ، ماتخافيش وحق ربي ماواحد يقدر يقربك
كلثوم:بنااات تعالن عيت حاتم
وجدان:ييه مش وقتهم بكل
رنده:تي خوك الزح ، سكرن ع الموضوع توا
طلعن البنات
ريما:خيرات
وجدان:مرحب ، شنو هضا ، شن في
حاتم:هضا باسطي بمناسبة حمل ريما
كلثوم:ماشالله الحمدلله ياربي ، مبروك ياغوالي
ريما:الله يبارك فيك
وجدان:ياخيا مبروك ربي ينوضك طيبه
ريما:امين يارب
حاتم:كيف باتي جا؟
كلثوم:كيف عرفت
حاتم:سيارته برا
كلثوم:جا وطلع مع منعم توا
حاتم:شن جو العيله
كلثوم:والله ياوليدي الدنيا نايضه في بعضها ويستر الله
ريما:بنصلي الظهر ماصليتش
رنده:تعالي ف الدار
صبن البنات للدار وقعد حاتم وامه
حاتم:شن في
كلثوم:ريماس داويه ع امها كلام يفجع ، وتوا عدا الحاج ومنعم يدوي مع انتصار ، ويستر الله
حاتم:كلام كيف شنو
كلثوم:كل المصايب الي صايرتلنا من وراها ياحاتم
حاتم:لا حول ولا قوة الا بالله ، وريماس شن عرفها
كلثوم:طلع فيها عقل خير منا كلنا البنت هذي ، تي قالت حاجات انا انصدمت انها من ريماس
حاتم:تي انتصار هذي من يوم خشت للعيله ونحنا لاوره
كلثوم:يستر الله
حاتم:ومنعم شن مشاه مع باتي
كلثوم:ماهو ريماس اول ماحكت حكت لمنعم وهو سجل كلامها بلا ماتفطنله
حاتم:تي شن جو الأفلام هضا
كلثوم:والله هضا الي صار ياوليدي
ريما:شن بنة غداكم
كلثوم:والله درت طاجين ، ماقلتيش كم شهر لك
ريما:مزلت ف الثاني
كلثوم:ربي ينوضك طيبه ويفرحني بعيالكم
حاتم:آمين يارب
