رنده:باهي الحمدلله ع الاقل نطمنو عليه
موده:والله هضا وين تريحت
رنده:تهدرزي مع مصطفى انتي
موده:لا سكر قالي مروان جوه غلط بكل بنقعد معاه
رنده:هي انتي وطي صوتك تسهوك تسحابه صبح
وجدان:عليك حسد ياربي
موده:جعت
رنده :حتى نا
موده:انتي مع كل واحد يقول جعت تجوعي ، ماعندكش نظام 3 وجبات بوفي مفتوح طول اليوم
رنده:وانتي عليش مقهوره
موده:شن تبي تسمسمي
رنده:اي حاجه
موده:توا انشوف شن في ف الكوجينه
صبت موده تقربج في الكوجينه ووجدان تكلم في عماد ورنده مع حامد ع النت
عند انتصار
سلوى:انتصار انظر الحاج بايت عند تهانيولا كلثوم اليوم
سلوى :مانظنيش عند كلثوم لان موده كلمتني من فون رنده معناها قاعدات عندها
انتصار:اها ايوتو علينا ف خطط يحسابوني مزال هضا حده والله انكان ماخليتهم يطاحنو في بعضهم مانبقى نا ، عقاب عمري يلزنني ويمعيلن بيا قدام الناس ومش اول مره ديييمه يديرن فيها بالذات السلعوه الي اسمها موده هذي فرخه بس لسانها تبيله قص
سلوى:كان سمعتيها امبدري رعشتني
انتصار:لا ترعشك لا شي توا نرعشهن الرعيش الي ينصدمن منه مزال ياما جايهن
ريهام:ع من تدون
سلوى:حديث الموسم
ريهام:اففف ماتملوش من الدوه عليهم
انتصار:بنخش نرقد انا
سلوى:تصبحي ع خير
عند مروان واصحابه..
مروان:انا الحقيره تسرقني فرخة الحرام ، لا والي قاهرني باتي مصدقها ، بنخش في عقل مش عقلي وحق الله
سعيد:ربك موجود والله ماينسى عبده
مروان :وحق الله انربيهن
مصطفى:تي شن بتديرلهن يعني باتك مصبي معاهن
مروان:نعرف كيف نصرف انا ،نعست نبي ندمدر
سعيد:خف علينا ياوحش وسع بالك
مصطفى:وارقد الزح من ماسكك
مروان:تصبحو ع خير
رقد مروان ع فراش متركن بروحه وحط السماعات في وذانه
سعيد:بترقد انت ولا شن جوك
مصطفى:لا بنصلي قبل
سعيد:الساعه3 الزح ومزلت ماصليت
مصطفى:اهو بنصبي
صبى مصطفى خش للحمام توضى وهو طالع من الحمام كاين سعيد راقد ع الفراش ويقلب في صور ،لفت انتباه مصطفى الصور لبنت قرب شويه دار روحه بياخذ الصلايه انصدم ان الصور صور موده وبقفطان الي كانت لابسته في عرس حاتم ، قعد ايفنص مش مستوعب الي حقه ،تعوذ من الشيطان وسكت بعدها معش قدر يتحمل
مصطفى:الصور هذينا شن يديرن عندك
سعيد:تي فجعتني الزح شفتني انت اسكت را مروان يسمعك
مصطفى:الصور هذينا شن يديرن في تليفونك 😡
سعيد:تي كنك الزح انفصلت ، هذي البنت الي نحبها ومرتبط بيها ليا فتره الله غالب لما كبدت كبدت ع اخت صاحبي
مصطفى:مالقيتش الا هذي ،كيف كيف صورها عندك
سعيد:وشن فيها كان دزتلي صورها
مصطفى:موده هي الي دزتلك صورها
سعيد:تي كنك الزح
مصطفى:ربي يهنيك يارفيقي
سعيد:وين ماشي انت
مصطفى:بنروح
سعيد:تي كنك الزح فهمني شن في
مصطفى:شي ياسعيد ، سلام
فتح مصطفى الباب وطلع ، طلع وراه سعيد ف الشارع
سعيد:تي تعال هنا ياراجل كنك شن صارلك
مصطفى:انضحك علينا ياصاحبي ،انضحك علينا من اخت صاحبنا
سعيد:كيف هذي فهمها ليا
مصطفى:موده انا مرتبط بيها من شهور الزح وحق الله مصدوم مش مستوعب تي حبيتها الزح تغيرت ع سباها وهي تضحك علينا نحنا الاثنين
سعيد:تي لا يارا كيف كيف الزح كنك انت شن تدوي ، تي ناوي نخطبها نا كيف ، تي وانا انقول اتقولي مانقدرش انكلمك انخاف خلينا نحكو ع النت
مصطفى:مانيش مستوعب شي ، ارجى انرن عليها قدامك
طلع مروان ومصطفى يرن ع موده ، بعدها سكر على طول
مروان:كنكم خشيت للحمام نسمع في هرجتكم تي ليل الزح ، شن في كنكم راقيلكم
مصطفى:مافي شي
مروان:تي ادوو الزح شن الجو المعفن هضا
سعيد:شي غير سمعنا صوت السياره طلعنا انشوفو شن في
مروان:باهي تمام خشو هيا ولا بايتين هنا
مصطفى:لا بنروح انا
مروان:وحق الله في حاجه ادوي انت شن في
سعيد:يارا مافي شي خلاص
مروان:سألتكم بالله تدوو
شويه وهما يتناقشو موده الهبله تحساب مصطفى ماعندش رصيد رن وسكر رنت عليه هي
تمو سعيد ومصطفى يبحتو في بعضهم
طبعا مروان الفضول زاد عنده خطف من يد مصطفى التليفون والصدمه ان الي يرن رقم موده
تمى مروان يركز ف الرقم كويس ومش مستوعب
بحت في مصطفى بتفنيصه
مروان: هضا شن يدير عندك
مصطفى:افهمني يامروان
مروان:تي ش نفهم الزح شم نفهم
سعيد:وطي صوتك الشارع
مروان:وخر ماتقربنيش ، شكرا يااصحابي تي هلي وانتم واااجد واااجد
مصطفى:تي اهدى يامروان انفهمك
مروان:مانبيش نفهم شي
خش مروان خدا حاجته بالشويه بيش ماينوضش هل سعيد وطلع
سعيد:يامروان اهدا اسمع منا
مروان:هضا لساني معش يخاطب لسانه
مصطفى:يكون في معلومك اختك لعبت علينا نحنا الاثنين انا وسعيد ، عدي ربي اختك قبل ماتدويلنا
مروان:صار حتى سعيد في الموضوع ، تي سكره هضا معش تدوي ع اختي اشرف منكم انتم الاثنين ينعن بو رفقتكم كله كذب
ركب مروان سيارته وطلع ، وسعيد ومصطفى تهارجو اخرى بعدها مصطفى ركب سيارته وطلع حتى هو وهو ف الطريق رن ع موده
موده:ايوا حبيبي
مصطفى:تي اين حبيب تلعبي ع من انتي ، صار تلعبي عليا انا وسعيد واخرى اتدزيله الصور الي دازتيهن ليا يارخيصه ، تلقي مايجيك من مروان علم كل شي ،تي الزززح حبيييتك وحق الله تغيرت ع سباك وانتي اتخونيني مع سعيد
موده:تي هي كنك انت فيش تفترش مصطفى واعي انت
مصطفى:اكثر مره نكون فيها واعي هي هالساعه ، معش نبي انحق رقمك ولا عاد نبي نسمع طاريك وربي ياخد حقي منك ، وانا انقول كنك سألتيني مره ع سعيد قالي حاجه ولالا خفتيه يكون قالي انه مرتبط بيك ، وحق الله انصدمت فيك وحق الله
سكر مصطفى وتمت موده ماسكه التليفون ومصدومه من الي سمعاته مش مستوعبه الي قاله مصطفى ، مش فاهمه خيانة شنو وسعيد كنه وشن الي صار تمت تفنص وخلاص
وجدان:كنك
موده:مش عارفه ، مش فاهمه شي
رنده:حي عليك وجك انصفر كنك ، يدها مجمده ياوجدان، كنك موده
موده:قالي ،
سكتت موده وعيونها تعبن دموع
وجدان:تي شن في
مروان:موددده
موده:انا توا حنموت
وجدان:تي كنه مروان شن في
فتح مروان وقتها الباب بالقوه وخش كر موده من شعرها
مروان:ياحقيره مع اصحابي ياحقيره
رنده:يامروان حتقتلها يامروان
وجدان:يناعلي شن في يامروان البنت حتموت في يدك
كان مروان يضرب فيها وموده وقتها اغمى عليها معش تندري ع ڜي ، ومروان نازل ضرب فيها ووجدان ورنده يفكو فيها من يده ويعيطن ..
ماقدرت احكي ولا انطق بكلمة ، اخنقتني عبرتي و عيا لساني
يوم شفتك مع هذاك الي تكلمه ..قلت في نفسي ليث الله خذاني
انت ماظنيت قلبك فيه رحمه ..عيني عينك خنت عشرتنا بثواني
قلبي المسكين ماادري اشلون افهمه ..هو يحبك انت وانت تحب ثاني
فوق ماهذا الزمن ذابحني ظلمه..جيت انت وصرت ضدي مع زماني
قاعد لحالي وكأني بوسط زحمه ..ليث ربي بساعة الي شفتك عماني
صدمتي والله ماهي اي صدمه ،،بذمتك شن تقول لو جاك الي جاني
انت ماخليت للاحساس حشمه..ماوفيت لحبي ونكرت لحناني
