ناصر:تفضلو تفضلو
سعيد:السلام عليكم
مروان:😳😠
مصطفى:كيف حالك
مختار :مرحب انستو كيف حالكم
سلمو سعيد ومصطفى وطبعا جو عند مروان سلم عليها بأطراف صوابعه ومابش حتى يصبيلهم
ناصر:كيف حال عرب بنغازي شن اموركم
سعيد:والله بخير الحمدلله
ناصر:باهي الحوش حوشكم خوذو راحتكم ، مختار
مختار(ولد ناصر وصاحب مروان في طبرق م 97 صغير ع مروان بس مالقش غيره 😂) :نعم ياباتي
ناصر:تعال نبيك
طلعو مختار وناصر وسيبو مصطفى ومروان وسعيد
مروان:شن جيبكم انتم هنا
سعيد:وسع بالك واسمعنا
مروان:الزح شن مزلت بنسمع بعد الي سمعته وشفته مصطفى:كيف الزح بتسمعنا وانت راقيلك هكي
مروان:ها سكتنا شن بتدوو ، وبعدين من قاللكم ع مكاني
سعيد:منعم عطانا رقم ناصر ونحنا كلمناه جا خذانا ، وجينا بيش انفهموك كل شي
مروان:تي شن مزال بتفهموني الزح ، تي انتم خليتوني مش راجل قدام الناس ،تي الزح مالقيتو الا اختي
سعيد:اسمعني انا الي كانت تحكي معايا مش موده ، تي ريهام اختك لعبت عليا ع اساس انها موده وهضا كله مانيش عارف عليش
مروان:تي شن تفترش انت ،وانت تمص في صبعك بيش تلعب عليك مش متحشم وانت تقول فيها
سعيد:يامروان حوشكم متقربع وانت بايع القضيه الزح ، تي انا غلطان بس موده ماحكيتش معاها ، واختك ريهام هذي وحق الله نطلعه من عيونها الي داراته فيا
مروان:تياحترم نفسك الزح حتى هي اختي
سعيد:تضحك ع من انت ، ريهام دارت هكي بيش تنتقم منك انت وموده ،نحنا مش اليوم ولا امس نعرفوك نحنا عشرة سنين وعارفين انك ماتقبلهنش خواتك هدينا بكل
مروان:باهي انت ريهام ضحكت عليك ومثلت انها موده وموده خذت طريحة رباش القبور والسبب ريهام وهن الاثنين خواتي ، وانت من ضحك عليك راك تقولي منعم بس
مصطفى: لا انا صح كنت انحب موده بس كنت ناوي معاها الخير وناوي نطلبها منك
مروان:هه تي الزح كيف جت من قلبكم تبيعو رفقة سنين
مصطفى: حق الله مابعناها والدليل ع هكي اول ماهرفت بالي صار والي داراته ريهام حجزت وجيت من المطار المغرب ع طبرق طول
مروان:وحق الله كلام مايخش الراس ، والي جابكم هنا يروحكم انا انسوني بكل ،ازوجو خواتي ديرو الي بتديروه انابنغازي معش لانبيها ولا ليا علاقه بحد فيها
سعيد:من جدك انت
مصطف :تي فيش تقول انت يامروان
مروان:معش عندي خاطي الكلام هضا ،انت تقولي لعبت عليا اختك ، تي انت فكرة انك قبلت ورضيت فيا انك ترتبط بوحده من خواتي هذي بروحها كارثه ،وانت بكل وقاحه جاي تقولي انحبها ،عاساس جايين تقولو حاجه جديده ، يارا انا خلاص كأني واحد كيف منولد مايعرف حد ولا عنده حد ، وبكره الصبح تسقدو من وين ماجيتو ماعندكمش صاحب هنا
مختار:هي تفضلو
حط مختار السفره متاع العشا وسعيد ومصطفى مستكين من كلام مروان
ناصر:هيا تفضلو شباب
مروان:عمي ناصر ناطالع مشوار وجاي
ناصر:وبتسيب اصحابك
مروان:جايينك انت هما
مختار:يارا تعشى باهي
مروان:لا صحه توا انجي
طلع مروان وتمو مصطفى وسع مستكين من تصرفه ومن دوته ماعرفوش حتى شن يدوو
